30
მარტიდღის ზოგადი ასტროლოგიური პროგნოზი
38 წლის ბაკო გიდელიას, რომელსაც მწვავე მიელოიდური ლეიკემია დაუდგინდა, საზოგადოების დახმარება ესაჭიროება.
ინფორმაციას სოციალურ ქსელში ბაკოს მეგობრების და ოჯახის წევრები ავრცელებენ.
მათი ინფორმაციით, ახალგაზრდამ მკურნალობა თბილისში დაიწყო, ახლა კი ის სტამბოლში იმყოფება, სადაც ქიმიოთერაპიის უმძიმესი კურსი ჩაიტარა. ამ ეტაპზე საჭიროა ძვლის ტვინის გადანერგვაა საჭირო, რაც დიდ თანხებთან არის დაკავშირებული. ოჯახს ყველა რესურსი ამოეწურა, ამიტომ დახმარებას საზოგადოებისგან ელოდებიან.
"ეს ბაკო გიდელიაა, 38 წლისაა, გალის რაიონის სოფელი ოტობაიადან. მოგეხსენებათ, რა მძიმე ცხოვრება აქვთ ამ რეგიონში მცხოვრებ ადამიანებს, რა ქარტეხილები აქვთ გავლილი. როგორ შიშში და დაუცველ გარემოში ცხოვრობენ. ამ ყველაფერს კი ბაკოს უმძიმესი სენი დაემატა - მწვავე მიელოიდური ლეიკემია. ბაკოც და მისი ოჯახიც მისი გადარჩენისთვის იბრძვიან.
ბაკოს მკურნალობა თბილისში დაიწყო, ახლა კი ის სტამბოლში იმყოფება, სადაც ქიმიოთერაპიის უმძიმესი კურსი ჩაიტარა და გაჩნდა იმედი, რომ ძვლის ტვინის გადანერგვა მას სიცოცხლეს შეუნარჩუნებს. სტამბოლში და თბილისში ჩატარებული ქიმიოთერაპიული მკურნალობა ნაწილობრივ თბილისის მერიამ და ჯანდაცვის სამინისტრომ დააფინანსეს, დანარჩენი კი მისმა ოჯახმა, ახლობლებმა და მეგობრებმა. მაგრამ მოგეხსენებათ ეს არასდროსაა საკმარისი, რადგან მკურნალობის ხარჯი წარმოუდგენელ თანხებს აღწევს, რესურსი კი მალე იწურება.
არ ვიცი, რითი უნდა ანუგეშო ადამიანი, რომელიც უმძიმეს სენს ებრძვის და ამ სენის დასაძლევად ათას ფაქტორთან ერთად, ძალიან ბევრი ფული სჭირდება. რთულია იმის გაცნობიერება, რომ იმისთვის რომ გადარჩე, ძვირადღირებული მკურნალობა გჭირდება- რესურსი კი ამოწურულია. ერთადერთი, რაც ამ სიტუაციაში შეგვიძლია ადამიანებს, მხოლოდ ერთმანეთის გვერდით დგომაა - ყველაფერი შესაძლებელია სულ მცირედი დახმარებით, თითო ლარით. მისი სიცოცხლე ჩვენთვის ძალიან ძვირფასია და დიახ, ყველა სიცოცხლე ძალიან ძვირფასია.
ამიტომ ველით ადამიანების დახმარებას, გვჯერა თქვენი გულწრფელი სურვილის დაეხმაროთ თქვენთვის უცნობ ახალგაზრდა ადამიანს, ძალიან თავმდაბალს და კეთილს, რადგან დგება მომენტი, როცა გამოსავალი მხოლოდ ერთად დგომაა, დახმარებაა თუნდაც ძალიან მცირედით, რადგან მართლა შეგიძლია ვიღაცის გადარჩენა, ვიღაცის სიცოცხლის გადარჩენა - მისი სიცოცხლე ჩვენთვის ძალიან ძვირფასია და დიახ, ყველა სიცოცხლე ძალიან ძვირფასია.
ამ ეტაპზე ბაკოს მკურნლობა, კერძოდ კი ძვლის ტვინის ტრანსპლანტაცია 68,500 დოლარს მოითხოვს. ანგარიშის ნომრებს აქვე იხილავთ და ნებისმიერ დაინტერესებულ პირს მივაწვდით ინვოისებს/ფორმა 100-ს/გადარიცხვის საბუთებს და სრულ დოკუმენტაციას მისი დიაგნოზის შესახებ.სტამბოლში, კლინიკაში FLORENCE NIGHTINGALE მკურნალობის პირველი ეტაპის თანხამ 45,000 აშშ დოლარი შედგინა, საიდანაც 13,500 დოლარი თბილისის მერიამ და ჯანდაცვის სამინიტრომ სააფინანსეს. დანარჩენი ოჯახმა" - წერია ინფორმაციაში.
დახმარების მსურველებს თანხის ჩარიცხვა შეუძლიათ ანგარიშებზე:
საქართველოს ბანკი BAGAGE22 - GE67BG0000000498953248
თიბისი TBCBGE22 - GE45TB7992945064300025
ლიბერთი LBRTGE22 - GE19LB0711131001049000
მიმღები ჯილდა გიდელია
