"მოდით, ჩემზე დებატებს თავი დავანებოთ... არ ვაპირებ არავისთვის კაბინეტის წართმევას" - სააკაშვილი ოპოზიციას მიმართავს

საქართველოს მესამე პრეზიდენტი ოპოზიციას მიმართავს, მასზე დებატებს მორჩნენ.

აღნიშნულთან დაკავშირებით პოსტს მიხეილ სააკაშვილი "ფეისბუქზე" ავრცელებს.

"მეგობრები, ახლა ჩემი როლის შეფასება და ჩემზე საუბარი არ არის მთავარი თემა. მთავარი თემა არის ერთიანობა, გაყალბებული არჩევნების შედეგების გაუქმების მოთხოვნით.

ამიტომ, მოდით, ჩემზე დებატებს თავი დავანებოთ. და მივხედოთ მთავარ თემას. მთავარი თემის გადაწყვეტის შემდეგ, ქართველი ხალხი ყველას თვითონ მიუჩენს მის ადგილს. მე საერთოდ ეჭვი არ მეპარება მის სამართლიანობაში.

მე რაც შემეხება, არ გამაჩნია, ცალკე აღებული ამბიციები და არ ვაპირებ არავისთვის არც კაბინეტის წართმევას და არც თანამდებობის" - წერს სააკაშვილი.