მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
სამშაბათი, მთვარის ოცდამეოთხე დღე დაიწყება 04:49-ზე, მთვარე მერწყულშია
დღეს კარგია ახალი, მნიშვნელოვანი საქმეების დაწყება. ფინანსური საკითხების მოგვარება, ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. გადადეთ ოპერაციები სახსრებზე, ბრმა ნაწლავზე, პროცედურები ფეხებზე, ნერვულ სისტემაზე. კარგი დღეა დასვენებისთვის, შიმშილისთვის. მოერიდეთ ალკოჰოლურ სასმელს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნიშნები იმისა, რომ ზედმეტს ხარჯავთ
11:20 / 23-06-2021
ჯერ სკოლაში და შემდეგ უმაღლეს საგანმანათლებლო დაწესებულებაში ვცდილობთ, მაქსიმალური ცოდნა მივიღოთ, რათა სამომავლოდ, ჩვენს პროფესიაში წარმატებულები ვიყოთ და შემოსავალიც კარგი გვქონდეს, თუმცა ცოტას ან თითქმის არაფერს გვასწავლიან ეფექტურად ხარჯვის შესახებ.
არადა შემოსავლის მიღებასთან ერთად, არანაკლებ მნიშვნელოვანია, მისი ეფექტურად ხარჯვის უნარი და თუ მას ბავშვობიდან გამოვიმუშავებთ, უფრო უკეთესი იქნება. შემოსავალს ბევრი შრომისა და მთელი ჩვენი ენერგიის გაღების ხარჯზე ვიღებთ, შესაბამისად ვიმსახურებთ, რომ ის ეფექტურად დავხარჯოთ და მისგან მაქსიმალური სარგებელი მივიღოთ.
პანდემიის პერიოდში, როცა „ლოქდაუნის“ გამო სახლებში აღმოვჩნდით, ზედმეტად მხარჯველებს მდგომარეობა კიდევ უფრო გაგვირთულდა, რადგან მთლიანად მოიშალა საზღვრები ჩვენსა და სოციალურ ქსელებს შორის, რომელიც ყოველ წამს ხან ჩვენი საყვარელი დიზაინერის ახალ კოლექციას, ხან ქეშბექებს და ხანაც ისეთ სრულიად უსარგებლო ნივთებს გვთავაზობს, რომელიც მხოლოდ იმიტომ უნდა შევიძინოთ, რომ ლამაზად გამოიყურება... მართლაც რთულია, ცდუნებას გაუძლო, თუმცა თუ ამას შეძლებ და სურვილების ასრულებაში ფულს გონივრულად დახარჯავ, იმაზე უკეთეს შედეგს მიიღებ, ვიდრე არაეფექტურად ხარჯვისას.
გადავწყვიტეთ, არაეფექტურად ხარჯვის ყველაზე გავრცელებული ნიშნები, გაგიზიაროთ და მათი აღმოფხვრის გზებიც შემოგთავაზოთ:
არასდროს აკონტროლებ ყოველდღიურ ხარჯებს
რა შემოსავალიც არ უნდა გქონდეს, ხარჯების კონტროლი ყოველთვის მნიშვნელოვანია, რათა ფული ყველაფერზე სწორად გადაანაწილო და ხარჯებიც დაზოგო. რეალურად, შესაძლებელია, ჩვენს ბევრ სურვილზე უარი არ ვთქვათ, ისე დავზოგოთ თანხა. შეგვიძლია, დილის ყავა იქ შევიძინოთ, სადაც გემრიელია და თან უფრო ხელმისაწვდომი, ყოველდღიურად ლანჩზე ძვირადღირებულ კაფეებში არ გავიდეთ და თუ წახემსება მოგვინდება, პროდუქტები იქ შევიძინოთ, სადაც ყველაზე ხელმისაწვდომი ფასი აქვს.
ქართულ ბაზარზე არსებობს ქსელური სუპერმარკეტები, რომელიც დაზოგვას გვთავაზობს, თანაც ხარისხიანი პროდუქტების შეძენის ხარჯზე (მაგალითად, „2 ნაბიჯის“ კონცეფცია პირდაპირ ჭკვიანურად დაზოგვას ემსახურება).
ყოველდღიური ხარჯების კონტროლი დაგვეხმარება, მომდევნო ხელფასამდე თანხა სტაბილურად შევინარჩუნოთ და მისი ნაწილის გადადებაც მოვახერხოთ.
საკრედიტო ბარათის ლიმიტს ხშირად ამოწურავ და შემდეგ მის შესავსებად პროცენტს იხდი
ძნელია, ცდუნებას გაუძლო და საკრედიტო ბარათი არ გახსნა, რადგან გაუთვალისწინებელი ხარჯების დროს სესხის აღებას ნამდვილად სჯობს. თანაც საკრედიტო ბარათით სარგებლობის სანაცვლოდ ბანკები სხვადასხვა დამატებით სერვისს, ქულების დაგროვებასა თუ ფასდაკლებას გვთავაზობენ.
თუ ბანკისგან ნასესხებ თანხას ისეთ რაღაცებში ვხარჯავთ, რაც მხოლოდ და მხოლოდ სურვილების შესრულებას ემსახურება, ეს უკვე ნიშანია იმისა, რომ შეიძლება, არაეფექტურ მხარჯველთა რიგებში გადავინაცვლოთ. გარდა ამისა, თუ სურვილების სიამ ხშირად ჩავგაყენა ისეთ მდგომარეობაში, რომ საკრედიტო ბარათის ლიმიტი ამოიწურა და ახლა პროცენტს ვიხდით, მაშინ ალბათ უმჯობესია, პრიორიტეტების სწორად განსაზღვრაზე დავფიქრდეთ.
შეძენილი ნივთების ღირებულებასა და შემოსავლის ოდენობას შორის დიდი დისბალანსია
ყველას კარგად გვესმის, რომ კომფორტული და ხარისხიანი ტანსაცმელი და ხანდახან მეგობრებთან ერთად გასეირნება საჭიროა, თუმცა ხშირად მაგალითად ბრენდულ ფეხსაცმელში იმაზე სამჯერ მეტს ვიხდით, ვიდრე არაბრენდულ, მაგრამ ხარისხიან პროდუქტში გადავიხდიდით. ბრენდული ნივთის შესაძენად კი შესაბამისი შემოსავალი არ გვაქვს.
თუ დაზოგვა და ეფექტურად ხარჯვა პრიორიტეტად დავისახეთ, ალბათ, დროა დავფიქრდეთ, რამდენად გვჭირდება კონკრეტული ფეხსაცმელი, რომელიც მხოლოდ იმიტომ შევიძინეთ, რომ ტრენდულია და დიზაინერის სახელი აწერია?
სურსათს იძენ იქ, სადაც მაღალი ფასებია მაშინ, როცა ალტერნატივა არსებობს
როცა არაეფქტურად ხარჯვაზე ვსაუბრობთ, არ ვგულისხმობთ მხოლოდ ძვირადღირებული ნივთების ხშირად შეძენასა და იმაზე მეტის გადახდას, ვიდრე შეგვიძლია. რეალურად, ჩვენი შემოსავლის დიდი ნაწილი პირველადი მოხმარების პროდუქტებში იხარჯება და მნიშვნელოვანია, ეს სწორად გავაკეთოთ.
ჩვენს საბოლოო მიზანს წარმოადგენს, საუკეთესო შედეგის მისაღებად რაც შეიძლება ნაკლები გადავიხადოთ და მოგებულები დავრჩეთ. მაშინ რატომ ვიხდით ერთი და იგივე ხარისხისა და გემოვნური თვისებების საკვებ პროდუქტებში უფრო ძვირს, როცა ალტერნატივა არსებობს?
იმან, რომ განსაკუთრებით ახალ თაობაში ფინანსების ეფექტურად განაწილება და დაზოგვა ტრენდული გახდა, ორგანიზებულ ბაზარზე წაახალისა ბიზნესი, მომხმარებლის მოთხოვნების შესაბამისად იმოქმედოს. შედეგად გაჩნდა ქსელური სუპერმარკეტები, მათ შორის „2 ნაბიჯი“, რომელიც ხარისხიანი პროდუქციის სწორედ იმ ფასად შეძენას გვთავაზობს, რაც რეალურად ღირს.
თუ ვხვდებით, რომ საკვებ პროდუქტებს სწორედ იმ სუპერმარკეტებში ვიძენთ, რომელიც მაღალი ფასებით არის ცნობილი, ალბათ დროა, უფრო ხელმისაწვდომი ალტერნატივა ავირჩიოთ, სადაც რაც მთავარია, ხარისხი პრიორიტეტს წარმოადგენს.
ხშირად ვსესხულობთ ფულს
რა თქმა უნდა, გაუთვალისწინებელი ხარჯებისგან არავინ ვართ დაზღვეული და ამ დროს მეგობრები და ოჯახის წევრებიც უპრობლემოდ გვასესხებენ ხოლმე ფულს, თუმცა თუ ეს რეგულარულ ხასიათს იღებს, შესაძლოა, არაეფექტურად ხარჯვასთან გვქონდეს საქმე.
თუ გვსურს, უფრო ეფექტურად მხარჯველები გავხდეთ, ალბათ საჭიროა, დავაკვირდეთ, ჩვენგან განსხვავებით, როგორ ახერხებენ სხვები, რომ თავიანთი შემოსავალი ეყოთ და თანაც სხვებსაც ასესხონ?! პასუხი ალბათ ისაა, რომ თავიანთ შემოსავალს სწორად ანაწილებენ.
გარშემო ყველას გვყავს ერთი ადამიანი მაინც, ვისაც ჩვენზე დაბალი შემოსავალი აქვს, მაგრამ მოგზაურობასაც ახერხებს, მისი ანაზღაურების შესაბამის ტანსაცმელსაც ყიდულობს და არც მეგობრებთან ერთად გართობაზე ამბობს უარს. ნუ გაგიკვირდებათ, თუ შეიტყობთ, რომ ის დანაზოგსაც აკეთებს.
და ბოლოს, ყოველთვის შესაძლებელია არაეფქტურად ხარჯვიდან შემოსავლის ეფექტურად განაწილებაზე გადასვლა. თუ ყოველთვიურად ჩამოვწერთ ჩვენს მთავარ ხარჯებს და გავაკეთებთ ბიუჯეტს, რომელიც მხოლოდ სურვილების ასასრულებლად შეგვიძლია დავხარჯოთ, თუ უფრო მეტ ყურადღებას გავამახვილებთ ფასებზე და საჭირო პროდუქტებს შევიძენთ იქ, სადაც დაზოგვას გვთავაზობენ, შედეგიც არ დააყოვნებს.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სააღდგომო ეპისტოლე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მინდოდა ახალი ფეხსაცმელი მეყიდა, ვერ გავანაწილე ჩემი 400 ლარიანი ხელფასი
ჯერ ისევ ზამთრის ტანსაცმლით დავდივართ.