"სრული თავზარი! კეთილი მეგობარი, გემრიელი დრამერი, ასე აბსურდულად დაკარგული..." - ვინ იყო კრწანისის ქუჩაზე მომხდარი ავარიისას გარდაცვლილი ერთ-ერთი ადამიანი
კრწანისის ქუჩაზე მომხდარი ავარიის შედეგად გარდაცვლილი ერთ-ერთი ადამიანის შესახებ "ფეისბუქის" პირად გვერდზე ნინო გუგეშაშვილი წერს:
"კრწანისის ქუჩის ავარიაში დაშავებული და წუხელ, გვიან ღამით კიდევ ერთი გარდაცვლილი "49 წლამდე მამაკაცი" არის ჩვენი მეგობარი, "მთვარის კლუბის" დრამერი მურმან ლომიშვილი. სრული თავზარი! - კეთილი მეგობარი, გემრიელი დრამერი, ასე აბსურდულად დაკარგული. ვუსამძიმრებ ოჯახს, "მთვარის კლუბს", მეგობრებს, ქართველ მელომანებს..." - წერს ნინო გუგეშაშვილი.
შეგახსენებთ, კრწანისის ქუჩაზე მომხდარი ავარიის შედეგად დაშავებული კიდევ ერთი, შუახნის მამაკაცი დღეს გარდაიცვალა. როგორც "ინტერპრესნიუსს“ "ჰიუ ჰოსპიტალში“ განუცხადეს, ამჟამად კლინიკაში სამი პაციენტია მოთავსებული, რომელთა ჯანმრთელობის მდგომარეობა სტაბილურია.
მათივე განმარტებით, ორ ადამიანს ოპერაცია ჩაუტარდა, მათ შორის ერთ-ერთი არასრულწლოვანია.
"ერთი პაციენტი არის რეანიმაციულ განყოფილებაში, მისი ჯანმრთელობის მდგომარეობა საშუალო სიმძიმისაა“, - განმარტავენ „ნიუ ჰოსპიტალში“.
კრწანისის ქუჩაზე ავარია 12 ივნისს მოხდა. სატვირთო ავტომანქანა რამდენიმე მანქანას დაეჯახა. მომხდარის შედეგად სამი ადამიანი გარდაიცვალა.
შსს-მ გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის ექსპლუატაციისა და უსაფრთხოების წესების დარღვევას გულისხმობს.
"ჩემზე გასაგებია, მაგრამ ბავშვებმა რა დააშავეს? ძალიან სამწუხაროა" - რას საყვედურობს გიორგი უშიკიშვილი ეთნოგრაფიულ მუზეუმს?
"გული გამიჩერდა და მეც მოვკვდი, მეც გადავიჩეხე..." - რას წერს დავით არჩვაძე ზურაბ ბაკურაძის ტრაგიკულ გარდაცვალებაზე
