მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეკლესიამ საზოგადოებას პრაიდის საწინააღმდეგოდ ლოცვისკენ მოუწოდა... ქვეყანა ძალიან კონსერვატიულია" - რას წერს BBC-ი თბილისში განვითარებულ მოვლენებზე
17:43 / 05-07-2021
"თბილისი პრაიდი ძალადობრივი პროტესტის ფონზე გაუქმდა“, - ამ სათაურით აქვეყნებს სტატიას ბრიტანული გამოცემა BBC-ი და ჩვენი ქვეყნის დედაქალაქში დღეს განვითარებულ მოვლენებს აღწერს.
სტატიაში ნათქვამია, რომ საქართველოში ლგბტ აქტივისტებმა გააუქმეს თავიანთი ღონისძიება მას შემდეგ, რაც მათი საწინააღმდეგო დემონსტრაციის მონაწილეებმა შეტევა "პრაიდის" ოფისზე მიიტანეს.
"ჟურნალისტებსა და აქტივისტებს დედაქალაქში დაგეგმილი მარშის წინ თავს დაესხნენ“, - წერს გამოცემა და თბილისი პრაიდის განცხადებიდან ფრაგმენტს ციტირებს - "ჩვენ არ შეგვიძლია საფრთხის ქვეშ დავაყენოთ ადამიანის სიცოცხლე და გამოვიდეთ ქუჩებში, რომლებიც სავსეა მოძალადე თავდამსხმელებით“, - ნათქვამია პრაიდის განცხადებაში.
BBC-ის ცნობით, თავდასხმები დაგმეს საელჩოებმა და მოუწოდეს საქართველოს ხელისუფლებას ძალადობის შეჩერებისკენ. გამოცემა წერს, რომ იგეგმებოდა პრაიდის 5-დღიანი ღონისძიება, მაგრამ როგორც ორგანიზატორები აცხადებენ, ადგილობრივმა ხელისუფლებამ ვერ უზრუნველყო არა მხოლოდ ლგბტ საზოგადოებისა და მათი მომხრეების უსაფრთხოება, არამედ აქტიურად შეუშალა ხელი შეკრების უფლების გამოყენებაში.
BBC-ის ცნობითვე, არსებული ინფორმაციით, ძალადობის დროს სულ ცოტა 20 ჟურნალისტი დაშავდა. სტატიაში ასევე აღნიშნულია, რომ აქციის მონაწილეებმა ქუჩაში დაწვეს ცისარტყელას ფერების დროშა.
გამოცემა ასევე წერს, რომ საქართველოს შსს-მ მოუწოდა ორგანიზატორებს უარი ეთქვათ "ღირსების მარშზე“ უსაფრთხოებიდან გამომდინარე, ხოლო პრემიერ-მინისტრმა ირაკლი ღარიბაშვილმა აღნიშნა, რომ ეს ღონისძიება "მიუღებელია ქართული საზოგადოების დიდი ნაწილისთვის.“
BBC-ი ქართულ წყაროებზე დაყრდნობით აღნიშნავს, რომ მთავრობამ ვერ შესთავაზა აქტივისტებსა და ჟურნალისტებს უსაფრთხო გარემო და როგორც აქტივისტთა ჯგუფის წარმომადგენლები ამბობენ, "ძალადობრივ ფაქტებზე პასუხისგებელი ხელისუფლებაა.“
სტატიაში აღნიშნულია, რომ საქართველოს მართლმადიდებლურმა ეკლესიამ, რომელიც მკაცრად ეწინააღმდეგება ლგბტ აქტივისტებს, საზოგადოებას პრაიდის საწინააღმდეგოდ ლოცვისკენ მოუწოდა.
"მიუხედავად იმისა, რომ საქართველოში სექსუალური ორიენტაციის ნიშნით დისკრიმინაცია უკანონოა, ქვეყანა ძალიან კონსერვატიულია“ - წერს BBC-ი და იხსენებს 2019 წელს, როდესაც მასშტაბური დემონსტრაცია მოეწყო ფილმის, "და ჩვენ ვიცეკვეთ“ ჩვენების წინააღმდეგ.
მკითხველის კომენტარები /
54 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კიდე რბილად დაუწერიათ - ხალიფატი გვაქვს ფაქტიურად: სახელმწიფო და წამყვანი რელიგიური კონფესია აქეზებს ჟურნალისტებზე ძალადობას. დღეს ავღანეთში გაცილებით დაცულად გრძნობდა ჟურნალისტი თავს ვიდრე საქართველოში.
მოკლედ,არ ასვენებენ ნატოს კარებს რააა)))