"ეს არ არის საქართველო, ეს არის ხიხოსტანი. გინდათ, თქვენი შვილები იბადებოდნენ და იზრდებოდნენ ხიხოსტანში?" - მიხეილ სააკაშვილი

საქართველოს ყოფილი პრეზიდენტი მიხეილ სააკაშვილი კიდევ ერთხელ ეხმაურება საქართველოში მიმდინარე პოლიტიკურ პროცესებს და მელიას აყვანის ღონისძიებას "ქართული ოცნების" კატასტროფულ მარცხს უწოდებს. მისი თქმით, ივანიშვილის მმართველობის წლებში საქართველო 900 000-ზე მეტმა ადამიანმა დატოვა და ქვეყანა თანდათან ქრება:

"საქართველო როგორც ქვეყანა ქრება. ჩვენი საყვარელი, ჩვენი სათაყვანებელი, ჩემი ხატია სამშობლო - ქრება! ან ამაზე ყველანი ვაწერთ ხელს, ან ვმოქმედებთ! მერე ნუ ვიტყვით რომ ეს ივანიშვილმა გააკეთა, თითოეულმა ჩვენგანმა გააკეთა უმოქმედობით, მაგრამ ჩვენ ვიმოქმედებთ..." - განაცხადა სააკაშვილმა და ქართველ ხალხს მობილიზაციისკენ მოუწოდა.

მისივე თქმით, საქართველოს არასდროს მიუღია იმდენი ნეგატიური გამოხმაურება, რამდენიც "ოცნების" ხელისუფლებაის მიერ ნიკა მელიას დაკავებას მოყვა. ექს პრეზიდენტი ამბობს, რომ ამ სიტუაციაში ოპოზიციას და ხალხს გამოსავლად ბრძოლა და შეტევა რჩება:

"ჩვენი ინიციატივა იყო უვიზო მიმოსვლა, როგორც ჩვენი პასუხი რუსეთის აგრესიაზე და სულ სხვანაირად წარმომედგინა მაშინ, რომ ქართველები წავიდოდნენ იქ ტურისტებად და ჩვენთან ჩამოვიდოდა ბევრი ტურისტი. ჩვენ ამ ყველაფერს ვკარგავთ და ვხდებით ბელარუსი, ბანძუსტანი უნდა რომ გახდეს საქართველო, ხიხოსტანი. ეს არ არის საქართველო, ეს არის ხიხოსტანი. გინდათ თქვენი შვილები იბადებოდნენ, იზრდებოდნენ და მერე გარბოდნენ ხიხოსტანიდან? გინდათ, როცა უცხოეთში წახვალთ, გითხრან - ჯორჯია, ხიხოსტანი? ჩამორჩენილი, მეათეხარისხოვანი, ბანძი, საზიზღრობა" - განაცხადა მიხეილ სააკაშვილმა "ტვ პირველის" ეთერში ჩართვისას.