სერიალ "სექსი დიდ ქალაქში"-ს მსახიობი 57 წლის ასაკში გარდაიცვალა

მსახიობი ვილი გარსონი, რომელიც ცნობილი იყო თავისი როლით სერიალიდან "სექსი დიდ ქალაქში“, 57 წლის ასაკში გარდაიცვალა. აღსანიშნავია, რომ ვილი სერიალზე დაფუძნებულ ფილმშიც მონაწილეობდა.

ინფორმაცია მსახიობის ვაჟმა, ნათან გარსონმა გაავრცელა. “მამა, ძალიან მიყვარხარ, მშვიდად განისვენე. ბედნიერი ვარ, რომ შენს ყველა თავგადასავალს მიზიარებდი და რომ ასეთი წარმატების მიღწევა შეძელი, შენით ვამაყობ“, - წერს ნათანი "ინსტაგრამის პირად გვერდზე.

სერიალში "სექსი დიდ ქალაქში“ გარსონმა ბევრისთვის საყვარელი, კეთილი, თავდაჯერებული და უანგარო მეგობრის გმირი შექმნა. ის სტენფორდ ბლეჩის როლს ასრულებდა, რომელიც სერიალის მთავარი გმირის, კერი ბრედშოუს მეგობარი იყო.

კარიერის დასაწყისში გარსონი გამოჩნდა ისეთ სატელევიზიო შოუებში, როგორებიც იყო "Cheers" და "Family Ties, აღნიშნულმა შოუებმა გარსონს მოუტანა ყველასთვის საყვარელი მსახიობის რეპუტაცია.

მსახიობის გარდაცვლაების ზუსტი მიზეზი ამ დროისთვის უცნობია. სხვადასხვა გამოცმეები წერენ, რომ ის ბოლო დროს თავს ცუდად გრძნობდა და დროის უმეტეს ნაწილს ოჯახთან ერთად ატარებდა.

წყარო: CNN.com