"შეკვეთილი გლოვა“ - თურქმენეთის პრეზიდენტმა მამის გარდაცვალების გამო ოფიციალურ პირებს თავის გადაპარსვა მოსთხოვა
თურქმენეთში ოფიციალურ პირებს პრეზიდენტის მამის გარდაცვალების გამო, თავის გადაპარსვა დაავალეს. ბრძანება პრეზიდენტმა გურბანგული ბერგიმუჰამედოვმა გასცა. ინფორმაციას "რადიო თავისუფლების" თურმქენეთის ბიურო ავრცელებს.
თურქმენეთში თავის გადაპარსვა ერთგვარად გლოვის გამოხატულებაა. თუმცა გლოვას პრეზიდენტი ბერგიმუჰამედოვი სპეციალური ბრძანების საფუძველზე ითხოვს.
ბრძანება, თავის გადაპარსვის შესახებ, მიიღეს თურქმენეთის კერძო კომპანიების ხელმძღვანელებმა, ასევე ოფიციალურმა პირებმა, პოლიტიკოსებმა. გლოვა კი მთელ ქვეყანაში გამოცხადდა.
გურბანგული ბერგიმუჰამედოვის მამა 18 მაისს, 88 წლის ასაკში გარდაიცვალა. აღსანიშნავია, რომ ოფიციალური განკარგულების თანახმად, მის გარდაცვალებასთან დაკავშირებული გლოვა ქვეყანაში 40 დღე გაგრძელდება.
გლოვის ნიშნად თმის გადაპარსვის შემდეგ, პირები ვალდებულნი არიან თურქმენეთის ეროვნული ქუდი ატარონ. აღსანიშნავია, რომ ბრძანება მხოლოდ მამაკაცებზე ვრცელდება.