მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პანდემიის "მეოთხე ტალღა" ნამდვილად იქნება, მაგრამ რა სიმძლავრის..." - რას ამბობს ექიმი-ეპიდემიოლოგი?
14:14 / 30-06-2021
ექიმი-ეპიდემიოლოგი ოთარ ჩოკოშვილი ვარაუდობს, რომ ქვეყანაში კორონავირუსის "მეოთხე ტალღა“ მოსალოდნელია, თუმცა, რეგულაციების დაცვის შემთხვევაში, ის მასშტაბური არ იქნება. როგორც მან ჟურნალისტებს განუცხადა, საქართველოში "დელტას" შტამით ინფიცირების ზრდა საყურადღებოა და აუცილებელია დროული ვაქცინაცია.
"პრაქტიკულად, ჩვენი ქვეყანა კოვიდთან ბრძოლაში გადამწყვეტ ეტაპზეა. ერთ-ერთი ყველაზე მთავარი ღონისძიება არის სწორედ დროული მასობრივი ვაქცინაცია. "დელტას" შტამი სწრაფად ვრცელდება, ამიტომ ერთადერთი გამოსავალი არის ის, რომ ვაქცინაცია დავასწროთ.
"მეოთხე ტალღა" ნამდვილად იქნება, მაგრამ რა სიმძლავრის, ამასთან დაკავშირებით ბევრი კითხვის ნიშანი არსებობს და ბევრი რამ არის გასაკეთებელი, რომ მისი სიმძლავრე შემსუბუქდეს. მთავარი მნიშვნელობის არის ის, რომ თუ რეგულაციებს კვლავ დავიცავთ, მორიგი ტალღა შედარებით ნაკლები სიმძლავრის იქნება. გარდა ამისა, შარშანდელის შემდეგ მოსახლეობის ნაწილი იმუნიზირებულია, ნაწილმა უკვე გადაიტანა ინფექცია და ეს ადამიანები წარმოადგენენ იმუნურ ფენას ინფექციის გავრცელების კუთხით. აქედან გამომდინარე, იმის იმედი უნდა ვიქონიოთ, რომ ე.წ. მეოთხე ტალღა ნაკლები სიმძლავრის იქნება. მიმდინარე პერიოდში ქვეყანაში დაავადების ჯერ კიდევ აქტიური გავრცელებაა, იმ ფონზე, როდესაც მსოფლიოში გავრცელებას იწყებს ე.წ. დელტას შტამი და უკვე არის "ბრიტანული შტამი", აქედან გამომდინარე, სიფრთხილის ღონისძიებების მაქსიმალური დაცვა გვმართებს. საბედნიეროდ, ჯერ მდგომარეობა გართულებული არ არის "დელტას" შტამის გავრცელების მხრივ, მაგრამ მოსალოდნელი რისკები ნამდვილად არსებობს. ამ მხრივ, განსაკუთრებით მნიშვნელოვანია, სწორად გავატაროთ ღონისძიებები, დავიცვათ თავი და მოვახდინოთ მისი პრევენცია. გარე სივრცეში პირბადის მოხსნის რეგულაცია შემსუბუქდა, მაგრამ თუ ჩვენ ვართ მასობრივი თავშეყრის ადგილებში და ხალხის სიმჭიდროვეა, კვლავ უნდა გამოვიყენოთ პირბადე და თავი დავიცვათ. რაც შეეხება "კომენდანტის საათის" მოხსნას, ამ მხრივ რეგულაცია შემსუბუქდება, მაგრამ იმედი მაქვს, მოსახლეობა უფრო მეტად დაიცავს სიფრთხილის ღონისძიებებს", - განაცხადა ჩოკოშვილმა.
მისი თქმით, ხალხმრავალ შეკრებებსა და დახურულ სივრცეში ადამიანებმა აუცილებლად უნდა გამოიყენონ პირბადე და დაიცვან დისტანცია.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Es vingaaa erti??? Es axali kulumbegovi - 2neta rame maic gagegebodes da Laparakis nacvlad saqmes aketebde
ხედმ ? იქნებაო . მარაო .