მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"იმედი მაქვს, რომ პრეზიდენტი ამ საშინელ კანონპროექტს ვეტოს დაადებს" - იაგო ხვიჩია "ადმინისტრაციულ სამართალდარღვევათა კოდექსში“ ცვლილებებზე
12:00 / 06-05-2021
"მე მაქვს იმედი, რომ ის ამ საშინელ კანონპროექტს ვეტოს დაადებს - თუ საერთოდ არ ფიქრობს ვეტოზე, არ მგონია, ისე ერთობოდეს, რომ ქართველ პოლიტიკოსებთან შეხვედრა იყოს მისი მხიარულების საგანი", - ამის შესახებ "გირჩის" ერთ-ერთმა ლიდერმა იაგო ხვიჩიამ ჟურნალისტებთან "ადმინისტრაციულ სამართალდარღვევათა კოდექსში“ ცვლილებებთან დაკავშირებით განაცხადა, რომლის თაობაზეც ის გუშინ, პრეზიდენტ სალომე ზურაბიშვილს შეხვდა.
როგორც ხვიჩია აღნიშნავს, პრეზიდენტი მასთან შეხვედრით თავად დაინტერესდა და მას პრეზიდენტის ადმინისტრაციიდან დაურეკეს.
“პრეზიდენტთან ერთი თემა განვიხილეთ - “ადმინისტრაციულ სამართალდარღვევათა კოდექსში” ცვლილებები. ამ ცვლილებებზე მე “ფეისბუქზე” ვთხოვე პრეზიდენტს, რომ ვეტო დაედო და ამ თემასთან დაკავშირებით მას სურდა ჩემთან საუბარი, ჩემი პოზიცია გავაცანი, ავუხსენი რატომ იყო ეს ცვლილებები საბჭოთა ცვლილებები თავისი შინაარსით და რატომ იყო ის წინააღმდეგობაში შარლ მიშელის დოკუმენტთან, რომლის გულშემატკივარიც როგორც ჩემთვის ცნობილია, პრეზიდენტიც იყო.
პრეზიდენტს შეუძლია ხელმოწერის ნაცვლად, კანონპროექტი უკან დააბრუნოს შენიშვნებით. ჩვენს შეხვედრაზე ამასაც შევეხეთ, მე მქონდა მოსაზრება, თუ როგორი შენიშვნით უნდა იყოს ის უკან დაბრუნებული. პრეზიდენტის განწყობას რაც შეეხება, მე არ ვარ განწყობების სპეციალისტი, რომ ამ საქმეში ღრმად შევიდე, ჩვენ ყველანი ველოდებით, რამდენიმე დღე და შეიძლება რამდენიმე საათიც არის დარჩენილი, რომ პრეზიდენტმა უნდა მიიღოს გადაწყვეტილება. მე მაქვს იმედი, რომ ის ამ საშინელ კანონპროექტს ვეტოს დაადებს. თუ საერთოდ არ ფიქრობს ვეტოზე და ამას გამორიცხავს, არ მგონია ისე ერთობოდეს, რომ ქართველ პოლიტიკოსებთან შეხვედრა იყოს მისი მხიარულების საგანი,"- განაცხადა ხვიჩიამ.
შეგახსენებთ, რომ საქართველოს პარლამენტმა გასულ კვირას დაჩქარებული წესით დაამტკიცა ცვლილებები საქართველოს "ადმინისტრაციულ სამართალდარღვევათა კოდექსში“ და გაამკაცრა პასუხისმგებლობის ზომები წვრილმანი ხულიგნობის განმეორებით ჩადენასა და სამართალდამცველთა კანონიერი მოთხოვნისადმი დაუმორჩილებლობაზე. კანონს პრეზიდენტის ხელმოწერა სჭირდება, რის შემდეგაც ძალაში შევა.
ოპოზიცია აღნიშნულ კანონპროექტს მკაცრად აკრიტიკებს, რადგან მათივე შეფასებით, ადმინისტრაციულ სამართალდარღვევებზე სანქციის გამკაცრება გამოხატვის თავისუფლების შეზღუდვას ისახავს მიზნად.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თუ არც შეწყალებით არც ამნისტიით მელია არ გამოვა ციხიდან, მაგ შემთხვევაში მივაქირაოთ ერთი კამერა და იხადოს კომუნალური გადასახადი და ბინის ქირა იყოს იჯდეს მშვიდად,იქ დაელოდოს მიშას ჩამოსვლას.
შეფასება, რომ კანონის გამკაცრება გამოხატვის თავისუფლების შეზღუდვას ისახავს მიზნად რბილად, რომ ვთქვათ საკამათოა და დილეტანტის ნათქვამია. თუ კანონი არ არის მიმართული გამოხატვის თავისუფლების შეზღუდვისკე მისი გამკაცრება უბრალოდ ასეთს ვერ გამოიწვევს რადგან იმის გამკაცრება რაც თავისუფლებას არ ზღუდავს ასეთ მოცემულობას ვერ მოგვცემს.ამიტომ სამსჯელოა ზოგადად განსახილველი კანონი ზღუდავს თუ არა გამოხატვის თავისუფლებას..ავიღოთ 166 ე მუხლი წვრილმანი ხულიგნობა დისპოზიციით ეს არის საზოგადოებრივ ადგილებში ლანძღვა-გინება, მოქალაქეებზე შეურაცხმყოფელი გადაკიდება და სხვა ამგვარი მოქმედება, რომელიც არღვევს საზოგადოებრივ წესრიგსა და მოქალაქეთა სიმშვიდეს, ეს ქმედება ჯდება გამოხატვის თავისუფლებაში ? დემოკრატიულ ქვეყნებში გაეტყვით რომ არა..ეხლა რას გვეუბნება 173-მუხლი აქ საუბარია სამსახურებრივი მოვალეობის შესრულების დროს სამართალდამცავი ორგანოს თანამშრომლის ან მასთან გათანაბრებული პირის კანონიერი განკარგულებისადმი ან მოთხოვნისადმი დაუმორჩილებლობაზე, ან ამ პირის სიტყვიერი შეურაცხყოფაზე ან/და მის მიმართ სხვა შეურაცხმყოფელი ქმედების განხორციელებაზე აბა ბატონებო ეს ქმედება უნდა ჩაითვალოს გამოხატვის თავისუფლებად თუ არა ?.იცით რა მახსენდება ჩვენ ქალაქში ყველაფერი მოსულაოო თუ სანქციები მკაცრი გეჩვენებათ ამაზე გააკეთეთ აქცენტი თორე გამოხატვის თავისუფლების თქვენებური გაგებით ევროპაშიც და ამერიკაშიც სასაცილონი გავხდებით, რადგან განსახილველ ქმედებებს დემოკრატიული სახელმწიფო სამართალ დარღვევად ხოლო უმეტესობა დანაშაულად განიხილავს მეტი ვიკითხოთ ბატონებო ვეზიაროთ დემოკრატიულ ღირებულებებს მათ სამართალს მაგალითისთვის თუნდაც გადახედეთ ბალტიის ქვეყნების სისხლის სამართლის კოდექსებს თუ არ დაიზარებთ ნახეთ ადმინისტრაციული კოდექსებიც