მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ოთხშაბათი, მთვარის მეხუთე დღე დაიწყება 07:57-ზე, მთვარე ტყუპშია
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ.ცუდი დღეა ნიშნობისა და ქორწინებისთვის. მოერიდეთ ცხოველური საკვებს. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ორჯერ მივიღე ფსიქოლოგიური დარტყმა... საფრთხემ დიდი როლი ითამაშა, რომ სოფიკო ჩემი მეუღლეა" - ბადრი ჯაფარიძის ოჯახური ცხოვრება და ნაკლებად ცნობილი პოლიტიკური წარსული
09:09 / 19-06-2021
ბადრი ჯაფარიძე პოლიტიკაში სულ რაღაც ორი წლის წინ გამოჩნდა. რეალურად კი, მისი პოლიტიკური წარსული 1991 წლიდან იწყება. მაშინ პროფესიით ფსიქოლოგი ონის რაიონის დეპუტატი გახდა და ის ერთ-ერთი მათგანია, ვინც 1991 წლის 31 მარტის რეფერენდუმის შედეგად სახელმწიფოებრივი დამოუკიდებლობის აღდგენის აქტს ხელი მოაწერა...
ამჯერად კი მილიონერი ჯაფარიძე საიუბილეო, მეათე მოწვევის პარლამენტარია. დაახლოებით ერთი წლის წინ "კვირის პალიტრისთვის" მიცემულ ინტერვიუში ჯაფარიძე იხსენებს, რომ მის ცხოვრებაში ორი ფსიქოლოგიური დარტყმა იყო და ორივე პოლიტიკას უკავშირდება:
"ცხოვრებაში სულ ორჯერ მივიღე მძიმე ფსიქოლოგიური დარტყმა - პირველი კანონიერი ხელისუფლების დამხობა იყო, მეორე - რუსული არმიის საქართველოში შემოჭრა. პირველმა შემთხვევამ ისე იმოქმედა, პოლიტიკას შევეშვი. მეორე შემთხვევას გამოცდილი და რწმენაში გაძლიერებული შევხვდი. როდესაც რუსული არმია გორში შემოვიდა, ჩემებს ვუთხარი, არა უშავს, თუ რუსები დაგვიპყრობენ, ჩვენ თავიდან მოვიპოვებთ დამოუკიდებლობას-მეთქი..." - ამბობდა ჯაფარიძე.
თბილისის ომის დროს ჯაფარიძე ე.წ. "ბუნკერში" ზვიად გამსახურდიას გუნდთან ერთად იყო. ამბობს, რომ როდესაც ბუნკერიდან გამოვიდა, აღმოაჩინა, რომ ნახევარი საქართველო ისე ცხოვრობდა, თითქოს ქვეყანაში სამოქალაქო ომი კი არა, პატარა კონფლიქტიც არ მომხდარიყოს. თუმცა სწორედ იმ "ბუნკერში“ მოხდა ისეთი რაღაც, რამაც მისი პირადი ცხოვრება შეცვალა.
"სოფიკო ნოემბერში გავიცანი და მარტში დავქორწინდით. ფაქტობრივად, გაცნობისთანავე ცოლად მოვიყვანე. საფრთხემ, რომელშიც მე აღმოვჩნდი, ძალიან დიდი როლი ითამაშა სოფიკოს გადაწყვეტილებაზე, გამხდარიყო ჩემი მეუღლე. როდესაც ბუნკერში ვიყავი, მე და სოფიკო ერთმანეთს ტელეფონით ვესაუბრებოდით. ერთ-ერთი საუბრისას, როდესაც ოპოზიცია პარლამენტს მსხვილკალიბრიან იარაღს ესროდა, ტყვიები ოთახში შემოცვივდა და სატელეფონო კავშირი გაწყდა. სოფიკომ იფიქრა, რაღაც ცუდი მოხდაო. მე მომენტით ვისარგებლე და ხელი ვთხოვე..." - იხსენებს ჯაფარიძე "კვირის პალიტრასთან" ინტერვიუში.
პოლიტიკიდან წასვლის შემდეგ ჯერ ფარმაცევტულ ბაზარზე სცადა ბედი, მოგვიანებით კი ცოლის ძმასთან ერთად დღეს საქართველოში ერთ-ერთი ყველაზე მსხვილი ბანკი შექმნა. უყვარს ნადირობა და ღვინო, თუმცა ორივეს მიმართ გამორჩეული დამოკიდებულება აქვს.
"ვაზისა და ღვინის მიმართ დამოკიდებულება ბავშვობიდან გამომყვა. მახსოვს, ოთხმოც წელს გადაცილებული ბაბუაჩემი ვაზს ცოცხალი ადამიანივით როგორ ელაპარაკებოდა. ქართველი კაცი სუფრასთან საჭირბოროტო საკითხების გადასაწყვეტად ჯდებოდა და არა სათრობად. ღვინის მისტიკურობას მთვრალი კაცი ვერასდროს შეიგრძნობს" - ამბობს ჯაფარიძე.
პოლიტიკაში მეორედ დაბრუნებულმა ბადრი ჯაფარიძემ მეუღლე სოფიკო ხაზარაძესთან ერთად სამი შვილი - თამარი, მარიამი და ლუკა გაზარდა. უფროსი - მარიამი დაოჯახებულია და რამდენიმე თვის წინ ჯაფარიძე პირველი შვილიშვილის ბაბუა გახდა.
"შვილებს სრული თავისუფლება მივეცი. მე ძალიან მომწონს ახალი თაობა, თავისუფლებაში დაბადებული არიან, თავისუფალი მენტალიტეტით და პასუხისმგებლიანი ხასიათით. უფროსმა შვილებმა უცხოეთში მიიღეს განათლება და დაბრუნდნენ, ახლა უმცროსი სწავლობს ლონდონში და მასაც ერთი სული აქვს, როდის დაბრუნდება. მიხარია, რომ მათ ჩემსავით არ შეუძლიათ უცხოეთში ცხოვრება. აქ არის ჩვენი სახლი...“ - ამბობს ჯაფარიძე "კვირის პალიტრასთან" ინტერვიუში.
- მილიონერი დეპუტატის შთამბეჭდავი ქონება
თუმცა მის დეკლარაციას რომ გადავავლოთ თვალი, აღმოვაჩენთ რომ საქართველოში შეძენილი დიდი რაოდენობით უძრავი ქონების გარდა, ჯაფარიძე-ხაზარაძის წყვილი დიდ ბრიტანეთში საკუთარ ბინას ფლობს.
როგორც დეკლარაციაშია აღნიშნული, მის საკუთრებაშია მსუბუქი ავტომობილი Volkswagen Amarok. მასვე დეკლარაციის შევსების მომენტში საბანკო ანგარიშებზე ჯამში - 179 307 ლარი; 2 653 789 დოლარი; 524 998 გირვანქა სტერლინგი და 222 073 ევრო ჰქონდა.
ამასთან, ჯაფარიძე არის სს „ატლანტა ლენდის“, სს „თბილისი ჯგუფის“, სს „ლისი ლეიქის“, სს „ჰიდროკაპიტალის“, სს TBC Bank Group PLC-ს, სს GRDC Holding B.V.-ს, სს Georgian Reconstruction and Development Company-სა და სს GP Alliance N.V.-ს აქციონერი.
ფლობს წილებს ისეთ კომპანიებში, როგორიცაა - შპს „ახალი სამშენებლო კომპანია“, შპს „გეოპლანტი“, შპს „ეიჩ-არ-სი თბილისი““, შპს „ვაზისუბნის მამული“, შპს „ვარძიის ტერასები“, შპს „მწვანე გარემო“; შპს „ნაფარეულის მამული“; შპს „როიალ ხვანჭკარა“; შპს „სოლარი საქართველო“; შპს „ქართული ორიგინალური ვაზისა და ღვინის ჰოლდინგი“; შპს „ქართული ტრადიცია“; შპს „ჯორჯიან რიელ ისთეით მენეჯმენტ“; შპს „აგარაკი უწერაში“; შპს „ბორბალო ჯგუფი“; შპს „დი ეს პორტ ინვესტი“; შპს „ზარზმაჰესი“;შპს „საქართველოს ორიგინალური ღვინოები“; შპს „ხეორიჰესი“;შპს Bicester Motion Limited; სს Le Club des Automobiles du Chateau de Sermet; შპს GRDC Management Company; შპს Equity Partners Ltd; შპს CCP Caucasus Capital Partners Limited; შპს Dunmore Corporation.
რაც შეეხება მის ოჯახს, 3 მსუბუქი ავტომობილი არის მისი მეუღლისა და შვილის საკუთრებაში. ასევე მეუღლის სახელზე ფიქსირდება: 4 ავტოფარეხი და 1 სარდაფი თბილისში; 3 ბინა და სხვენი თბილისში; მიწის ნაკვეთი წყნეთში; ასევე შვილის სახელზეა 1 საცხოვრებელი სახლი წყნეთში. ამასთან, მისი ვაჟი ფლობს აქციებს ისეთ კომპანიებში, როგორიცაა AIRBNB INC- CLASS A და C3.AI INC. გარდა ამისა, ბადრი ჯაფარიძის მეუღლე ფლობს წილს შპს „მეგაკოში“; ხოლო ვაჟი - შპს „ელვისიში“.
მკითხველის კომენტარები /
63 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მძულს 90-იან წლებში გამდიდრებულები;
ერთერთი მათგანი ბადრი ჯაფარიძეა
პარლამენტში არუნდა იყოს მარტო მილიონერების ბუმი.აქ უნდა იყონ აგრონომები,ეკონომისტები.იურისტები და განსაკუთრებით სოფლის სპეციალისტები,მაძღარი კაცი არასოდეს მშიერზე არ იფიქრებს,ეს აქსიომააა