მნიშვნელოვანი ინფორმაცია
7
მარტიდღის ზოგადი ასტროლოგიური პროგნოზი
პარასკევი, მთვარის მეცხრე დღე დაიწყება 10:32-ზე, მთვარე კირჩხიბში იქნება 20:32-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა მოგზაურობის, შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადაადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დღის ფოტო: მეგანისა და ჰარის ოჯახური პორტრეტი - "ის ყველას აჩვენებს, როგორი უნდა იყოს სამაგალითო ქმარი"
14:29 / 09-03-2021
დიდი ბრიტანეთის პრინცი ჰარი და მისი ცოლი, მეგან მარკლი ბრიტანული სამეფო ოჯახის ყველაზე პოპულარული წევრები არიან. მეამბოხე წყვილი, რომელმაც დაამსხვრია ჩარჩოები და უარყო სამეფო ოჯახის ტრადიციები, უარი თქვა მოძველებული წესებით ცხოვრებაზე, აშშ-ში, კალიფორნიაში ბედნიერად ცხოვრობს.
მართალია, ჰარის თავისი გადაწყვეტილების გამო მამა და ძმა არ ელაპარაკებიან, მაგრამ კარგი ურთიერთობა აქვს ბებიასთან, დედოფალ ელისაბედთან. ჰარი და მეგანი ამ დრომდე პრინცესა დიანას დატოვებული ფულით ცხოვრობენ, გარდა ამისა, მათ შემოსავალი აქვთ სხვადასხვა პოდკასტებიდან, რომლებშიც მონაწილეობენ. სამეფო ოჯახისგან დაფინანსებას აღარ იღებენ და ცდილობენ საკუთარი შეხედულებისამებრ იცხოვრონ.
"დედამ ფული მემკვიდრეობით დამიტოვა და როგორც ჩანს, გრძნობდა, რომ მისი მხარდაჭერა დამჭირდებოდა“, - ამბობს პრინცი.
პრინცის თქმით, ის ბედნიერია, რადგანაც ოჯახი - მეგანი და პატარა არჩი უსაფრთხოდ ჰყავს. მართალია, ბრიტანული პრესა უკიდურესად აკრიტიკებს პრინცს სამეფო ოჯახიდან წასვლის გამო, თუმცა რიგითი მოქალაქეების დიდი ნაწილი მას გადაწყვეტილებას უწონებს და თავიანთ დამოკიდებულებას სოციალურ ქსელებში კომენტარებით გამოხატავენ.
"მან ის გააკეთა, რაც ჩარლზმა ვერ შეძლო - დაიცვა თავისი ცოლი სამეფო წესებისგან და პრესის ბულინგისგან.“
"ბოლოს და ბოლოს, დედის გამო მთელ სამეფო ოჯახზე შური იძია.“
"პრინცესა დიანა ალბათ როგორ ამაყობს შენით“.
"როცა დაიანა გარდაიცვალა, ის პატარა იყო და ვერ შეძლო დედის დაცვა, ახლა კაცია და ყველას აჩვენებს, როგორი უნდა იყოს სამაგალითო ქმარი."
"პრინცმა თავისი მოქმედებებით ლედი დი გაგვახსენა, ღირსეული შვილია.“
"მეამბოხე ჰარი, ყოველთვის ვფიქრობდი, რომ ძალიან განსხვავდებოდი შენი ოჯახის წევრებისგან.“
სოციალურ ქსელებში მსგავსი შინაარსის არაერთ კომენტარს ნახავთ, თუმცა მათ გვერდით არიან ისეთებიც, რომლებიც წერენ, რომ მეგან მარკლი დრამის დედოფალია და ცოლ-ქმარს ფსიქოლოგიური მხარდაჭერა სჭირდება.
ახლახანს ფოტოგრაფმა მისან ჰარიმანმა წყვილის ახალი ოჯახური ფოტო გაგვიზიარა. ფოტოზე ჰარი, ორსული მეგანი და პატარა არჩია აღბეჭდილი. წყვილი ზაფხულში მეორე შვილის, გოგონას მშობლები გახდება.
თავად მეგანი და ჰარი ამბობენ, რომ მათი სიყვარული ზღაპრულს ჰგავს და უფრო ბედნიერები არიან, ვიდრე პრინცები და პრინცესები ზღაპრებიდან.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დაიწყო თუ არა ინტერპოლმა წითელი ცირკულარით გიორგი ბაჩიაშვილის ძებნა და რა ხდება მისი ბრალდების სისხლის სამართლის საქმეზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს რა არის თქვენ ბერას და ნანუკას დღის ფოტო არ გინახავთ ეტყობა.
ეს რა არის, მეგანუშკას და ჰარიუშკას სურათები, ლატარეაში გვერგო ქართველებს?