"დედამ მის ქმართან გააბა რომანი... ლაიზასთვის ეს დიდი დარტყმა აღმოჩნდა" - მსახიობის ტრაგიკული ცხოვრება და აუხდენელი ოცნება საკუთარ შვილზე

12 მარტს ლაიზა მინელი 75 წლის გახდა. ვარსკვლავურ ოჯახში დაბადებული ფაქტობრივად ბავშვობიდან ცნობილი გახდა. თუმცა პოპულარობამ და წარმატებამ მას ბედნიერება ვერ მოუტანა.

ლაიზა ცნობილი რეჟისორის ვინსენტ მინელის და მსახიობ ჯუდი გარლენდის ოჯახში დაიბადა. მისი ბედი თავიდანვე განსაზღვრული იყო - ის ჰოლივუდში იყო დაბადებული, ამ სიტყვის პირდაპირი მნიშვნელობით.

დიდ კინოში უკვე 3 წლისა გამოჩნდა, როცა დედასთან ერთად გადაიღეს ფილმში. 5 წლის ფრედ ასტერთან სტეპს ცეკვავდა, სულ მალე კი ნიუ-იორკის თეატრში ცეკვავდა. პატარა გოგონა, რომელსაც ლამაზს ვერ უწოდებდი, მსახიობობასა და მომღერლობაზე ოცნებობდა. ნიჭიც ყველაფერზე ყოფნიდა და ყველა სამუშაოს თანხმდებოდა, ოღონდ ცნობილი დედის ჩრდილიდან გაეღწია. ეს შეძლო კიდეც.

ჯუდისთან ერთად ლონდონის "პალადიუმის" სცენაზე გამოდიოდა. დედა არ მალავდა, რომ შურდა ქალიშვილის, რომელიც ყველაფერს უფრო მგრძნობიარედ, ბრწყინვალედ აკეთებდა.

იმ დროს ჯუდი ქმარს გაეყარა და ამასაც განიცდიდა, დეპრესია ჰქონდა, ალკოჰოლით და აკრძალული პრეპარატებით "ერთობოდა". თუმცა მეორე გათხოვება და ორი შვილის გაჩენა მაინც მოსწრო. თვითონ საკუთარ დეპრესიას ჩაუღრმავდა, ბავშვებზე ზრუნვა კი მთლიანად პატარა ლაიზას მხრებზე დააწვა...წაიკითხეთ სრულად