მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ოთხშაბათი, მთვარის მეხუთე დღე დაიწყება 07:57-ზე, მთვარე ტყუპშია
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ.ცუდი დღეა ნიშნობისა და ქორწინებისთვის. მოერიდეთ ცხოველური საკვებს. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ნამახვანჰესის" მოწინააღმდეგეთა აქცია გრძელდება - რას პასუხობს შსს ბრალდებას, რომ პოლიცია რიონის ხეობაში საკომუნიკაციო სიგნალს სპეცაპარატურით ახშობს
16:09 / 04-04-2021
„ნამახვანჰესის“ მოწინააღმდეგეთა აქცია გრძელდება. აქციის მონაწილეები, რომლებიც ჰესის მოსამზადებელი სამუშაოების განახლებას აპროტესტებენ, გუმათში არიან შეკრებილები. ისინი ნამახვანში გადაადგილებას ითხოვენ, რის საშუალებასაც სამართალდამცველები არ აძლევენ.
როგორც აქციის მონაწილეებს პოლიციის ხელმძღვანელმა განუცხადა, ამ რაოდენობის, საფრთხეების თავიდან აცილების გამო, ადამიანებს ხეობაში ვერ შეუშვებენ.
შეზღუდვის გამო აქციის ორგანიზატორებმა მიიღეს გადაწყვეტილება და ადგილზე კარავს შლიან.
ვარლამ გოლეთიანის თქმით, შეიქმნება ახალი ლოკაცია, სადაც მოქალქეებს შესაძლებლობა ექნებათ, „კომენდანტის საათის“ დროს კარავში დარჩნენ. ადგილზე მოქალაქეებთან ერთად არასამთავრობო ორგანიზაციების წარმომადგენლები იმყოფებიან, ადგილზე იმყოფება სახალხო დამცველის დასავლეთ საქართველოს ოფისის ხელმძღვანელი, რომელიც გამოეხმაურა კომპანიის მიმართავას და განაცხადა, რომ ყველა მხარეს შეხვდებიან და შეისწავლიან.
„ენკა რინიუებლზის“ დირექტორი მერაბ ლომინაძე პოლიციას სთხოვს, დაიცვას კომპანიის თანამშრომელთა უსაფრთხოება.
მისი ინფორმაციით, კომპანიის თანამშრომლებს და მათი ოჯახის წევრებს პროექტის მოწინააღმდეგეების სახელით უკავშირდებიან და ფიზიკური განადგურებით ემუქრებიან.
„ვთხოვ პოლიციას, დაიცვას ჩვენი თანამშრომლების ფიზიკური უსაფრთხოება, სახალხო დამცველს კი - მათი ფსიქოლოგიური ზეწოლის ფაქტების შესწავლისკენ მოვუწოდებ. დღეს „ენკა რინიუებლზის“ თანამშრომლების წინააღმდეგ, რომლებიც წინასამშენებლო სამუშაოებს ახორციელებენ, სერიოზული ფსიქოლოგიური ზეწოლა მიმდინარეობს. ჩვენი თანამშრომლების დიდი ნაწილი ადგილობრივი მოსახლეები და იმ ადამიანთა მეზობლები არიან, რომლებიც პროექტის განხორციელებას ეწინააღმდეგებიან. მათ და მათი ოჯახის წევრებს პროექტის მოწინააღმდეგეების სახელით უკავშირდებიან და ფიზიკური განადგურებით ემუქრებიან. ჩვენ აუცილებლად გადავცემთ მსგავს ფაქტებს სამართალდამცავ ორგანოებს, ასევე მოვუწოდებთ სახალხო დამცველს, ამ საკითხითაც დაინტერესდეს“, - განაცხადა ნორვეგიულ - თურქული კომპანიის „ენკა რინიუებლზის“ ახლადდანიშნულმა დირექტორმა მერაბ ლომინაძემ.
მისი თქმით, 3 აპრილს სამშენებლო მოედანზე იმყოფებოდა სახალხო დამცველის სპეციალური წარმომადგენელი, რომელმაც, სამწუხაროდ, დრო ვერ გამონახა, შეხვედროდა „ენკა რინიუებლზის“ მენეჯმენტსა და თანამშრომლებს, რომლებიც რამდენიმე თვეა, პროტესტის მონაწილეთა ერთი ნაწილის მხრიდან მუქარის ქვეშ იმყოფებიან.
"ნამახვანი ჰესის" პროექტის განმახორციელებელი კომპანიის „ენკა რინიუებლზის“ დირექტორმა მერაბ ლომინაძემ, რომელიც უფლებამოსილებას 3 აპრილიდან შეუდგა, პირველივე სამუშაო დღესვე შეხვდა პროტესტის მონაწილეთა ყველაზე აქტიურ ჯგუფს და მათ დიალოგის გზით თანამშრომლობა შესთავაზა. ამის მიუხედავად, აღნიშნული ჯგუფის წევრთა ნაწილმა დღეს კომპანიის თანამშრომლების მუშაობისთვის ხელშეშლა სცადა, რის გამოც პროცესში სამართალდამცავი ორგანოების ჩართვა გახდა აუცილებელი.
მერაბ ლომინაძის განცხადებით, შექმნილი ვითარებიდან გამომდინარე, ადგილზე მობილიზებულია საპოლიციო ინფრასტრუქტურა, მათ შორის, სპეციალური სატრანსპორტო საშუალება, რომელიც რადიოკავშირის გამართულ მუშაობას უზრუნველყოფს.
„კიდევ ერთხელ მოვუწოდებ პროტესტის მონაწილეებს, დავიწყოთ კონსულტაციები ხეობის უკეთესი მომავლისთვის. ამავე დროს, კიდევ ერთხელ მინდა გავიმეორო, რომ „ენკა რინიუებლზი“ არ დაიწყებს "ნამახვანი ჰესის" ძირითადი ნაგებობების, მათ შორის, კაშხლის მშენებლობას, სანამ არ განხორციელდება ძირითადი კვლევების ვალიდაცია“, - განაცხადა მერაბ ლომინაძემ.
გარდა ამისა, გავრცელებული ინფორმაცია, თითქოს, პოლიციის მიერ რიონის ხეობაში საკომუნიკაციო სიგნალის ჩამხშობი აპარატურის გამოყენება მოხდა, შინაგან საქმეთა სამინისტროს ინფორმაციით, სიმართლეს არ შეესაბამება.
მათივე ინფორმაციით, საპოლიციო ინფრასტრუქტურა რთულ რელიეფურ მდებარეობის და გართულებული კავშირგაბმულობის მიზეზით განთავსდა.
„უსაფრთხოებისა და მართლწესრიგის დაცვის მიზნით, უკვე მეორე დღეა, შინაგან საქმეთა სამინისტროს სხვადასხვა დანაყოფის თანამშრომლები, ნამახვანჰესის წინამოსამზადებელი სამუშაო პროცესის განახლებასთან დაკავშირებით, რიონის ხეობაში არიან მობილიზებულნი. გარდა ამისა, ადგილზე განთავსებულია შესაბამისი საპოლიციო ინფრასტრუქტურაც.
კიდევ ერთხელ განვმარტავთ, რომ გავრცელებული ინფორმაცია, თითქოს, პოლიციის მიერ რიონის ხეობაში საკომუნიკაციო სიგნალის ჩამხშობი აპარატურის გამოყენება მოხდა, არ შეესაბამება სიმართლეს.
შინაგან საქმეთა სამინისტროს მიერ, მიმდინარე წლის 3 აპრილს გავრცელებულ განცხადებაშიც განმარტებულია, რომ რიონის ხეობაში განთავსებული სპეციალური სატრანსპორტო საშუალება რადიოკავშირის გამართულ მუშაობას უზრუნველყოფს.
კიდევ ერთხელ ხაზგასმით აღვნიშნავთ, რომ საპოლიციო ინფრასტრუქტურა წარმოადგენს შიდა რადიოკავშირის გამაძლიერებელი მექანიზმს, რომელსაც არანაირი შემხებლობა არ აქვს ფიჭურ და სატელეფონო კავშირგაბმულობასთან, ის გამოიყენება საპოლიციო დანაყოფებს შორის რადიოკავშირის (რაციით კავშირის) გამართული მუშაობის მიზნით. რიონის ხეობაში აღნიშნული საპოლიციო ინფრასტრუქტურა რთულ რელიეფურ მდებარეობის და გართულებული კავშირგაბმულობის მიზეზით განთავსდა.
რაც შეეხება რიონის ხეობაში მოქალაქეთა გადაადგილების შეზღუდვას, კიდევ ერთხელ განვმარტავთ, რომ უსაფრთხოების ზომებიდან გამომდინარე, პოლიციის შესახებ საქართველოს კანონის 25-ე და 26-ე მუხლების შესაბამისად გარკვეულ მიმართულებებზე გადაადგილების შეზღუდვა დროებით ძალაში რჩება, რათა თავიდან იქნას აცილებული მოსალოდნელი საფრთხეები და სიტუაციის შემდგომი ესკალაცია.
შინაგან საქმეთა სამინისტრო მოუწოდებს მოქალაქეებს, არ გასცდნენ გამოხატვის თავისუფლების კანონით დასაშვებ ფარგლებს, დაემორჩილონ პოლიციის მოთხოვნებს.
აქვე, ხაზგასმით აღვნიშნავთ, რომ შინაგან საქმეთა სამინისტრო როგორც საზოგადოების უსაფრთხოებასა და მართლწესრიგის დაცვაზე პასუხისმგებელ უწყება, უზრუნველყოფს, თითოეული მოქალაქის გამოხატვის თავისუფლებას, რომელიც არ გასცდება კანონით დასაშვებ ფარგლებს“ , - ნათქვამია შინაგან საქმეთა სამინისტროს მიერ გავრცელებულ ინფორმაციაში.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შსს-S რა ელვის სისწრაფით შლიდით კომენტარებს თქვენს გვერდზე - პოსტზე:D :D
ერთადერთი გამოსავალი არსებობს ამ სიტუაციიდან საქართველოსთვის... ჰიდროკასკადებმა ეკოლოგია რომ არ მოსპონ, წარმოქმნილმა ღვარცოფებმა რომ არ ჩაიტანოს ხმელეთი მდინარესა და ზღვაში, ღამით რომ არ მოუწიოს მოსახლეობას აყრა ტალღის ღრიალის ხმაში... ესაა თანამედროვე ტექნოლოგიებით, ფრანგების აშენებული (ჰიპოთეტურად) ბირთვული სადგური. ესაა საქართველოს ენერგეტიკული მომავალი ამ უახლოეს 50 წელიწადში. ფუკუსიმასა და ჩერნობილზე ვისაც ექავება ენები, მეპაექროს, არგუმენტები დაუჟანგდება.