მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
შაბათი, მთვარის ოცდამესამე დღე დაიწყება 04:51-ზე, მთვარე მშვილდოსანშია
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ ხორციან კერძებს. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ცოტა მაწვალა... მაგრამ, დღეს უკვე ერთად ვართ" - ჯეიჰუნ მუჰამედალი დაქორწინდა, ვინ არის მისი რჩეული?
14:24 / 07-12-2020
პანდემიამ ადამიანების ცხოვრებაში ბევრი რამ შეცვალა, მათ შორის დაოჯახების საკითხებშიც. შექმნილი მდგომარეობისა და შესაბამისი რეგულაციების გამო, წყვილები ქორწილს ვეღარ იხდიან... არადა, "მთავარი არხის" ჟურნალისტს ჯეიჰუნ მუჰამედალისაც ამ პერიოდისთვის ჰქონდა ქორწილი დაგეგმილი, მაგრამ მან და მისმა რჩეულმა, ლეკუნა (ლამარა) ჯაფოშვილმა ფორმალურად ქორწილი გაზაფხულისთვის გადადეს და გასულ კვირას იუსტიციის სახლში ქორწინება ოფიციალურად გააფორმეს.
როგორც ჯეიჰუნი ambebi.ge-ს უყვება, მათი სიყვარულის ამბავი წელიწადზე ცოტა მეტი ხნის წინ დაიწყო.
"ყველაფერი ძალიან საინტერესოდ დაიწყო. შეიძლება ითქვას, ჩვენს შორის კომუნიკაცია გაჩნდა თუ არა, იმავე დღიდან ვუთხარი, რომ მომწონდა და ავუხსენი, რომ მას მხოლოდ როგორც მეგობარს ისე არ ვუყურებდი. ცოტა გაუკვირდა, მერე ცოტაც მაწვალა... მაგრამ, დღეს უკვე ერთად ვართ. მართლა კარგი გოგოა, უზომოდ მიყვარს," - გვიყვება ჯეიჰუნი.
მისი მეუღლე ჟესტების ენის სპეციალისტია, ამავე დროს, "ილიაუნის" მაგისტრანტი. გარდა ამისა, იცის ბევრი ენა და ძალიან აქტიური ადამიანია. ლეკუნა "საზოგადოებრივი მაუწყებლის" თანამშრომელია. მას ჟესტურ ენასთან დაკავშირებული გადაცემა ტელესკოლის ფარგლებშიც მიჰყავს.
"მოამბეში" ტელეეკრანზე დაბლა მარჯვენა კუთხეში რომ გოგო ჩანს ხოლმე, უკვე ჩემი ცოლია. მოკლედ, მე "მთავარ არხზე" ვმუშაობ, ის - "პირველ არხზე"... ისე, დიდი ხნის წინ კი ვიცნობდით ერთმანეთს, მაგრამ ისე მოხდა, რომ ერთ წლის წინ მეტად დავახლოვდით, კარგად გავიცანით ერთმანეთი. ხომ ვამბობ, საოცრად კარგი გოგოა, მისი ყველა თვისებით, ქცევით მომხიბლა. ისე მოხდა, რომ ჩვენი ქორწინება პანდემიის პერიოდს დაემთხვა. ერთმანეთისგან შორს ყოფნა არ გვიყვარს, რასაც აკრძალვები, რაც ახლაა, გვაიძულებდა, ამიტომ, გადავწყვიტეთ ეს პატარა ღონისძიება-ცერემონიალი ჩაგვეტარებინა - წინა დღეს ნიშნობა გვქონდა და მეორე დღეს ხელი მოვაწერეთ", - გვიყვება ჯეიჰუნი...
- და როგორია თქვენი ახალბედა ოჯახის გეგმები, პრიორიტეტები?
- ჯერჯერობით ის, რომ ოჯახის შექმნის შემდეგაც, სამსახურებრივი, პროფესიული წინსვლა-განვითარება შევინარჩუნოთ, ერთმანეთს ამ ყველაფერში დავეხმაროთ.
- ე.ი. თქვენს ორსულიან ოჯახს შეემატა ძალიან კარგი გოგონა - შენი მეუღლე...
- კი, დედასაც ძალიან უხარია, სახლში მის მარტოობას წერტილი დაესვა. ვცხოვრობთ მარნეულში და ვრჩებით ჩემი მეუღლის მშობლების ბინაშიც, როცა თბილისში გვიწევს ყოფნა.
- როგორი იყო შენი შეყვარებულის რეაქცია, როცა, შენთან დაკავშირებით ცოტა ხნის წინ უსიამოვნო ინციდენტი მოხდა...
- იმ პერიოდამდე მამამისს არ ვიცნობდი და მაშინ მამასთან ერთად საავადმყოფოში შეშინებული და შეშფოთებული მოვიდა... სამომავლო გეგმებზე მკითხეთ და მინდა, ისიც გითხრათ, რომ მე და ჩემს მეუღლეს ჩვენს რამდენიმე მეგობართან ერთად, ჩვენი არასამთავრობო ორგანიზაციის უფრო გააქტიურება გვინდა, ეს ორგანიზაცია "წითელი ხიდის" სახელით უკვე არსებობს. გვინდა, ეთნიკურ აზერბაიჯანელებსა და ქართველებს შორის რაღაც პროექტები განვახორციელოთ. ასე რომ, ჩვენს პროფესიულ განვითარებასთან ერთად, იმედია, ამასაც შევძლებთ, თუმცა ახლა, პანდემიის პერიოდში, ჯერჯერობით საქმიანობა შეჩერებული გვაქვს. იმედი გვაქვს, რომ გაზაფხულისთვის ვითარება უკეთესობისკენ შეიცვლება და ჩვენც გავაქტიურდებით.
მკითხველის კომენტარები /
37 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იმედია დავაჟკაცდება და აწი პროვოკაციებს აღარ მოაწყობს!!!
ვულოცავთ კიდევ ერთი ქართული, ტრადიციული ოჯახის შექმნას.