მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ არის ე.წ. კანონიერი ქურდი "ლაშა სვანი", რომელიც უკრაინაში დააკავეს - დანაშაულები საქართველოში, რუსეთში, უკრაინასა და იტალიაში
10:49 / 20-05-2021
უკრაინის სტრატეგიული გამოძიების დეპარტამენტის ინფორმაციით, დააკავეს 2 ცნობილი "კანონიერი ქურდი", მათგან ერთი - მეტსახელად: "უმკა" აიყვანეს დნეპრის აეროპორტში, ხოლო მეორე "ლაშა სვანი" - სასტუმროში. "ვაგრძელებთ ბრძოლას ორგანიზებული დანაშაულის წინააღმდეგ - პოლიციამ დააკავა 2 ყველაზე გავლენიანი "კანონიერი ქურდი". ქვეყნის კანონმდებლობა, პოლიტიკური ნება და ოპერატიული თანამშრომლების პროფესიონალიზმი ნელ-ნელა აღმოფხვრის ჩვენში ამ სამარცხვინო გამოვლინებას", - განაცხადა უკრაინის შს მინისტრმა არსენ ავაკოვმა.
ერთ-ერთი დაკავებული "ლაშა სვანი" ქართველი კრიმინალური ავტორიტეტია, მისი ნამდვილი გვარ-სახელია ლაშა ჯაჭვლიანი. უკრაინის პოლიციის ინფორმაციით, ლაშა ჯაჭვლიანი უკრაინის ტერიტორიაზე ერთ-ერთი ყველაზე გავლენიანი კრიმინალური ავტორიტეტი გახლდათ. მან "კანონიერი ქურდის" ტიტული ჯერ კიდევ 1995 წელს, 21 წლის ასაკში მიიღო. ბოლო წლებში კი უკრაინის ერთდროულად რამდენიმე ოლქში აკონტროლებდა კრიმინალურ ქსელს, მათ შორის დნეპროპეტროვსკში, ოდესაში, მიკოლაივში, ზაპოროჟიასა და დასავლეთის რეგიონის ნაწილში.
ლაშა ჯაჭვლიანის აყვანის სპეცოპერაცია უკრაინის ერთ-ერთ სასტუმროში ჩატარდა.
ჯაჭვლიანი უკრაინაში აქამდეც არაერთხელ იყო დაკავებული. მანამდე მან სასჯელი ქართულ ციხეშიც მოიხადა. ბოლოს ჯაჭვლიანი კიევში 2019 წელს დააპატიმრეს. ის დიდი ხნის განმავლობაში საემიგრაციო იზოლატორში იმყოფებოდა, იმჟამად დაკავება კიევის ცენტრში მდებარე რესტორანში მოხდა, სადაც კრიმინალური ავტორიტეტების შეხვედრა მიმდინარეობდა. რესტორანში შეკრებას, სადაც გავლენის სფეროებს ინაწილებდნენ, სწორედ ჯაჭვლიანი ხელმძღვანელობდა.
მას სხვადასხვა დროს ამ ქვეყნებში ჩადენილი დანაშაულების გამო ეძებდნენ როგორც იტალიელი, ასევე რუსი სამართალდამცავებიც.
ინტერპოლით ძებნილი ქართველი "კანონიერი ქურდი" უკრაინელი სამართალდამცავების მიერ 2015 წელსაც იყო დაკავებული, მაგრამ მოსამართლემ ის სასამართლო დარბაზიდან გაათავისუფლა და მიზეზად არასაკმარისი სამხილები დაასახელა.
ამას პროტესტი მოყვა იტალიელი სამართალდამცავების მხრიდან და უკრაინაშიც დიდი სკანდალი აგორდა. იმჟამად იტალიელი სამართალდამცავები ლაშა ჯაჭვლიანს ედავებოდნენ იტალიაში დანაშაულებრივი დაჯგუფების შექმნის, ადამიანების გატაცების, ფულის გათეთრებისა და დოკუმენტების გაყალბების გამო… მას უკრაინაშიც ჰქონდა რამდენიმე კრიმინალურ ეპიზოდში მონაწილეობა მიღებული.
2019 წელს დაკავებული ჯაჭვლიანი 2020 წელს საემეგრაციო იზოლატორიდან გაათავისუფლეს, თუმცა უკრაინის უსაფრთხოების სამსახურმა ის იმავე დღეს კვლავ დააპატიმრა, თუმცა მან კანონისგან თავის დაღწევა მაინც შეძლო. რამდენად მოახერხებს ახლა კრიმინალური ავტორიტეტი უკრაინული კანონმდებლობისგან თავის დახსნას, მალე გაირკვევა.
ჯაჭვლიანი 1973 წლის 16 აპრილს ოჩამჩირეში დაიბადა, მას ქურდულ სამაყაროში "ლაშა ოჩამჩირსკის" სახელითაც იცნობენ.
შეგახსენებთ, გასული წლის ივნისიდან უკრაინაში ძალაში შევიდა კანონმდებლობა, რომლითაც კრიმინალური გავლენისა და სტატუსის მქონე პირებს სისხლის სამართლებრივი პასუხისმგებლობა ეკისრებათ.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ისეა ცხოვრება აწყობილი საქართველოში ეს ამბავი განტვირთვისთვის წაადგება ხალხს კაი ამბავია. პ.ს ნეტა ვინმესთუ აინტერესებს ეს ამბავი ამ ქვეყანაში გარდა ოჯახის წევრებისა ?
ღმერთო, ნეტა არ იქნება, რომ სულ ერთიანად გადაგვარდეს ეს კასტა, ეს ცოდვის ხროვა და მოვლენა, კანონიერი ქურდობა რასაც ჰქვია!!!! ამაზრზენი და გულისამრევი პრაქტიკაა!!!