4
მაისიდღის ზოგადი ასტროლოგიური პროგნოზი
ნიდერლანდებში, ქალაქ როტერდამში მიმდინარე დასკვნით კონცერტზე "ევროვიზია 2021"-ის გამარჯვებული გამოვლინდა. მასში 39 ქვეყანა იღებდა მონაწილეობას.
გამარჯვებული ქვეყანა იტალია - ჯგუფი Måneskin გახდა, სიმღერით Zitti E Buoni. შესაბამისად, მომავალი ევროვიზიის მასპინძელიც ეს ქვეყანა იქნება. ჯგუფმა ჟიურის შეფასებით 206 ქულა, ხოლო მაყურებლისგან 318 ქულა მიიღო. მიღებული 524 ქულით მან საფრანგეთს გაასწრო, რომელსაც ჯამში 499 ქულა ჰქონდა დაგროვებული. საქართველოდან ჟიურიმ ყველაზე მაღალი შეფასება - 12 ქულა იტალიას მიაკუთვნა. ქულები "ევროვიზიის" მაყურებელს ოთო ნემსაძემ გააცნო.
ფინალურ ეტაპზე ნახევარფინალური ეტაპის გარეშე გადავიდა კონკურსის მასპინძელი ქვეყანა - ნიდერლანდები.
საქართველოს წარმომადგენელი თორნიკე ყიფიანი კონკურსს ნახევარფინალიდან გამოეთიშა. ის კონკურსის მეორე ნახევარფინალში მაყურებლის წინაშე წარდგა სიმღერით You.
აღსანიშნავია, რომ ბოლოს იტალიამ "ევროვიზიის" კონკურსი 31 წლის წინ, 1990 წელს შეძლო.
ყიფიანმა მიიღო ის, რასაც იმსახურებდა. ,,უვიცი და უგემოვნებო" მსმენელების შეურაცხყოფამ ვერ უშველა, რადგან ფაქტი ფაქტად დარჩა-სიმღერა არ ვარგოდა.
გაუმარჯოს იტალიას,მიხარია,ვულოცავ იტალიელ ხალხს