ვახო სანაია შს სამინისტროს თანამშრომელს სიტყვიერად დაუპირისპირდა

პარლამენტთან ჟურნალისტებსა და სამართალდამცავებს შორის კიდევ ერთი დაპირისპირება მოხდა. ამჯერად, შს სამინისტროს ერთ-ერთ მაღალჩინოსანს ჟურნალისტი ვახო სანაია დაუპირისპირდა.

სანაიას განცხადებით, სწორედ აღნიშნულმა პირმა გაუკეთა მოძალადეებს დერეფანი 5 ივლისს და მოძრაობა „სირცხვილიას“ ოფისში შესასვლელად გზა გაუხსნა.

"ამ ადამიანს რატომ უშვებთ „სირცხვლიას“ ოფისში?! თქვენ ხართ იქ, ეს ადამიანი თავის ბანდიტებთან ერთად შედის ოფისში, რასაც ოპერატორის მკვლელობა მოჰყვა. შენს სინდისზეა ის, რაც მოხდა“, - მიმართა სანაიამ შსს-ს წარმომადგენელს.