მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ახლა თუ ნავალნის "გაანეიტრალებენ", რუსეთში კიდევ 30 წელი არაფერი შეიცვლება" - როგორ ეპყრობიან ციხეში რუს ოპოზიციონერს და როგორია მისი ჯანმრთელობის მდგომარეობა
13:49 / 28-03-2021
გუშინ ცნობილი გახდა, რომ რუსი ოპოზიციონერის, ალექსეი ნავალნის ჯანმრთელობის მდგომარეობა გაუარესდა. მისი ადვოკატების ინფორმაციით, გასულ კვირას ნავალნის ტკივილები ჰქონდა ზურგის არეში და ვერ გრძნობდა ფეხს. ციხის ექიმმა მას ორი აბი ტკივილგამაყუჩებელი მისცა, რის შემდეგაც მისი ჯანმრთელობის მდგომარეობა კიდევ უფრო გაუარესდა.
როგორც პოლიტიკოსის ადვოკატები აცხადებენ, კოლონიაში ბოლო ვიზიტის დროს ისინი ალექსეი ნავალნისთან არ შეუშვეს. მათივე თქმით, ციხის ადმინისტრაციამ განმარტა, რომ ნავალნი სამედიცინო შემოწმებას "საკუთარი სურვილით" იტარებდა. რუსი ოპოზიციონერი მეხუთე კვირაა პატიმრობაში იმყოფება და სასჯელს რუსეთის ერთ-ერთ ყველაზე სასტიკ, პოკროვის კოლონიაში იხდის, სადაც კიდევ ორი წელი მოუწევს ყოფნა. მისი მხარდამჭერების ვარაუდით, პუტინის მთავარი კრიტიკოსის ჯანმრთელობის მდგომარეობის დამძიმებაში სწორედ პრეზიდენტის ხელი ურევია.
რუსეთის ხელისუფლება ნავალნის ჯანმრთელობის მდგომარეობის დამძიმებას არ ადასტურებს. კრემლის პრესსპიკერი დიმიტრი პესკოვი აცხადებს, რომ ნავალნი თავს კარგად გრძნობს და მისი ჯანმრთელობის მდგომარეობა დამაკმაყოფილებელია. იგივეს აცხადებს კოლონიის ადმინისტრაციაც. მათი ინფორმაციით, ნავალნის ჯანმრთელობის მდგომარეობა შემოწმებულია და ის დამაკმაყოფილებელია.
გუშინ პოლიტიკოსის გუნდის წევრებმა მიმართვა გაავრცელეს და საზოგადოებას მოუწოდეს, შეუერთდნენ მომავალ მიტინგს მის მხარდასაჭერად. ბოლო მონაცემებით, სპეციალურ საიტზე, რომელიც კამპანია "თავისუფლება ნავალნის" ფარგლებში შეიქმნა და 23 მარტს ჩაეშვა, 300 ათასზე მეტი ადამიანია დარეგისტრირებული.
tvrain.ru-ს ცნობით, ნავალნიმ ციხიდან ორი მიმართვა გაავრცელა, სადაც გენერალურ პროკურორს სთხოვდა, მისთვის 8 საათიანი ძილის საშუალება მიეცათ.
"ცნობილია, რომ მას ყოველ ღამე აღვიძებენ, რასაც ფსიქოლოგიური ზეწოლისთვის იყენებენ. მას სისტემატურად უარს ეუბნებოდნენ სამედიცინო მომსახურებაზეც. ადგილობრივები უკვე საუბრობენ, რომ ნავალნის საქმე ძალიან ჰგავს "მაგნიტსკის საქმეს", თუმცა, იმედია, ისეთივე დასასრული არ ექნება", - წერს ტელევიზიის ინტერნეტ-გვერდი.
მათივე ცნობით, რუსეთის ციხეებში, "არასწორი მკურნალობის" გამო, მხოლოდ ერთ წელწადში 4 000-ზე მეტი პატიმარი გარდაიცვალა. მაშინ რუსულმა დამოუკიდებელმა მედიამ ამაზე აჟიოტაჟი ატეხა, თუმცა გენერალურმა პროკურურმა, იური ჩაიკამ გავრცელებულ ინფორმაციას სიცრუე უწოდა. შესაბამისად, უცნობია, ვინმე დაისაჯა თუ არა.
"2018 წელს ევროსაბჭოს სპეციალურ მოხსენებაში ნათქვამი იყო, რომ რუსეთის ციხეებში სიკვდილიანობა ბოლო ათი წლის განმალობაში 20%-ით გაიზარდა. ცნობისთვის, რუსეთი პატიმრების გარდაცვალების მაჩვენებლით, ევროპაში დღემდე ლიდერია.
რითი ჰგავს სერგეი მაგტინსკის საქმეს ალექსეი ნავალნის საქმეს? შესადარებლად გამოგვადგება მაგტინსკის ბოლო ჩანაწერები, - მას სამედიცინო დახმარებას არ უწევდნენ, სამკურნალოდ მხოლოდ "რაღაც გამაყუჩებელს" აძლევდნენ და ძილს რეგულალურად უშლიდნენ", - წერს ტელეკომპანიის ინტერნეტ-გვერდი.
შესაბამისად, ნავალნის მხარდამჭერებს შეშფოთების მიზეზი ნამდვილად აქვთ.
- "ასე მგონია, არ არის საკმრისი რასაც ვაკეთებთ მისი გათავისუფლებისთვის. რასაც პესკოვი ამბობს, ეს პუტინის სიტყვებია. ასე "წაყრუებით", ჩუმად, მათ არაერთი არასასუსრველი პერსონა მოუშორებიათ. რომელი ერთი გავიხსენო?! მახრჩობელასავით გუდავენ ადამიანებს, იციან, რომ ამის გამო ომს არავინ გამოუცხადებს, სანქციებს კი შეეჩვივნენ", - წერს ინტერნეტ-მომხარებელი მიხაილ შვალბი.
- "რუსეთი განაგრძობს თავის "ღირსეულ საქმეს". ეს არის ქვეყანა მსოფლიოში, რომელმაც ყველაზე მეტი სანქცია მიიღო. რუსეთი და სანქციები ხომ საუკუნოვანი ძმები არიან" - წერს ოლეგ მელნიკი.
- "საქმე ის არის, რომ ნავალნი ცოცხალი არც ოპოზიციის დანარჩენ ძალებს სჭირდებათ. მათ პუტინი კვებავს და რაში სჭირდებათ რამის შეცვლა?! ახლა თუ ნავალნის "გაანეიტრალებენ", რუსეთში კიდევ 30 წელი არაფერი შეიცვლება, რადგან ტალღა, რომელიც ნავალნის გარშემო აგორდა, თანდათან ძალას კარგავს", - წერს სერგეი პიატინი.
ალექსეი ნავალნი 17 იანვარს დააკავეს, როცა ის რუსეთში გერმანიიდან დაბრუნდა, სადაც მკურნალობისა და რეაბილიტაციის კურსს გადიოდა. ნავალნი გერმანიაში 2020 წლის აგვისტოში ჩაიყვანეს. ბერლინის დამოუკიდებელ ექსპერტთა დასკვნით, ის საბრძოლო ქიმიური იარაღით, "ნოვიჩოკით" მოწამლეს, რომელიც რუსეთის ხელისუფლებას არაერთხელ გამოუყენებია. პუტინის ხელისუფლება ბრალდებას ამჯერადაც კატეგორიულად უარყოფს.
მკითხველის კომენტარები /
21 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ოპოზიციონერს?)))))))
მიშიკოსგან განსხვავებით, ყველა თავის ადგილას მოჯდა... გელოდებით გიულიჩ...