მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მძარცველი წამსვლელი იყო უკიდურეს ნაბიჯზეც... უნდა არჩეულიყო ან 19 მძევლის სიცოცხლე ან 500 ათასი დოლარი" - ანალიტიკოსი სპეცოპერაციის რისკებზე
11:55 / 22-10-2020
სამხედრო ანალიტიკურ ჟურნალ „არსენალის“ მთავარი რედაქტორის, ირაკლი ალადაშვილის შეფასებით, თავდამსხმელის შეიარაღება იმის თქმის შესაძლებლობას იძლევა, რომ მძარცველი დილეტანტი არ იყო და შეიძლება სპეცსამსახურის ყოფილი თანამშრომელიც ყოფილიყო.
მისივე განცხადებით, სპეცოპერაციის ჩატარება შესაძლებელი იყო როგორც შენობაში, ისე გარეთ, თავდამსხმელის გამოსვლის დროს, თუმცა 100%-იანი გარანტია, რომ მძევლები არ დაშავდებოდნენ და მსხვერპლი არ მოჰყვებოდა, არ იყო, ამიტომ ხელისუფლებამ არ გარისკა.
„მოგვიანებით გავრცელებულ ვიდეოკადრებს თუ დავეყრდნობით, როდესაც ის შედის ბანკში და იქ მაგიდას ფეხით ამტვრევს და ავტომატით ემუქრება მძევლებს, ნიშნავს, რომ შეიარაღებული მძარცველი წამსვლელი იყო ყველაზე უკიდურეს ნაბიჯზეც კი. მისი აღჭურვილობა, შეიარაღება იმაზე მიუთითებს, რომ ის არ არის დილეტანტი და დიდი ალბათობით ან ადრე მსახურობდა არმიაში ან სულაც სხვა ძალოვან სტრუქტურებში და შეიძლება ყოფილი სპეცრაზმელიც კი, არც ეს არის გამორიცხული. შეიძლებოდა თუ არა სპეცოპერაციის ჩატარება? რა თქმა უნდა, შეიძლებოდა როგორც შენობაში, უშუალოდ, ისე მისი გამოსვლის შემდეგ, მაგრამ 100%-იანი გარანტია იმის, რომ მძევლები არ დაშავდებოდნენ ან უფრო უარესი, არ დაიღუპებოდნენ, რა თქმა უნდა, არ არსებობდა, რადგან ამ მძარცველს ხელში ეჭირა ხელყუმბარა და სნაიპერული ცეცხლით მისი დაზიანების ან მისი მოკვლის შემთხვევაში არსებობდა შანსი, რომ თუ ეს ხელყუმბარა იყო საბრძოლო მოქმედებაში მოყვანილი და ის ხელს გაუშვებდა, 3-4 წამში აფეთქდებოდა ეს ხელყუმბარა და ოთახში ახლოს მყოფი მძევლების სიცოცხლეს უდიდესი საფრთხე შეექმნებოდა. ხელისუფლებამ არ გარისკა. მე მიმაჩნია, რომ ეს აბსოლუტურად სწორი გადაწყვეტილება იყო, მისცა თანხა და საშუალება, რომ ის გამოსულიყო და გასულიყო ამ შენობიდან იმიტომ, რომ ქალაქის ცენტრში ოპერაციის ჩატარება ძალიან დიდ საფრთხეს მოიცავს,“ - განაცხადა ირაკლი ალადაშვილმა.
კითხვაზე, რამდენად გამართლებულია თავდამსხმელთან მსგავსი სახის მოლაპარაკება და მისი მოთხოვნების დაკმაყოფილება და ხომ არ ჩაითვლება ეს კრიმინალის წახალისებად, ალადაშვილმა განაცხადა, რომ საქმე ეხებოდა მძევლების სიცოცხლეს ან მოთხოვნის შესრულებას. მისივე განმარტებით, თავდამსხმელმა სავარაუდოდ გათვალა, რომ წინასაარჩევნო პერიოდში ხელისუფლება სპეცოპერაციაზე არ წავიდოდა.
„უნდა არჩეულიყო ან 19 მძევლის სიცოცხლე ან 500 ათასი დოლარი, მეორე მხრივ აქ მარტო თანხა არ არის, არამედ ის ფაქტორი, რომ შემდგომში ეს წახალისებად არ იქნას აღქმული და სხვამაც არ სცადოს. ის, რომ ეს ხდება სწორედ დაძაბული პოლიტიკური სიტუაციის დროს, არჩევნების წინ, ამანაც გარკვეული როლი ითამაშა. ჩემი აზრით, მძარცველს ჰქონდა ეს გათვლილი, გაანალიზებული, რომ ხელისუფლება არჩევნების წინ არ წავიდოდა სპეცოპერაციაზე იმიტომ, რომ არ არსებობს არც ერთი სპეცოპერაციის გარანტია ისე, რომ ქირურგიული სიზუსტით იმუშაო და გააუნებელყო მძარცველი, რთულია ამის 100%-იანი გარანტიის მიცემა. ახლა ხელისუფლების პრესტიჟის საქმეა, რაც შეიძლება მალე მოძებნოს და გააუვნებელყოს თავდამსხმელი,“ - განაცხადა ირაკლი ალადაშვილმა.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მსოფლიოში არავინ ელაპარაკება ტერორისტს.
გასაზიარებელია ექსპერტის მოსაზრება რომ დამნაშავე შესაძლოა სპეცმომზადება გავლილი პირია ამის მრავალი ნიშანი იკვეთება თუნდაც 5-6 საათი დამცავი რგოლის გარეშე ხელყუმბარის დაჭერა იოლი არ არის,ხელყუმბარა საბრძოლო მდგომარეობაში თუ არ იყო მოყვანილი თუ ხელყუმბარის ამფეთქს მამაუხრუჭებელი რგოლი მოხსნილი არ ჰქონდა მაშინ შესაძლებელი უნდა ყოფილიყო ყოველგვარი ზედმეტი რისკის გარეშე თავდამსხმელის გაუვნებლებობა.ამ საკითხს იმედია გამოძიება დაადგენს. მე ყურადღება მინდა გავამახვილო შესაძლო თანამონაწილეზე,ამ შემთხვევაში დამხმარეზე.ეს ის სუბიექტია რომელიც ნებისმიერი ფორმით ფიზიკურად თუ სიტყვიერად ეხმარება აღმსრულებელს ქმედების განხორციელებაში.მძევლად აყვანის დროს ეს შეიძლება გამოხატული იყვეს მძევლის სახთ შენიღბული რეალურად დამხმარის ქმედებაში პანიკის დათესვაში სხვა მძევლების დარწმუნებაში დაემორჩილონ თავდამსხმელს,დამნაშავის მოთხოვნათა გაჟღერების ხელშეწყობაში და სხვა ერთი შეხედვით დილეტანტისთვის შეუმჩნეველ თითქოსდა ჩვეულებრივ ქმედებებში,გამოძიებას რაც გუშინ ვნახეთ ამ მიმართულებით სერიოზული სამუშაო აქვს.და ბოლოს პოლიციამ გუშინ გადადგა არაორდინალური მაგრამ სწორი ნაბიჯი ადამიანთა სიცოცხლე და უსაფრთხოება როგორც ყველაზე დიდი ღირებულება დააყენა კონკურენციის გარეშე მაგრამ ამას ახლავს მეტად შემაშფოთებელი პრეცედენტიც დამნაშავემ თავისი გაიტანა ეს რომ პრეცედენტად დარჩეს პოლიციამ უმოკლეს ვადაში უნდა უზრუნველყოს დამნაშავის დადგენა დაკავება