პარტნიორები:

ავტორი:

"5G - ით გავრცელებული" კორონავირუსი, მეუფე Iphone 12 - ით, პირბადე ცხვირსახოცად და ა.შ. - 7 ამბავი, რომელსაც "ფეისბუქზე" 2020 წელს ყველაზე დიდი გამოხმაურება მოჰყვა

11:02 / 28-12-2020

2020 წელი დასასრულს მიუახლოვდა და AMBEBI.GE ტრადიციულად, წლის ყველაზე რეიტინგულ ამბებს აჯამებს. გავიხსენოთ 7 აქტუალური თემა, რომელსაც გასულ წელს სოციალურ ქსელებში ყველაზე მეტად განიხილავდნენ.

Covid 19-ის თემაზე შექმნილი კლიპი

საკვირველი არავისთვისაა, რომ ახალმა კორონავირუსმა და პანდემიამ მსოფლიოში და მათ შორის, საქართველოში ადამიანთა ცხოვრების თითქმის ყველა სფერო მოიცვა და ყველაზე განხილვადი თემების სათავეში მოექცა. გამონაკლისი არ აღმოჩნდა სოციალური ქსელები, სადაც ყოველთვის აქტიურად განიხილავენ მნიშვნელოვან საზოგადოებივ ამბებს. თუმცა ქართველი „ფეისბუქ-მომხმარებლებისთვის“ პანდემიასთან დაკავშირებული პირველი ყველაზე განხილვადი თემა მომღერალ სოფო ბედიას ავტორობით შექმნილი სკანდალური კლიპი აღმოჩნდა.

კლიპი, რომელიც როგორც მისი შემქმნელები აღნიშნავდნენ, ახალი ვირუსის გავრცელების გამო შინ გამოკეტილი და დათრგუნული მოსახლეობის გასამხნევებლად შეიქმნა, კრიტიკის ქარცეცხლში მოექცა. ადამიანთა უმრავლესობამ კლიპს პოლიტიკური სარჩული დაუდო.

"გათენდება, ოცნების მზე ანათებს, დაღამდება, იმედით დავუცდით დღეს", - ასე იწყება სიმღერა, რომელიც კრიტიკოსების ნაწილმა "ქართული ოცნების" წინასაარჩევნო კლიპადაც კი "მონათლა".

„უხარისხობის ნიშანი, ბეჭედი ქოცობისაი“, - ასე დაახასიათა კლიპი „რესპუბლიკელმა“ ლევან ბერძენიშვილმა.

კლიპს აკრიტიკებდნენ არა მხოლოდ პოლიტიკური ელფერის, არამედ მასში მონაწილე საზოგადოებისთვის დავიწყებული ან საერთოდ უცნობი შემსრულებლების გამო, ასევე კადრების გამო, რომელმაც ბევრს მდარე ხარისხის რუსული კლიპები გაახსენა.

"თურმე ხალხმა ვერ მიცნო... მათრიეს არაფრის გამო" - როგორ ეხმაურებიან კორონავირუსზე შექმნილი სიმღერის კრიტიკას სოფო ბედია და კაკი ბოლქვაძე

საზოგადოების რეაქციით განაწყენებულ ავტორებსა და შემსრულებლებს თავის მართლება ასევე არაერთი ფეისბუქ-პოსტითა და ინტერვიუებით მოუხდათ.

"ჩემო მეგობრებო, პირველ რიგში მინდა გითხრათ, რომ ეს სიმღერა იყო გამამხნევებელი, კეთილი და თბილი მესიჯი ჩვენი საზოგადოების მიმართ! ჩემი იდეა იყო, რომ ამ თემაზე შექმნილიყო სიმღერა და ხალხი დადებითად განგვეწყო! კატეგორიულად ვამბობ, რომ ეს არ არის პოლიტიკური კლიპი! ძალიან გთხოვთ, ნუ აკერებთ პოლიტიკურ სარჩულს! აქ არაფერ შუაშია არც ერთი პარტია. მინდოდა კეთილი სურვილები გაგვეშვა ჩვენი ხალხისთვის ამ ძნელბედობის ჟამს და გამოიყენეს ბოროტად ეს ყველაფერი ზოგზოგიერთებმა და პოლიტიკური სარჩული დაუდეს! კატეგორიულად უარვყოფ სიმღერისა და კლიპის პოლიტიკასთან კავშირს!", - წერდა სოფო ბედია.

კლიპს გამოუჩნდა ასევე არაერთი შარჟი, სადაც საზოგადოების რიგითი წარმომადგენლები ვიდეორგოლის მონაწილე მომღერლების პაროდიას აკეთებდნენ. კლიპს განიხილავდნენ არამარტო სოცქსელებში, არამედ სატელევიზიო გადაცემებსა და ინტერნეტმედიაში.

5G ინტერნეტი, Starlink-ის თანამგზავრები და შეთქმულების თეორიები

ნაწილობრივ ახალ კორონავირუსსა და პანდემიას უკავშირდება ასევე მეორე აქტუალური თემა, რომელიც 2020 წელს არა მხოლოდ საქართველოში, არამედ მსოფლიოშიც სოციალური ქსელების ერთ-ერთი ყველაზე განხილვადი თემა აღმოჩნდა. საუბარია, 5G ინტერნეტსა და Starlink-ის თანამგზავრებზე და მათთან დაკავშირებულ შეთქმულების თეორიებზე.

ტექნოლოგიურ სიახლეებს კრიტიკითა და შიშით ადამიანები სხვადასხვა საუკუნეშიც ხვდებოდნენ, თუმცა ახალი ვირუსული ინფექციით შეშინებულ ადამიანებზე თემასთან დაკავშირებით გავრცელებულმა „ფეიკ-ნიუსებმა“ განსაკუთრებული გავლენა იქონია.

კომუნიკაციების კომისიის ინფორმაციით, საქართველოში ახალი თაობის ინტერნეტტექნოლოგიის დასანერგად მუშაობა უკვე დიდი ხანია მიმდინარეობს. თემასთან დაკავშირებით "ფეისბუქში" შექმნილია უამრავი ჯგუფი, სადაც 5G ტექნოლოგიის დანერგვის მოწინააღმდეგეები სხვადსხვა სახის შეთქმულების თეორიებს დღემდე განიხილავენ. თეორიების ავტორები მიიჩნევენ, რომ 5G ტექნოლოგია, რომელიც მობილურ ტელეფონებში გამოიყენება და მუშაობს რადიოტალღების სიგნალების საშუალებით, როგორღაც პასუხისმგებელია კორონავირუსის გაჩენაზე და მის გავრცელებაზე. ერთი თეორიის მიხედვით, 5G ასუსტებს ადამიანის იმუნურ სისტემას და შედეგად, უფრო მგრძნობიარე ხდება ვირუსების მიმართ და უფრო მარტივად ინფიცირდება. მეორე თეორიის მიხედვით კი, ვირუსი ადამიანიდან ადამიანზე როგორღაც სწორედ 5G ტექნოლოგიის საშუალებით გადადის.

თემას სიმძაფრე შესძინა ასევე მსოფლიო საჰაერო სივრცეში ილონ მასკის კუთვნილი კომპანია Space X-ის თანამგზავრების გამოჩენამ, რაც მასკის იდეის - მსოფლიო ინტერნეტის შექმნის ნაწილი აღმოჩნდა. მასკის მიზანია თანამგზავრების საშუალებით ინტერნეტთან წვდომის საშუალება დედამიწის ნებისმიერ წერტილში მცხოვრებ ადამიანს ჰქონდეს, თუმცა შეთქმულების თეორიების მოყვარულებმა, თანამგზავრებს პანდემიის გავრცელება დაუკავშირეს.

ბრალმდებელთა შორის აღმოჩნდა ცნობილი ასტროლოგი მიხეილ ცაგარელი, რომლის სკანდალურ გადაცემას ვაქცინაციისა და „ჩიპიზაციას“ შორის კავშირზე, სოციალურ ქსელებში დიდი გამოხმაურება მოჰყვა.

თემით ვრცლად დაინტერესებულებს აქვე ვთავაზობთ ჩვენს სტატიებს, სადაც სპეციალისტები დეტალურად განმარტავენ რამდენად რეალურია ან უსაფუძვლოა საფრთხეები და კრიტიკულად განწყობილი ადამიანთა ვარაუდები.

ნინო ბურჯანაძე და პირბადე

ნოემბრის დასაწყისში სოციალურ ქსელებში ვირუსულად გავრცელდა ოპოზიციის აქციაზე გადაღებული ვიდეო, რომელშიც ჩანს, თუ როგორ იწმენდს ცხვირს პირბადით "ერთიანი საქართველოს" ლიდერი, ნინო ბურჯანაძე. თუმცა ვიდეო რეზონანსული აღმოჩნდა არა მხოლოდ საქართველოში არამედ მის ფარგლებს გარეთაც. აღნიშნული ვიდეო "ინსტაგრამის" პირად გვერდზე გამოაქვეყნა მსოფლიოში ცნობილმა მსახიობმა, კომიკოსმა კენ ჯონგმა წარწერით: "გთხოვთ, ატარეთ პირბადე და დაიცავით სოციალური დისტანცია, ეს არც ისე რთულია."

<blockquote class="instagram-media" data-instgrm-captioned data-instgrm-permalink="https://www.instagram.com/p/CHGPsyYh4nw/?utm_source=ig_embed&amp;utm_campaign=loading" data-instgrm-version="13" style=" background:#FFF; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% - 2px); width:calc(100% - 2px);"><div style="padding:16px;"> <a href="https://www.instagram.com/p/CHGPsyYh4nw/?utm_source=ig_embed&amp;utm_campaign=loading" style=" background:#FFFFFF; line-height:0; padding:0 0; text-align:center; text-decoration:none; width:100%;" target="_blank"> <div style=" display: flex; flex-direction: row; align-items: center;"> <div style="background-color: #F4F4F4; border-radius: 50%; flex-grow: 0; height: 40px; margin-right: 14px; width: 40px;"></div> <div style="display: flex; flex-direction: column; flex-grow: 1; justify-content: center;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 100px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 60px;"></div></div></div><div style="padding: 19% 0;"></div> <div style="display:block; height:50px; margin:0 auto 12px; width:50px;"><svg width="50px" height="50px" viewBox="0 0 60 60" version="1.1" xmlns="https://www.w3.org/2000/svg" xmlns:xlink="https://www.w3.org/1999/xlink"><g stroke="none" stroke-width="1" fill="none" fill-rule="evenodd"><g transform="translate(-511.000000, -20.000000)" fill="#000000"><g><path d="M556.869,30.41 C554.814,30.41 553.148,32.076 553.148,34.131 C553.148,36.186 554.814,37.852 556.869,37.852 C558.924,37.852 560.59,36.186 560.59,34.131 C560.59,32.076 558.924,30.41 556.869,30.41 M541,60.657 C535.114,60.657 530.342,55.887 530.342,50 C530.342,44.114 535.114,39.342 541,39.342 C546.887,39.342 551.658,44.114 551.658,50 C551.658,55.887 546.887,60.657 541,60.657 M541,33.886 C532.1,33.886 524.886,41.1 524.886,50 C524.886,58.899 532.1,66.113 541,66.113 C549.9,66.113 557.115,58.899 557.115,50 C557.115,41.1 549.9,33.886 541,33.886 M565.378,62.101 C565.244,65.022 564.756,66.606 564.346,67.663 C563.803,69.06 563.154,70.057 562.106,71.106 C561.058,72.155 560.06,72.803 558.662,73.347 C557.607,73.757 556.021,74.244 553.102,74.378 C549.944,74.521 548.997,74.552 541,74.552 C533.003,74.552 532.056,74.521 528.898,74.378 C525.979,74.244 524.393,73.757 523.338,73.347 C521.94,72.803 520.942,72.155 519.894,71.106 C518.846,70.057 518.197,69.06 517.654,67.663 C517.244,66.606 516.755,65.022 516.623,62.101 C516.479,58.943 516.448,57.996 516.448,50 C516.448,42.003 516.479,41.056 516.623,37.899 C516.755,34.978 517.244,33.391 517.654,32.338 C518.197,30.938 518.846,29.942 519.894,28.894 C520.942,27.846 521.94,27.196 523.338,26.654 C524.393,26.244 525.979,25.756 528.898,25.623 C532.057,25.479 533.004,25.448 541,25.448 C548.997,25.448 549.943,25.479 553.102,25.623 C556.021,25.756 557.607,26.244 558.662,26.654 C560.06,27.196 561.058,27.846 562.106,28.894 C563.154,29.942 563.803,30.938 564.346,32.338 C564.756,33.391 565.244,34.978 565.378,37.899 C565.522,41.056 565.552,42.003 565.552,50 C565.552,57.996 565.522,58.943 565.378,62.101 M570.82,37.631 C570.674,34.438 570.167,32.258 569.425,30.349 C568.659,28.377 567.633,26.702 565.965,25.035 C564.297,23.368 562.623,22.342 560.652,21.575 C558.743,20.834 556.562,20.326 553.369,20.18 C550.169,20.033 549.148,20 541,20 C532.853,20 531.831,20.033 528.631,20.18 C525.438,20.326 523.257,20.834 521.349,21.575 C519.376,22.342 517.703,23.368 516.035,25.035 C514.368,26.702 513.342,28.377 512.574,30.349 C511.834,32.258 511.326,34.438 511.181,37.631 C511.035,40.831 511,41.851 511,50 C511,58.147 511.035,59.17 511.181,62.369 C511.326,65.562 511.834,67.743 512.574,69.651 C513.342,71.625 514.368,73.296 516.035,74.965 C517.703,76.634 519.376,77.658 521.349,78.425 C523.257,79.167 525.438,79.673 528.631,79.82 C531.831,79.965 532.853,80.001 541,80.001 C549.148,80.001 550.169,79.965 553.369,79.82 C556.562,79.673 558.743,79.167 560.652,78.425 C562.623,77.658 564.297,76.634 565.965,74.965 C567.633,73.296 568.659,71.625 569.425,69.651 C570.167,67.743 570.674,65.562 570.82,62.369 C570.966,59.17 571,58.147 571,50 C571,41.851 570.966,40.831 570.82,37.631"></path></g></g></g></svg></div><div style="padding-top: 8px;"> <div style=" color:#3897f0; font-family:Arial,sans-serif; font-size:14px; font-style:normal; font-weight:550; line-height:18px;"> View this post on Instagram</div></div><div style="padding: 12.5% 0;"></div> <div style="display: flex; flex-direction: row; margin-bottom: 14px; align-items: center;"><div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(0px) translateY(7px);"></div> <div style="background-color: #F4F4F4; height: 12.5px; transform: rotate(-45deg) translateX(3px) translateY(1px); width: 12.5px; flex-grow: 0; margin-right: 14px; margin-left: 2px;"></div> <div style="background-color: #F4F4F4; border-radius: 50%; height: 12.5px; width: 12.5px; transform: translateX(9px) translateY(-18px);"></div></div><div style="margin-left: 8px;"> <div style=" background-color: #F4F4F4; border-radius: 50%; flex-grow: 0; height: 20px; width: 20px;"></div> <div style=" width: 0; height: 0; border-top: 2px solid transparent; border-left: 6px solid #f4f4f4; border-bottom: 2px solid transparent; transform: translateX(16px) translateY(-4px) rotate(30deg)"></div></div><div style="margin-left: auto;"> <div style=" width: 0px; border-top: 8px solid #F4F4F4; border-right: 8px solid transparent; transform: translateY(16px);"></div> <div style=" background-color: #F4F4F4; flex-grow: 0; height: 12px; width: 16px; transform: translateY(-4px);"></div> <div style=" width: 0; height: 0; border-top: 8px solid #F4F4F4; border-left: 8px solid transparent; transform: translateY(-4px) translateX(8px);"></div></div></div> <div style="display: flex; flex-direction: column; flex-grow: 1; justify-content: center; margin-bottom: 24px;"> <div style=" background-color: #F4F4F4; border-radius: 4px; flex-grow: 0; height: 14px; margin-bottom: 6px; width: 224px;"></div> <div style=" background-color: #F4F4F4; border-radius: 4px; flex-grow: 0; height: 14px; width: 144px;"></div></div></a><p style=" color:#c9c8cd; font-family:Arial,sans-serif; font-size:14px; line-height:17px; margin-bottom:0; margin-top:8px; overflow:hidden; padding:8px 0 7px; text-align:center; text-overflow:ellipsis; white-space:nowrap;"><a href="https://www.instagram.com/p/CHGPsyYh4nw/?utm_source=ig_embed&amp;utm_campaign=loading" style=" color:#c9c8cd; font-family:Arial,sans-serif; font-size:14px; font-style:normal; font-weight:normal; line-height:17px; text-decoration:none;" target="_blank">A post shared by Ken Jeong (@kenjeong)</a></p></div></blockquote> <script async src="//www.instagram.com/embed.js"></script>

კომიკოსს "ინსტაგრამზე" 1,2 მილიონი გამომწერი ჰყავს, ხოლო ნინო ბურჯანაძის ვიდეოს, გამოქვეყნებიდან ნახევარ საათში 200 ათასზე მეტი ნახვა და ასობით კომენტარი ჰქონდა.

ეს რა ჯანდაბაა?

ის ჯერ პირბადით ცხვირს იწმენდს და შემდეგ ამდენ ხალხში ახველებს.

ეს პირბადეა და არა ცხვირსახოცი.

უკვე ვხედავ ახალ ინფიცირებულებს

რა კოშმარია, უბრალოდ გაციებულიც თუ ხარ, დარჩი სახლში

ჯანდაბა, ამ ქალმა ეს ესაა 50 ადამიანი დააინფიცირა

კორონავირუსიც რომ არ არსებობდეს, მან ჩვევები უნდა ისწავლოს

ახლა ალბათ წავა და ვიღაცებს ხელს ჩამოართმევს - წერდნენ კომენტარებში.

ზოგიერთს ვიდეო ამერიკაში გადაღებული ეგონა, თუმცა "ინსტაგრამის" ქართველმა მომხმარებლებმა ასეთებს მალევე შეატყობინეს, რომ ის არა ამერიკაში, არამედ საქართველოში იყო გადაღებული. ასეთი კომენტარების ავტორებს კი ზოგიერთი ქართველი შემდეგი ტექსტით გაუნაწყენდა - "რატომ დაუწერე, გეგონება, ძალიან საამაყო ვიდეოა."

ნიკოლოზ ბასილაშვილის საქმე

2020 წლის რეზონანსულ „Faceამბებს“ შორის მოხვდა ასევე ჩოგბურთელ ნიკოლოზ ბასილაშვილის საქმე, რომელიც მაისში ყოფილ ცოლზე ფიზიკური ძალადობის ბრალდებით დააკავეს. თემა იმდენად ხმაურიანი აღმოჩნდა, რომ პანდემიის დროს კორონავირუსის შესახებ სიახლეებიც კი გადაფარა. სიახლეს გამოხმაურება მოჰყვა უცხოურ მედიაშიც.

გამოძიებით დადგინდა, რომ 2020 წლის 21 მაისს, თბილისში, ავჭალის დასახლებაში, ნიკოლოზ ბასილაშვილმა ურთიერთშელაპარაკების ნიადაგზე, ყოფილი მეუღლის ნ.დ.-ს მიმართ ფიზიკური ძალადობა განახორციელა. სამართალდამცველებმა ნიკოლოზ ბასილაშვილი 2020 წლის 22 მაისს დააკავეს. სისხლის სამართლის საქმეზე გამოძიება დღემდე გრძელდება. სასამართლომ ბასილაშვილის აღკვეთის ღონისძიების საკითხზე იმსჯელა და ის 100 000-ლარიანი გირაოს სანაცვლოდ გაათავისუფლეს. 20 ივლისს კი ამერიკის ღია ჩემპიონატზეც გაემგზავრა.

ამბავი, რომელიც ბრწყინვალე და საამაყო კარიერის სპორტსმენისთვის, დიდი დარტყმა იყო, გულთან ახლოს მიიტანა მისმა ათასობით ქართველმა გულშემატკივარმა. თემასთან დაკავშირებით სოციალურ ქსელებში უამრავი კომენტარი და შეფასება იწერებოდა. სპორტსმენს არაერთმა ცნობილმა ადამიანმა მხრდაჭერა გამოუცხადა. სკანდალის შემდეგ, ჩვეულ რიტმში განაგრძეს ცხოვრება თავად სპორტსმენმა და მისმა ყოფილმა მოდელმა ცოლმა. ორივე მათგანს დღეს ახალი პარტნიორი ჰყავს.

იხილეთ საქმის ყველა დეტალი ვრცლად: ბმულზე

ბადრი ესებუა

ბადრი ესებუა, რომელსაც ბრალი ედება ზუგდიდში, "საქართველოს ბანკის“ ფილიალზე თავდასხმაში, წლის ყველაზე ცნობილი კრიმინალია. შეიარაღებული თავდამსხმელი, რომელსაც, ცეცხლსასროლი იარაღის გარდა, ხელში ხელყუმბარა ეკავა, 21 ოქტომბერს, დაახლოებით, 14:00 საათისთვის ბანკში შეიჭრა და 43 ადამიანი მძევლად აიყვანა. მძევლების ეტაპობრივად გათავისუფლების შემდეგ, შეიარაღებულმა ნიღბიანმა პირმა, რომელიც 500 ათას დოლარს და უსაფრთხოდ გადაადგილებას მოითხოვდა, ბანკის შენობა სამ მძევალთან ერთად დატოვა. ისინი ზუგდიდიდან ავტომანქანით გვიან ღამით გაემგზავრნენ, გამთენიისას კი შინაგან საქმეთა სამინისტრომ გამოაქვეყნა ოფიციალური განცხადება, რომ ყველა მძევალი გათავისუფლებულია, მათ სიცოცხლესა და ჯანმრთელობას საფრთხე არ ემუქრებოდა. ბადრი ესებუას დასაკავებლად ოპერატიულ-საგამოძიებო და სამძებრო ღონისძიებები ამ დრომდე მიმდინარეობს. ცოტა ხნის წინ სამართალდამცველებმა ბადრი ესებუას ძმა, ბიძინა ესებუა დააკავეს, რომელსაც კრიმინალ ძმასთან კონტაქტში ადანაშაულებენ.

საქმის დეტალებს უფრო ვრცლად Ambebi.ge წლის კრიმინალური ამბების შეჯამებისას შემოგთავაზებთ. ამ სიაში კი ბადრი ესებუა იმის გამო მოხვდა, რომ ამბავი პირველივე წუთებიდან მასმედიისა და სოცმედიის პირდაპირი ეთერებით გადაიცემოდა და როგორც უნიკალური მოვლენა უახლესი საქართველოს ისტორიაში, სოციალური ქსელების მომხარებელთა აქტიური განხილვის თემად იქცა. ესებუას მიერ აყვანილი ერთ-ერთი მძევალი, ირაკლი კვარაცხელია, რომელიც ერთ-ერთ ტელევიზიას პირდაპირ ეთერში ჩაერთო, მოგვიანებით "ნაციონალური მოძრაობის" ცნობილი აქტივისტი და გიგი უგულავას მერობის დროს მერიის თანამშრომელი აღმოჩნდა. ეს ფაქტი დაადასტურა თავად გიგი უგულავამაც, რომლის განცხადებაც - მძევლების ჩანაცვლების თაობაზე, ასევე სოცქსელების აქტიური განხილვის თემად იქცა.

თავდასხმა, მისი ორიგინალური სცენარის გარდა, საინტერესო თავად თავდამსხმელის პიროვნების გამო გახდა - უვნებლად გადარჩენილი მძევლები მოგვიანებით ყვებოდნენ, რომ შეიარაღებული პიროვნება მათ მიმართ აგრესიას არ ავლენდა და პირპიქით დადებითადაც ექცეოდა. მიუხედავად საზოგადოების ნაწილის მწვავე კრიტიკისა, იყვნენ ისეთებიც, რომლებიც თავდამსხმელმა ხუმრობის განწობაზე დააწყენა, სოც ქსელებში ესებუას "სასურველ სასიძოდაც" კი რაცხავდნენ.

ნახეთ საქმის ყველა დეტალი: ბმულზე

მეუფე ნიკოლოზი და Iphone 12

სასულიერო პირები და ფუფუნების საგნები - ეს ის თემაა, რომელიც აქტუალობას უკვე მრავალი წელია არ კარგავს. ძვირად ღირებული ავტომობილებისა და თუ სხვა ქონების ფლობის გამო მღვდლებს ხშირად აკრიტიკებენ ხოლმე. აღნიშნული თემა ხშირად ხდება სოციალურ ქსელებში საზოგადოების სხვადასხვა ჯგუფებს შორის დაპირისპირების მიზეზი. ყველა მხარეს საკუთარი არგუმენტები აქვს... გამონაკლისი ამ მხრივ არც 2020 ყოფილა. "ფეისბუქში" ვირუსულად ვრცელდებოდა სხვადსხვა ტელეეთერში მეუფე ნიკოლოზის მიერ გაკეთებული განცხადებები, სადაც მოძღვარი პასუხობდა ბრალდებებს იმის შესახებ, რომ "ბოლო მოდელის აიფონი" აქვს.

"მყავს ერთი-ერთი საუკეთესო მანქანა, "ლენდ კრუიზერი 105", იცით როგორი გაცვეთილია უკვე? იმიტომ რომ ბევრს დავდივარ" - მეუფე ნიკოლოზი

"კამერა ეს არის იარაღი ადამიანის ხელში, მეც მაქვს კამერა და ბრალი დამდეს, რომ ბოლო მოდელის ტელეფონი მაქვს და ეს იმიტომ მაქვს, რომ გადიდების ფუნქცია აქვს, ლინზა არ სჭირდება, ადრე ლინზით ვიღებდი. შემიძლია ახლა გადაგიღოთ და ხმაც ჩაიწერება, თორემ სხვა ტელეფონით შორს უნდა წავიდე, რომ მთლიანად გამოჩნდეთ. ბოლო მოდელი არ არის, ბოლო მოდელი გამოვიდა iPhone12, ეს არის iPhone 11 pro. ამიტომ მაქვს ეს ტელეფონი, მჭირდება როგორც იარაღი მე", - განაცხადა მეუფემ ერთ-ერთ სატელევიზიო გადაცემაში სტუმრობისას.

მეუფის განცხადება იმდენად პოპულარული აღმოჩნდა, რომ ტექნიკის ერთ-ერთმა მაღაზიამ ფაქტის კომერციული მიზნებით გამოყენება გადაწყვიტა და მოძღვარს მართლაც ბოლო მოდელის "აიფონი" - iPhone 12 pro აჩუქა.

ნიკა მელიას ძვირად ღირებული ქურთუკი

წლის მიწურულს აქციაზე "ბარბერის" ქურთუკით მისული ოპოზიციის ერთ-ერთი ლიდერი, ნიკა მელია სოცქსელების ვარსკვლავად იქცა. ნოემბერში მაიკ პომპეოს საქართველოში ვიზიტისა და ოფიციალური შეხვედრების პარალელურად, ოპოზიციის "მდუმარე აქცია" გაიმართა. ოპოზიციის წარმომადგენლებმა და მათმა მხარდამჭერებმა ცოცხალი ჯაჭვი გააკეთეს და არჩევნების გაყალბება გააპროტესტეს. გარდა აქციის მთავარი მესიჯებისა, საზოგადოების ყურადღება "ნაცმოძრაობის" ერთ-ერთი ლიდერის, ნიკა მელიას "ბარბერის" ქურთუკმა მიიპყრო და სოციალურ ქსელებში განხილვის საგნად იქცა. ადამიანები ქურთუკის ფასითაც კი დაინტერესდნენ და ის მართლაც ძვირად ღირებული აღმოჩნდა. "ბარბერის" ოფიციალურ საიტზე, აღნიშნული ქურთუკი შეზღუდული რაოდენობითაა და მისი ფასი 1100 ევროა.

"ფეისბუქში" გამოქვეყნებულ მრავალ პოსტს მოგვიანებით ნიკა მელიამ ასევე სოციალურ ქსელში უპასუხა და ფოტოც გამოაქვეყნა, სადაც მაისურში, ქურთუკის გარეშე იყო აღბეჭდილი. "შტაბი დამიწვეს, ქურთუკი გამხადეს..." - დაწერა ნიკა მელიამ.

ტეგები თემაზე:

2020 წლის Faceამბები