31
მარტიდღის ზოგადი ასტროლოგიური პროგნოზი
არჩევნების შედეგების შესწავლის მიზნით შექმნილი პარლამენტის საგამოძიებო კომისია ოთხი დეპუტატის შემადგენლობით ჩამოყალიბდება. კომისიაში ორი წევრი ოპოზიციის წარმომადგენელი იქნება, ორი - უმრავლესობის დეპუტატი.
დროებით საგამოძიებო კომისიის წევრთა რაოდენობისა და კვოტების განსაზღვრაზე გადაწყვეტილება საპროცედურო საკითხთა და წესების კომიტეტმა უკვე მიიღო.
როგორც "ქართული ოცნების" დეპუტატმა გიორგი კახიანმა აღნიშნა, საგამოძიებო კომისიაში სულ მცირე რვა ადგილი უნდა ჰქონდეს ოპოზიციას, მაგრამ სამწუხაროდ, თავადვე აცხადებენ უარს კომისიის საქმიანობაში ჩართვაზე. საკითხის განხილვისას, "ქართული ოცნების" წევრებმა იმედი გამოთქვეს, რომ ოპოზიცია საგამოძიებო კომისიას შეუერთდება და შესაბამისად, კომისიის 4-კაციანი შემადგენლობა გაიზრდება. მათ ოპოზიციის წარმომადგენლებს საკუთარი ამომრჩევლისადმი პასუხისმგებლობის გამოჩენისკენ და კომისიის საქმიანობაში ჩართვისკენ მოუწოდეს.
როგორც ცნობილია, ოპოზიციის სტატუსით კომისიაში დეპუტატები ფრიდონ ინჯია და დავით ზილფიმიანი ერთვებიან.
საქართველოს პარლამენტში კი არა, სენატში, კონგრესში, ლორდთა პალატაში, სეიმში... დუმაშიც, რომ შევიდეს ღრმად პატივცემული ალ. ელისაშვილი, მაინც იყო, არის და დარჩება "დილეტანტ-პოპულისტად"...
ღრმად პატივცემული "დილეტანტ-პოპულისტი", საგამოძიებო კომისიასი შესვლასაც კი ვერ ბედავს... კარგად იცის, "ოცნების" მხრიდან არანაირი გაყალბება არ ყოფილა. "ნაც-ოპოზიციას" კი, ადვილი შესაძლებელია სხვა პარტიების, ძირითადად კი, "პატრიოტების" ხმები ჰქონდეს მითვისებული.