5
მაისიდღის ზოგადი ასტროლოგიური პროგნოზი
რუსეთის პრეზიდენტმა ვლადიმირ პუტინმა პირველად გაუკეთა კომენტარი ალექსი ნავალნის ფილმს, რომლშიც, ოპოზიციონერის მტკიცებით, ის უზარმაზარი სასახლე, რომელიც შავი ზღვის ნაპირზე, გელენჯიკთან ახლოს დგას, რუსეთის პრეზიდენტს ეკუთვნის. ვლადიმირ პუტინის თქმით, მართალია, მას ფილმისთვის არ უყურებია, მაგრამ თანაშემწეების მიერ შერჩეულ ვიდეომასალებს თვალი გადაავლო.
პრეზიდენტმა განაცხადა, რომ არცერთი ობიექტი, რომელიც ალექსი ნავალნის ფილმ-გამოძიებაში ფიგურირებს, არც მას და არც მისი ოჯახის წევრებს არ ეკუთვნით. "არაფერი იმათგან, რაც ფილმშია მითითებული, არც მე, არც ჩემს ახლო ნათესავებს არ ეკუთვნით და არც არასდროს ეკუთვნოდათ“, - თქვა პუტინმა სტუდენტთა წინაშე ვიდეოგამოსვლისას, "რუსეთის სტუდენტობის დღესთან“ დაკავშირებით. სასახლესთან დაკავშირებით პრეზიდენტს კითხვა დაუსვა უფის (ბაშკირეთი) ნავთობის სახელმწიფო ტექნიკური უნივერსიტეტის სტუდენტმა დანიელ ჩემეზოვმა.
რაც შეეხება თვით ფილმ-გამოძიებას, მას პრეზიდენტმა "კომპილაცია“ და "მონტაჟი“ უწოდა:
"ჰო, ჩემი ფოტოსურათი დაუდიათ, როცა ბატერფლაის სტილით ვცურავ. მაინცდამაინც დიდი მოცურავე არ ვარ, მაგრამ მიყვარს მაინც ზოგჯერ გავცურო, მაგრამ ამ სურათზე ისეთი აუზი ჩანს, სადაც არასდროს ვყოფილვარ. არ ვიცი, რა აუზია. საერთოდ კი, რა თქმა უნდა, ასეთი სტილით ვცურავ ხოლმე. სად და როდის? მაგალითად, 2016 წელს, მდინარე ენისეიში. მაგრამ ფილმში ნაჩვენები ფოტოსურათი კომპილაციურია, დამონტაჟებული. ერთ-ერთი ცნობილი პერსონაჟის ნათქვამს გავიმეორებ: "ეჰ, გოგოებო, ეს ყველაფერი უკვე მოსაწყენია... რაღაც უკეთესია მოსაფიქრებელი“, - თქვა პრეზიდენტმა.
ვლადიმირ პუტინმა დაამატა, რომ იგი იცნობს ვიდეომასალაში ნახსენებ რამდენიმე ადამიანს: "იმ ხალხისგან, რომლებსაც იქ ახსენებენ, მე ვიღაცეებს ვიცნობ, ზოგიერთები ჩემი ახლო მეგობრებია, ყოფილი კოლეგები, ზოგი - შორეული ნათესავი, სხვა - უბრალოდ, ნაცნობები. ფილმში არიან ისეთებიც, რომლებსაც საერთოდ არ ვიცნობ“.
პრეზიდენტმა აღნიშნა, რომ ფილმი მთლიანად არ უნახავს.
"მე ამ ფილმისთვის მთლიანად არ მიყურებია - იმიტომ, რომ მსგავსი ინფორმაციის შემცველი მასალის ბოლომდე საყურებლად, უბრალოდ, თავისუფალი დრო არ მაქვს, თუმცა ვიდეოკრებული ვნახე, რომელიც თანაშემწეებმა მომიტანეს... საერთოდ, ინფორმაცია ვითომდა ჩემი "სასახლეების“ შესახებ უკვე ათ წელზე მეტია მუსირებს. ასეა თუ ისე, ახლა კარგი დრო გამოძებნეს რაღაც მასალების შესაგროვებლად და ჩვენი მოქალაქეების ტვინის გამოსარეცხად. შესაბამისად, ინტერნეტში ფილმი და კიდევ რაღაც ვიდეოპროგრამები გაუშვეს“, - განმარტა ვლადიმირ პუტინმა.
- ალექსი ნავალნის "სრულიად რუსეთის აქცია“
შაბათს, 23 იანვარს, რუსეთის ათობით ქალაქში ალექსი ნავალნის მრავალათასიან მომხრეთა მონაწილეობით მიტინგები და დემონსტრაციები ჩატარდა. მათმა ზოგიერთმა მონაწილემ საპროტესტო აქციებზე ტუალეტის ის ატრიბუტებიც მიიტანა, რომელიც ფილმშია მოხსენიებული. მოსკოვში, სხვადასხვა მონაცემების თანახმად, აქციაში 40 ათასამდე ადამიანი მონაწილეობდა. ზოგიერთმა აქტივისტმა და საზოგადოების წარმომადგენელმა ამ გამოსვლებს "ყველაზე მასობრივი“ უწოდა რუსეთის ისტორიაში.
ვლადიმირ პუტინმა კომენტარი საპროტესტო აქციებსაც გაუკეთა. მისი თქმით, ყველა ადამიანს აქვს იმის უფლება, რომ თავისუფლად გამოხატოს საკუთარი თვალსაზრისი კანონის ფარგლებში: "იმავდროულად, ის ყველაფერი, რაც კანონის ჩარჩოებს სცილდება, არამარტო კონტრპროდუქტიულია, არამედ საფრთხის მომტანიც, შესაბამისად, პოლიციამაც კანონის მიხედვით უნდა იმოქმედოს“, - აღნიშნა მან.
პრეზიდენტმა დაამატა, რომ რუსეთში სიტუაცია არაერთხელ გამოსულა კანონის ჩარჩოებიდან, რასაც საზოგადოებაში და სახელმწიფოში რყევა მოჰყოლია. "ასეთი სიტუაციები ნეგატიურ გავლენას ახდენდა არამარტო მათზე, ვინც ქვეყანას და საზოგადოებას არყევდა, არამედ იმ ადამიანებზეც, რომლებიც ამ მოვლენებთან არანაირი კავშირი არ ჰქონდათ", - განაცხადა მან.
პუტინმა აშშ-ში კაპიტოლიის შტურმი გაიხსენა:
"აი, რა ქნეს ვაშინგტონში - პარლამენტში შეიჭრნენ და დაიკავეს. ნახეთ, რას უშვრებიან ამ ადამიანებს? როგორც ამერიკის გამოძიების ფედერალური ბიუროს ერთ-ერთმა ხელმძღვანელმა თქვა, "ჩვენ გრძელი ხელები გვაქვს - ყველას მივწვდებით, ყველას დავიჭერთ და ყველას ჩავსვამთ“, თანაც 15-დან 25 წლამდე, როგორც შიდა ტერორიზმისათვის. ისინიც პოლიტიკური ლოზუნგებით გამოვიდნენ, მაგრამ კანონის ჩარჩოებს მიღმა მოქმედებდნენ. მაშ, რატომ უნდა იყოს ჩვენთან ნებადართული ყველაფერი? არ იქნება“.
- სასახლე გელენჯიკში
ალექსი ნავალნის ფილმს "სასახლე პუტინისათვის“ გამოქვეყნების მომენტიდან - 19 იანვრიდან - "იუთუბზე" 86 მილიონი ნახვა აქვს. ფილმი ორსაათიანია და მოგვითხრობს შავი ზღვის პირას, ქალაქ გელენჯიკთან ახლოს მდებარე დიდებულ სასახლეზე, რომელიც, როგორც ალექსი ნავალნი ამტკიცებს, რუსეთის პრეზიდენტს ვლადიმირ პუტინს ეკუთვნის და მისი გარემოცვის მიერ ფინანდსება.
სასახლის კომპლექსის საერთო ფართობი 68 ჰექტარს შეადგენს, თვითონ სასახლისა კი - 17 691 კვადრატულ მეტრს. ტერიტორია, რომელზეც სასახლეა აშენებული, რუსეთის უშიშროების ფედერალურ სამსახურს ეკუთვნის და დახურულ ტერიტორიადაა გამოცხადებული. ალექსი ნავალნი სასახლეს "რუსეთის ყველაზე დიდ საცხოვრებელ სახლს“ უწოდებს. იქვეა განთავსებული დახურული "ყინულის სასახლეც“, ეკლესია, ორანჟერეა, 80-მეტრიანი ხიდი და ამფითეატრი. რადგანაც სასახლე ციცაბო ნაპირზეა აშენებული, შავი ზღვის პლაჟზე გასასვლელად გვირაბია გათხრილი, მის ბოლოში კი სადეგუსტაციო ოთახია განლაგებული ზღვის ხედის საყურებლად. აკრძალულია სასახლის ახლოს ზღვაში თევზაობა, აკრძალულია მის ზემოთ ცაში თვითმფრინავების ფრენაც. "ადგილობრივი უშიშროების სამსახური ყველას დაბიჯითებით თხოვს, რომ იდოკოპასის კონცხს, სადაც სასახლეა, არ მიუახლოვდნენ“, - აღნიშნულია ფილმში. წყარო
იხილეთ სტატია სასახლეზე (+ფოტოები)
მოამზადა სიმონ კილაძემ
დიდება დიდ წმინდა რუსეთს.გაიხარე ვლადიმერ ვლადიმიროვიჩ.პირველი ხარ მაგარიც და მართალიც...ვლადიმერ სპასიტელ.
saakashvilidan uswavlia tkuilebi navalins,stajireba albat mishastan gaiara.rashi gvainteresebs ra aqvs putins.dutam ramdeni nihieri bavshvebi agmoahina amaze weret gautavebliv.aravis ar mowkindeba.