მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გადავაბიჯეთ "წითელ ზონაში"... პიკი ნოემბრის მეორე, მესამე კვირას გვექნება" - ამირან გამყრელიძე ეპიდვითარებასა და გარდაცვლილ პაციენტებზე
13:33 / 26-10-2020
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ბოლო 24 საათში გარდაცვლილი 14 პაციენტის მინიმალური ასაკი 61 წელია.
ამასთან, როგორც მან მთავრობის ადმინისტრაციაში გამართულ ბრიფინგზე აღნიშნა, ზოგადად, ქვეყანაში კორონავირუსით გარდაცვლილი პაციენტების უმეტესობას თანხმლები ქრონიკული დაავადებები ჰქონდა.
ამას გარდა, ამირან გამყრელიძემ განმარტა, რას ნიშნავს „წითელ ზონაში“ გადასვლა და აღნიშნა, რომ მხოლოდ წერტილოვანი შეზღუდვები იქნება.
„შიდა მუშაობისთვის ე.წ. ოთხფერიან შუქნიშანს ვიყენებთ. ვანგარიშობთ ბოლო ორი კვირის საშუალო მაჩვენებელს იმის მიხედვით, თუ 100 000 მოქალაქეზე რამდენი ახალი შემთხვევაა. ახლა უკვე გადავაბიჯეთ „წითელ ზონაში“. ამ ფერების მიხედვით ვუყურებთ რამდენი საწოლი უნდა გვქონდეს, რამდენი ექიმი ერთვება მუშაობაში, რა მარაგები უნდა გვქონდეს და ა.შ. როდესაც „ყვითელ“ და „ნარინჯისფერ ზონაში“ გადავედით, იცით, აჭარაში დავაწესეთ შეზღუდვები, რამდენიმე ქალაქში რესტორნების 22:00 საათიდან მუშაობა შეიზღუდა და ა.შ. მხოლოდ წერტილოვანი შეზღუდვები, სრული ლოკდაუნი არ იქნება“, - განაცხადა გამყრელიძემ.
მისივე თქმით, მთლიანად ქვეყანაში ჩატარებულია 851 ათასი PCR ტესტი და 441 ათასი სწრაფი ანტიგენზე და ანტისხეულებზე დამყარებული ტესტი.
"ამ ეტაპზე მზარდია სტატისტიკა, გვექნება პიკი ნოემბრის მეორე, მესამე კვირას და ამიტომ შემთხვევათა რაოდენობა ყოველდღიური ზრდის ტენდენცია გაგრძელდება, მაგრამ ეს პროცესი დღემდე მართვადია და უნდა იყოს მართვადი...
მილიონ მოსახლეზე ტესტირების მაჩვენებელი არაგვიშავს - გვაქვს 29 ათასი. ახლა ძირითადი დარტყმა გადადის პირველად ჯანდაცვაზე და ჰოსპიტალურ სექტორზე და სლოგანი „დარჩით სახლში“, გთხოვთ რაც შეიძლება ხშირად გაახმოვანეთ", - განაცხადა ამირან გამყრელიძემ.
გამყრელიძე არ გამორიცხავს, რომ ღია სივრცეში პირბადის ტარება სავალდებულო გახდეს.
„შოლტის პრინციპი არაფერს არ იზამს, თუ ჩვენი თვითშეგნება არ ავიდა აქამდე. მაინც გაზრდილია პირბადის გამოყენება და ეს მსიამოვნებს, მაგრამ მეტი გვჭირდება. თუ ნიღბის მოხმარება 95%-იან მაჩვენებელს მიაღწევს, იანვრის ბოლოსთვის ევროპაში შესაძლებელი იქნება 278 000 სიცოცხლის შენარჩუნება. დღეს საქართველოში ნიღბის გამოყენება გვაქვს 60-64%-ის ფარგლებში და მოწოდებაა, რომ ეს ავიდეს 95%-ის ფარგლებში, რაც მნიშვნელოვნად შეამცირებს ინფიცირების რაოდენობას“,-აღნიშნა გამყრელიძემ.
მან მსოფლიოში არსებულ ტენდენციაზე საუბრისას განაცხადა, რომ კორონავირუსმა სიკვდილიანობით არაერთ დაავადებას გადაასწრო.
„ყოველკვირეულ სიკვდილიანობას ანგარიშობენ და კორონავირუსი გულის იშემიური დაავადების და ინსულტის შემდეგ მესამე მიზეზია სიკვდილიანობის. ერთი კვირის განმავლობაში გადაასწრო სიმსივნეებს, ალცეიმერს, ფილტვების ქრონიკულ ობსტრუქციულ დაავადებას და სხვა“, - გაანცხადა გამყრელიძემ.
ამირან გამყრელიძის განცხადებით, COVID19-ის პრევენციის მიზნით მობილიზებას მოახდენენ სამედიცინო უნივერსიტეტის მაღალი კურსის სტუდენტების, რეზიდენტებისა და იმ მედპერსონალის, რომლებიც დღეისთვის დასაქმებულები არ არიან. როგორც გამყრელიძემ ჟურნალისტებს განუცხადა, შედგენილია კონცეფცია იმის თაობაზე, თუ რა ძირითადი პრონციპები უნდა იცოდნენ სტუდენტებმა კორონავირუსთან მიმართებით.
„რეკომენდაცია იყო იმის შესახებ, რომ მაქსიმალურად უნდა მოვახდინოთ სამედიცინო ქსელის მობილიზება. აქ შედიან ჩემი ის კოლეგები, რომლებიც დღეს დასაქმებულები არ არიან, ასევე მაღალი კურსის, მე-5 და მე-6 კურსის სტუდენტები და რეზიდენტები. (ანუ ლაპარაკია ელემენტარული სამედიცნო განათლების მქონე ადამიანებზე) დღეს ჩვენ ომში ვართ. ისტორია კარგად მაქვს ნასწავლი და მე-2 მსოფლიო ომში მე-4 კურსის სტუდენტები მიჰყავდათ. პანდემია ომზე ნაკლები არ გახლავთ, ამიტომ, როცა საჭიროა უნდა მოხდეს სრული მობილიზება, მათ შორის, სამედიცინო პერსონალის და მათ შორის, სტუდენტების. „ქოლ-ცენტრით“ მართვა, ადამიანის დარიგება, რეკომენდაციების მიცემა თავისუფლად შეიძლება. ამიტომ, მოკლე კურიკულუმია შედგენილი სტუდენტების გადამზადებისთვის, ანუ რა ძირითადი პრინციპები უნდა იცოდნენ მათ კოვიდზე. დარწმუნებული ვარ, რომ ექიმთა ასისტენტებად ისინი თავისუფლად იმუშავებენ“, - განაცხადა გამყრელიძემ.
00:00 / 00:00
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ფეხს რატო ითრევთ ვერ გავიგე რო გარე სივრცეშიც დაწესდეს პირბადეების ტარება სავალდებულოდ? მაინც და მაინც უნდა დაიხოცოს ეს შეუგნებელი ხალხი? ნახეთ რახდება ბაზრობებზე და ბაზრობების მსგავს ადგილებში. Ბათუმში ჩამოიარეთ პუშკინის ქუჩაზე ნახეთ რახდება
8 წელს ვუძლებთ და ორ-სამ კვირას ვეღარ გავუძლებთ?!