„ოდაჰაუსი“ – სიყვარულით შექმნილი საოჯახო ბიზნესი, რომელიც ბეტონის ჯუნგლებისგან გათავისუფლებაში გეხმარებათ

„ამბობენ, ცოლ-ქმარი ერთად არ უნდა მუშაობდესო, თუმცა ჩვენს შემთხვევაში სხვაგვარად არის. ჩვენ ვართ ერთი გუნდი, რომელიც ერთმანეთს ვავსებთ. იქიდან გამომდინარე რომ პროექტების მართვაში მე საკმაოდ დიდი გამოცდილება დამიგროვდა კომპანიაში ყველა საოპერაციო საკითხს მე ვკურირებ, შესყიდვებით დაწყებული მომხმარებლებთან კომუნიკაციის ჩათვლით. ირაკლი კი ბუნებით ლიდერია და აქედან გამომდინარე არაჩვეულებრივი მენეჯერი. მისთვის არ არსებობს დაბრკოლება, რომელსაც ვერ გადალახავს. იგი მიზანდასახულია და ამ მიზნისთვის შეუძლია იშრომოს 24 საათი, უქმეებისა და დასვენების გარეშე. სწორედ ასეთი დაუღალავი შრომის შედეგია ჩვენი კომპანიის წარმატებაც, მისი დაფუძნებიდან სულ მცირე ხანში,“ – ეს მარიკა გუგუციძეა, რომელმაც მეუღლესთან ირაკლი კანდელაკთან ერთად საერთო ბიზნესსაქმიანობაშია ჩართული უკვე 10 წელია, ცოტა ხნის წინ მათი საქმიანობა გაფართოვდა და ახლა ისინი უკვე „ოდაჰაუსს“ მართავენ ერთად, თან საკმაოდ წარმატებით.

მარიკამ და ირაკლიმ ოჯახი 18 წლის წინ შექმნეს. ორი ქალიშვილი და საერთო ბიზნესი აქვთ. როგორც მარიკა იხსენებს, ხის სახლბზე ჯერ კიდევ ბევრი წლის წინ ფიქრობდნენ. იდეის განვითარება კი აგარაკზე, საკუთარი სახლის გაფართოებაზე ფიქრით დაიწყო. სხვა უამრავი დადებითი თვისების გარდა, ხის სახლი არაჩვეულებრივად ერწყმის და უხდება ბუნებას – სწორედ ამიტომ პირველი, რაც ახალგაზრდა ოჯახს ახსენდებოდა, ხის სახლი იყო.

„იმ პერიოდში საქართველოში რთულად თუ იპოვიდი ხელოსანს, მითუმეტეს კომპანიას, რომელიც ჩვენს ამ ოცნებას განახორციელებდა. გავიდა წლები და ირაკლი შეხვდა ამ სფეროში გამოცდილ ადამიანს და გადაწყვიტეს შეექმნათ კომპანია „ქოხი.ჯი“. „ქოხი.ჯი“ შედარებით მცირე და შაბლონური ტიპის სახლებზე მუშაობდა. თუმცა მოთხოვნა იზრდებოდა უკვე ინდივიდუალურ და დიდი მოცულობის სახლებზე. ბევრი შრომისა და აქედან გამომდინარე დიდი გამოცდილების მიღების შემდეგ მე და ირაკლიმ გადავწვიტეთ ჩამოგვეყალიბებინა ბრენდი - „ოდაჰაუსი“, რომელიც აღარ არის „ქოხი“ ტურისტული მიზნებისთვის, არამედ სრულფასოვანი ხის სახლია, სადაც მთელი ოჯახი ბედნიერად იცხოვრებს წლის ნებისმიერ დროს,“ – აღნიშნავს მარიკა.

გზა „ოდაჰაუსის“ შექმნიდან დღემდე იყო საკმაოდ რთული და შრომატევადი. მარიკა და ირაკლი ყველა დეტალში ჩართული იყვნენ. თენდებოდა და ღამდებოდა სამშენებლო მოედანზე. ირაკლის ერთი განსაკუთრებული ჩვევა აქვს, ის თითოეულ დეტალს სკურპულოზურად ამოწმებს. ამასობაში პატარა საამქროდან გადავიდნენ დიდ საწარმოში ფეიქართა ქუჩაზე №16-ში. დაიწყეს სულ ხუთი ხელოსნით, ახლა კი მათი რიცხვი ორმოცდაათამდე გაიზარდა, ხოლო მათი გამოცდილება და პროფესინალიზმი – ერთი ათად.

„ჩემთვის სახლი ასოცირდება ოჯახთან, სითბოსთან და სიყვარულთან. ხისგან აშენებული სახლი კი ჩემი აზრით უფრო ამძაფრებს ამ შეგრძნებებს. ხე ეკოლოგიურად სუფთაა, ხის სახლი კი თბოენერგოეფექტური. თანამედროვე თაობებისთვის, ვისაც ბეტონის ჯუნგლებში გვიწევს ცხოვრება, ხის სახლი ერთგვარი შვებაა და სიახლოვე ბუნებასთან. მართალია, საქართველოში ხის ოდებს საუკუნეების მანძილზე აშენებდნენ, მაგრამ თანამედროვე ტექნოლოგიით შექმნილი ხის სახლები ინოვაციაა ბაზარზე. ამავდროულად, არის ძალიან მოთხოვნადი და ტრენდულიც. პანდემიამ ცხადად დაანახა ყველას რამდენად მნიშვნელოვანია საკუთარი სახლი და ეზო, შესაბამისად ბაზარზე დღეს ეკომეგობრულობით, ხარისხით და სისწრაფით ჩვენ კონკურენტები არ გვყავს,“ – ასეთი სიყვარულით საუბრობს მარიკა საკუთარ სამქიანობაზე, რაც მათი წარმატების კიდევ ერთი მიზეზია.

„ოდაჰაუსის“ მიერ აშენებული თითოეული სახლი უნიკალურია. ყველა მათგანში ჩადებულია სითბო, სიყვარული და შემქმნელების გულის ნაწილი. ერთდროულად რამდენიმე პროექტზე მუშაობენ და უკვე იმ ნიშნულსაც მიაღწიეს, რომ სახლებს სათითაოდ აღარ ითვლიან. აშენებენ როგორც პატარა 20 კვ.მ. ასევე დიდი 250 კვ.მ. მოცულობის სახლებს. მათი ნახვა და სასურველის შერჩევა კი ჩვენს ვებგვერდზეა შესაძლებელი. დასრულებული სახლის ჩასაბარებლად კი საშუალოდ 21 დღეა საჭირო, რაც პროექტის სირთულეზეა დამოკიდებული.

ოდაჰაუსის შემქმნელები მხიარულად იხსენებენ პირველ სახლზე მუშაობის პროცესსაც – „ჩვენი ერთ-ერთი პირველი პროექტი მახსენდება, რომელიც მაღალმთიანეთში განვახორციელეთ. გავიდა ბრიგადა სამშენებლო მოედანზე, გადაიზიდა კარკასი და მასალა. მშენებლობა აქტიურ ფაზაში შევიდა და დაიწყო არაბიუჯეტური მოთხოვნები მასალაზე, რომელიც, წესით, არ უნდა დაკლებოდათ. „შეცდომები მოსულა“ და დამატება გაიგზავნა. თუმცა მომდევნო დამატება, რომ მოითხოვეს, აქ უკვე მივხვდით, რაღაც ისე ვერ იყო. აღმოჩნდა, რომ წერტილოვანი საძირკვლი უფრო დიდი მოეწყოთ, ვიდრე ეს პროექტით იყო განსაზღვრული. შესაბამისად, სახლი უფრო დიდი ფართობის გამოვიდა და მეტი მოსაპირკეთებელი მასალა დასჭირდა. ამ პატარა შეცდომის შედეგად მომხმარებელმა მიიღო სრულიად უფასო 6 კვ.მ. და ულევი ბედნიერება...“