"ოქროს ქალღმერთი" - ქეით მიდლტონი "ბონდიანას" ახალი ფილმის პრემიერაზე და მოხიბლული "აგენტი 007" - შთამბეჭდავი ფოტოები წითელი ხალიჩიდან

ლონდონში, Royal Albert Hall-ში "ჯეიმს ბონდის" ახალი ეპიზოდის, "No Time To Die"-ს მსოფლიო პრემიერა გაიმართა, რომელსაც ბრიტანეთის სამეფო ოჯახის წევრები დაესწრნენ.

საგანგებოდ გაშლილ წითელ ხალიჩაზე გამოჩდნენ პრინცი ჩარლზი და მისი მეუღლე კამილა, ასევე ჯემბრიჯის ჰერცოგი და ჰერცოგინია, პრინცი უილიამი და ქეით მიდლტონი.

ქეითი კი საღამოს მთავარი ვარსკვლავი აღმოჩნდა და დღევანდელი პრესის განხილვის თემად იქცა. მას ოქროსფერი, მბრწყინავი კაბა ეცვა, რომელიც ანტიკური ეპოქის შთაგონებით იყო შექმნილი, კაბაზე Jenny Packham-მა იზრუნა.

კემბრიჯის ჰერცოგინიას ეკეთა ოქროსფერი საყურე და აღსანიშნავია მისი ვარცხნილობაც, მსგავსი სტილი ზოგადად არ არის ქეითის იმიჯისთვის დამახასიათებელი და ის უმეტესად გაშლილ თმას ატარებს.

მედიაში ჰერცოგინიას "ოქროს ქალღმერთი“ უწოდეს.

აღსანიშნავია, რომ პრემიერას ფილმის მთავარი გმირის როლის შემსრულებელი, მსახიობი დენიელ ქრეიგიც დაესწრო, რომელიც ქეითის ვიზუალით აღფრთოვანდა და კომპლიმენტები მას საჯაროდ უთხრა. გამოცემა People წერს, რომ "აგენტმა 007"-მა ჰერცოგინიას ასე მიმართა - "შენ საოცრად შთამბეჭდავი ხარ.“