მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ანა ნაცვლიშვილს ახასიათებს მორალური პედესტალის აგება, შემდეგ მასზე ასვლა და იქიდან საუბარი" - შალვა პაპუაშვილი
22:15 / 15-07-2021
ქალბატონ ანას [ნაცვლიშვილს] ახასიათებს მორალური პედესტალის აგება, შემდეგ მასზე ასვლა და იქიდან საუბარი, - ამის შესახებ განაცხადა პარლამენტის განათლებისა და მეცნიერების კომიტეტის თავმჯდომარე შალვა პაპუაშვილმა იურიდიული კომიტეტის სხდომაზე, სადაც ცესკო-ს თავმჯდომარეობის კანდიდატებს მოუსმინეს.
სხდომაზე შალვა პაპუაშვილმა ანა ნაცვლიშვილის განცხადება წაიკითხა, რომლის თანახმადაც ის მხარს არ დაუჭერს ცესკო-ს თავმჯდომარეობის არცერთ კანდიდატს, მიუხედავად მათთან ახლობლობისა და კავშირებისა.
პაპუაშვილმა ცესკოს თავმჯდომარეობის კანდიდატს გიორგი სანტურიანს ჰკითხა, როგორ ფიქრობს, არის თუ არა საჯარო მოხელისადმი ასეთი ტექსტები კლიშეს მიწებება პოლიტიკოსის მხრიდან, რომელსაც აქვს პრეტენზია, რომ მოვიდეს ხელისუფლებაში, იყოს მმართველი და საჯარო მოხელეებისთვის პოლიტიკის განმსაზღვრელი.
“მე წაგიკითხავთ ქალბატონი ანა ნაცვლიშვილის სტატუსს. მოგეხსენებათ, ქალბატონი ანა გახლავთ ფრაქცია “ლელოს” წევრი, რომლებმაც საარჩევნო რეფორმას მხარი არ დაუჭირეს და ცესკოს წევრების შერჩევასაც, როგორც საარჩევნო რეფორმას გამოუცხადეს ბოიკოტი, ასევე ცესკოს წევრების და თავმჯდომარის შერჩევასაც უცხადებენ ბოიკოტს.
ვციტირებ: “ცესკოს თავმჯდომარეობის კანდიდატად პრეზიდენტისთვის წარდგენილ ორივე კანდიდატს ვიცნობ პირადად, ორივე ჩემი თანაქალაქელია. გიორგი კალანდარიშვილი არის ჩემი სკოლელი და ბევრი ნაცნობ-მეგობრებით ვართ დაკავშირებული. ბოლო წლებში პროფესიულადაც გადავიკვეთეთ რამდენჯერმე სულ დადებით კონტექსტში. გიორგი სანტურიანი იყო “საიას” ქუთაისის ფილიალის თავმჯდომარე ჩემი “საიას” თავმჯდომარეობის დროს. ბევრი ადამიანური და პროფესიული კომპლიმენტი შემიძლია ვთქვა მისი მისამართით. ამ ახლობლობის და კავშირების მიუხედავად მე ვერც ერთ მათგანს ვერ დავუჭერ მხარს ამ თანამდებობაზე. ცესკოს თავმჯდომარე, განსაკუთრებით არსებული გამოწვევების გათვალისწინებით უნდა იყოს ძალიან მაღალი ნდობის მქონე, საზოგადოების ფართო წრეებსა და პოლიტიკურ სპექტრში, ამას რეპუტაციაშელახული, სისტემის შიგნიდან გამოსული კადრი ფაქტობრივად გამორიცხავს. მეგობრობა ადამიანის პირადი საკითხია,საჯარო გადაწყვეტილების მიღების დროს მე საჯარო პირი ვარ და საჯარო ვალდებულებები მაკისრია. ცესკოს სჭირდება ნდობა“
ქალბატონ ანას ახასიათებს მორალური პედესტალის აგება, შემდეგ მასზე ასვლა და იქიდან საუბარი. როგოც ჩანს, ამ პედესტალიდან არის ეს ტექსტიც დაწერილი. მე მინდა გკითხოთ, თქვენ ხართ საჯარო მოხელე, ამავე დროს, როგორც აქედანაც ირკვევა და თქვენი ბიოგრაფიიდანაც ვიცით, იყავით არასამთავრობო სექტორში - “საიაში”. რა არის იყო საჯარო მოხელე და თქვენ როგორ გრძნობთ, არის თუ არა ასეთი ტექსტები კლიშეს მიწებება საჯარო მოხელისადმი პოლიტიკოსის მხრიდან, რომელსაც აქვს პრეტენზია, რომ მოვიდეს ხელისუფლებაში, იყოს მმართველი და საჯარო მოხელეებისთვის პოლიტიკის განმსაზღვრელი. თქვენი დამოკიდებულება მაინტერესებს ზოგადად, არის თუ არა ეს კლიშეს მიწებება საჯარო მოხელისადმი და შეიძლება თუ არა საჯარო მოხელე იყოს პატიოსანი და პრინციპული”, - განაცხადა შალვა პაპუაშვილმა.
ცესკო-ს თავმჯდომარეობის კანდიდატის გიორგი სანტურიანის თქმით, ის, რომ ადამიანები ან კანდიდატები გარკვეულ დროს გარკვეულ ადგილას არიან, არ ნიშნავს, რომ ასეთ ადამიანებს ხაზი გადავუსვათ.
„ეს არის სტიგმატიზება, პოლარიზებას ზუსტად ეს უწყობს ხელს. მითხარით დასაბუთება, რატომ უნდა დაიწყოს ადამიანმა საარჩევნო ადმინისტრაციაში მუშაობა, თუ თავიდანვე იცის, რომ ყოველთვის იქნება შედეგით უკმაყოფილო ადამიანი და ის ყოველთვის მოხვდება კრიტიკის ქვეშ. ყოველთვის იარსებებს რისკი, რომ მას ეტყვიან - იცი, გაყალბების პრეზუმფციის არსებობის ფარგლებში შენ იქნები გამყალბებელი. მე ვფიქრობ, მსგავსი მოსაზრებები ასე უპირობოდ, აპრიორი გასაზიარებელი არ არის“ - განაცხადა გიორგი სანტურიანმა.
მკითხველის კომენტარები /
28 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თოთო ბავშვის სისხლზე ხელისულებაში მოსული პარტიის მიერ მხარდაჭერილ კანდიდატებს არავითარი ნდობა!!!
და ეს მხოლოდ ერთი, საწყისი "ეპიზოდია" მათ ჩადენილი უამრავი დანაშაულის სიიდან 5 ივნისის სისხლიანი კალოს ჩათვლით!!
პაპუაშვილს რომ კითხო ეროვნულს ვუჭერ მხარსო და ქართულად კვარცხლბეკი ვერ უთქვამს.პედესტალი არასწორია და პიედესტალი კია ეგ კვარცხლბეკი. ისე რა უნდა მაგ თანაბდედობისთვის შეუფერებელს მანდ უცებ არ ააყვავოს ამანაც განათლება და მეცნიერება.