მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
",,ოცნების" რიგითი ჯარისკაცები თუ დაიჯერებენ, რომ ივანიშვილი მართლა წავიდა და თავზე მოასვეს კობახიძე, ეს სერიოზული შიდაპარტიული დაძაბულობის საფუძველი გახდება" - ხუხაშვილი
22:24 / 11-01-2021
ექსპერტ გია ხუხაშვილის განცხადებით, „ქართული ოცნების“ თავმჯდომარედ ირაკლი კობახიძის წარდგენა ეჭვს ბადებს, რომ ბიძინა ივანიშვილი პოლიტიკიდან წასვლას რეალურად არ აპირებს.
როგორც ხუხაშვილმა ტელეკომპანია „პალიტრანიუსის“ გადაცემა „360 გრადუსში“ განაცხადა, ბიძინა ივანიშვილი მართვის მოდელიდან კონტროლის მოდელზე გადადის.
ამასთან, ექსპერეტის შეფასებით, მმართველი პარტიის თავმჯდომარის პოსტზე გიორგი გახარიას ან კახა კალაძის კანდიდატურები უფრო საინტერესო იქნებოდა, თუმცა „ივანიშვილს პარტიაში რეალური ფიგურების წინ წამოწევა არ სურს“.
„კობახიძის პარტიის თავმჯდომარედ წარმოდგენა ეჭვებს ბადებს, რომ მთლად ისე არაა საქმე, რომ ბიძინა ივანიშვილი საერთოდ აპირებს წასვლას და პოლიტიკისკენ არ გამოიხედავს. პარტია არის ელექტორატზე დაფუძნებული სისტემა, შესაბამისად პარტიის ლიდერი უნდა იყოს ელექტორალური მიზიდულობის ცენტრი. ირაკლი კობახიძე ყველაზე ნაკლები მიზიდულობის ცენტრია. მისი ნეგატიური რეიტინგი ბევრად უფრო მაღალია, ვიდრე პოზიტიური. შესაბამისად, პარტიული პოლიტიკის ლოგიკით, თავმჯდომარის პოსტზე ბევრად უფრო საინტერესო კანდიდატი იქნებოდა კახა კალაძე ან გიორგი გახარია. ბიძინა ივანიშვილმა ეს არ გააკეთა. ისმის კითხვა - რატომ? იმიტომ ხომ არა, რომ მას კიდევ უნდა ირიბი კონტროლის შენარჩუნება? მას არ უნდა რეალური ფიგურების წინ წამოწევა პარტიაში იმიტომ, რომ საკუთარი პოლიტიკური წონის ფიგურებმა, შესაძლოა, მის გეგმას სამომავლოდ საფრთხე შეუქმნას. რასაც, ბუნებრივია, კობახიძე ვერ გააკეთებს იმიტომ, რომ კობახიძეს ძვლიანად შეჭამენ. დღეს პარტიაში აქტივი, რომელიც ძირითადად მოქმედებდა, მუშაობდა, ანუ „ქართული ოცნების“ რიგითი ჯარისკაცები ვერ იტანენ ირაკლი კობახიძეს, მეტად, ვიდრე ოპოზიცია. ეს აქტივი ახლა ჩუმადაა და რატომ? იმიტომ, რომ მათ არ სჯერათ, რომ ივანიშვილი სინამდვილეში მიდის. ფიქრობენ, რომ ეს არის მორიგი „ტრიუკი“ და ამიტომ არიან წყნარად. თუ დაიჯერებენ, რომ ივანიშვილი მართლა წავიდა და მათ თავზე მოასვეს კობახიძე, ეს სერიოზული შიდაპარტიული დაძაბულობის საფუძველი გახდება. ვინ იქნება ამ შემთხვევაში საქმის გამრკვევი? ისევ ბიძინა ივანიშვილი. კობახიძე 100%-ით დამოკიდებულია ივანიშვილზე და ასე იქნება სამიდღემჩიოდ იმიტომ, რომ მას საკუთარი პოლიტიკური კაპიტალი არ აქვს, განსხვავებით კალაძისგან და გახარიასგან“,- განაცხადა ხუხაშვილმა.
ცნობისთვის, „ქართული ოცნების“ უკვე ყოფილმა თავმჯდომარემ ბიძინა ივანიშვილმა თანამდებობის დატოვებისა და პოლიტიკიდან წასვლის შესახებ სოციალურ ქსელში განცხადება გაავრცელა. ამასთან, შეგახსენებთ, რომ დღესვე პარტიამ თავმჯდომარეობის ახალ კანდიდატად ირაკლი კობახიძე წარადგინა.
00:00 / 00:00
მკითხველის კომენტარები /
25 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საწყალი ოცნებისტები, როგორ დასცინის მათი ბელადი. იმასაც კი ვერ მიხვდნენ, რომ ბიძინას საკუთარი თავის და ძალაუფლების გარდა არავინ არ უყვარს. როგორ უნდა გძულდეს საკუთარი ერი კობახიძეს, რესან კონცელიძეს, მურუსიძეს და ჩინჩალაძეს დაუტოვებ საჯიჯგნად. მიშას სიძულვილს, პირად ინტერესებს და გაუნათლებლობას ქვეყანა გადააყოლეთ ოცნების ამომრჩეველო!!!!!! იყავით და უსმინეთ ეხლა ელისო ბოლქვაძე როგორ დაგიკრავთ როიალზე, იმის მაგივრად, რომ ეკონომიკური კრიზისიდან ქვეყანა გამოიყვანონ.
ძლიერია ირაკლი. აშკარაა! ხუხას უტყდება, რომ თითონ მხოლოდ ტუხიაშვილის კლოუნია, ხოლო ივანიშვილმა ირაკლი კობახიძეს მთელი იმპერია გადააბარა! ბოღმაა, რა ქნას?!