6
მაისიდღის ზოგადი ასტროლოგიური პროგნოზი
9 წლის გოგონას ჯანმრთელობის მდგომარეობა რომელიც, სავარაუდო მოძალადისგან გაქცევის დროს თხრილში ჩავარდა, დამაკმაყოფილებელია. ინფორმაციას "რუსთავი 2" იაშვილის კლინიკის ექიმზე დაყრდნობით ავრცელებს.
ტელეკომპანიის ცნობით, მას კლინიკაში შესაბამისი გამოკვლევები ჩაუტარდა.
"მდგომარეობა შემოსვლისთანავე არ იყო მძიმე. მიუხედავად ამისა მას ტრავმის მექანიზმიდან და შესაძლო რისკებიდან გამომდინარე ჩაუტარდა ყველანაირი კვლევა, სადაც ტრავმის შედეგად სერიოზული დაზიანებები არ დაფიქსირდა.
დღეისთვის მისი მდგომარეობა დამაკმაყოფილებელია. არის აქტიური, ცნობიერება ნათელი, ადეკვატური, კონტაქტური. აღენიშნება სხეულის მთელ ზედაპირზე მრავლობითი ზედაპირული ექსკორიაციები. ეს არის სავარაუდოდ სიმაღლიდან ვარდნის შედეგად მიღებული დაზიანებები," - განაცხადა ბავშვთა ნევროლოგმა ნინო დიხამინჯიამ "რუსთავი 2"-თან საუბარში
ცნობისთვის, სავარაუდო მოძალადისგან გაქცევის დროს 9 წლის ბავშვი თხრილში ჩავარდა და დაზიანებები მიიღო. არსებული ინფორმაციით, რამდენიმე დღის წინ ბავშვს 45 წლამდე მამაკაცნა კანფეტები უყიდა, შემდეგ კი კოცნა შესთავაზა. ხოლო დღეს იმავე მამაკაცის დანახვისას მოზარდმა გაქცევა სცადა, რა დროსაც თხრილში ჩავარდა. პოლიციამ არასრულწლოვნის მშობლები უკვე დაკითხა.
როგორც AMBEBI.GE-ს შსს-ს პრესსამსახურში განუცხადეს, ფაქტზე გამოძიება სისხლის სამართლის კოდექსის 115-ე მუხლით მიმდინარეობს. საქმეზე სპეციალისტები მუშაობას აგრძელებენ.
.
იპოვეთ დაიჭირეთ დასაჯეთ!!!!!!
ასეთ მოძალადეებს, დახვრეტა!!!!!!!