მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რალფ ფაინსმა თქვა, - არ მჭირდება თარგმნა, ისედაც იგრძნობა რას ამბობსო. ისიც დააყოლა, ასეთი მსახიობი ჩვენ არ გვყავსო" - როგორ ითამადა კახი კავსაძემ სუფრაზე, სადაც ბრიტანელ მსახიობს მასპინძლობდნენ
09:28 / 28-04-2021
ცნობილი მუსიკოსი, ლოტბარი, ანსამბლ "შავნაბადას" ხელმძღვანელი დათო ცინცაძე დიდი ქართველი მსახიობის კახი კავსაძეს გარდაცვალებას პოსტს უძღვნის და იხსენებს, თუ როგორ ითამადა ქართული კინოსა და თეატრის ლეგენდამ სუფრაზე, სადაც ბრიტანელ მსახიობ რალფ ფაინსს მასპინძლობდნენ.
"ერთ დღეს ბატონმა არმაზ ახვლედიანმა ანსამბლ Shavnabada • შავნაბადა-ს ქალბატონი ნანა ჯანელიძის სახლში მისვლა გვთხოვა, - სტუმრად ცნობილი ბრიტანელი მსახიობი, რალფ ფაინსი გვყავსო და მინდა, ქართული სუფრის წესი გავაცნოო. ჩვენც დიდი ინტერესით მივედით. ძალიან ლამაზ, ისტორიულ და თბილ სახლში ჩვენდა მოულოდნელად თამადობისთვის უკვე შერჩეული კანდიდატი, ბატონი კახი კავსაძე დაგვხვდა.
სანამ სტუმრები მოვიდოდნენ და სუფრას მივუსხდებოდით, როგორც ბაბუა შემოიკრებს შვილიშვილებს, ისე ვიყავით მის გარშემო. გვეხუმრებოდა და თან სასაცილო ამბებს გვიყვებოდა. მართლაც ძალიან ბევრი ვიცინეთ იმ დღეს და არც თვითონ იღლებოდა ისტორიების მოყოლით. სიამოვნებით ივსებოდა ამდენ ახალგაზრდას რომ გვხედავდა, როგორ მივჩერებოდით მის ყველა სიტყვას. ეს ფრაგმენტი გადაღებულიც გვაქვს, იშვიათი ისტორიების თხრობა დაიწყო, თუმცა ეს სხვა დროს იყოს…
ეს დღეს არცერთ ჩვენგანს არ დაავიწყდება, რადგან სხვა გარემო დაგვხვდა ქალბატონი ნანას სახლში. ცოტა დაგვიანებით ბატონი არმაზიც მოვიდა სტუმრებთან ერთად. დაიწყო კახიმ თამადობა... პირველი სადღეგრძელოზე ფეხზე დავდექით, მეორეზე უფრო მშვიდ ტონში საუბრობდა. მერე მოუმატა კახიმ! ცოტა ღვინოც მოეკიდა მიუხედავად იმისა, რომ ძალიან ცოტას სვამდა.
მერე და მერე ჩვენც სიმღერას მოვუხშირეთ და შევიდა სუფრა ლხინში. სათავეებთან როგროც გითხარით, კახი იყო, რომელიც უკვე ისე საუბრობდა, როგროც ჩვეოდა - რიხიანად, ხმამაღლა, ემოციურად და გამეტებით - ემოციებისგან ჯდომა უჭირდა. ისე გამოხატავდა ყველაფერს, მახსოვს სტუმარმა თარჯიმანს უთხრა, - არ მჭირდება შენი თარგმნა ისედაც იგრძნობა რას ამბობსო, - ეს კაციო. მერე ისიც დააყოლა ასეთი მსახიობი ჩვენ არ გვყავსო.
იმ დღეს არ დამთვრალა, არც დიდად ნასვამი ყოფილა. სუფრა რომ მორჩა ცოტა ვისაუბრეთ კიდეც. ემოციებისგან ლუკმა არ ჰქონდა ნაჭამი. მაგრამ ყველაზე ბედნიერი იყო, რომ სტუმრებს თავისი ქვეყნის კულტურას უზიარებდა. სვამდა ჩვენზე ნაკლებს და ხარობდა ჩვენზე მეტად… სტუმრები რომ წავიდნენ, მარტო არ დავტოვე, შიოდა და მეც მივუჯექი - ეს მომენტი კიდევ სხვანაირი იყო ჩემთვის. ახლოს არ ვიცნობდი, მაგრამ ამ დროს ყველაზე ახლობლები ვიყავით.
ვფიქრობ, დღეს ქართულმა კულტურამ დაკარგა ბოლო დროის ყველაზე დიდი, ეროვნული მნიშვნელობის მსახიობი და ისტორიული ოჯახის გამორჩეული წარმომადგენელი. ბატონი ანზორი ამბობდა, კავსაძეებზე და ერქომაიშვილებზე, - უფრო ღრმა სამუსიკო ტრადიციების ოჯახი არ მეგულება. სამი საუკუნის უწყვეტობას ვითვლით მე და კახი სანამ ცოცხლები ვართო..." - წერს დათო ცინცაძე.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ღმერთო რამდენი კარგი და ღვაწლმოწილი ადამიანი წაიყვანე ამ ორ წელიწადში, ისინი ვინც ზნეობის, განათლებულობის, კულტურის ფონს ქმნიდა ქვეყანაში, რანი ვართ. გული მტკივა, შემცვლელიც არავინ ჩანს ჰორიზონტზე. მახსოვს სტუდენტობის დროს, როდესაც კახი დონკიხოტის როლს ასრულებდა, თბილისობაზე გამოვიდა კიკალიშვილთან ერთად, ეს იყო ჩვენი სულის ზეიმი.
აცხონოს ღმერთმა