მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ძალიან გავბრაზდი...მინისტრი ამბობს ყველაფერს ვაკონტროლებო..ვერ აკონტროლებს, ალბათ" - რა პრობლემებს წააწყდა ინფიცირებული ნოდიკო ტატიშვილი და როგორ მკურნალობენ მას
13:06 / 16-10-2020
მომღერალი ნოდიკო ტატიშვილი, რომელიც კოვიდინფიცირებულია, "ტვ პირველის" ეთერში საუბრობს იმაზე, თუ როგორ დაინფიცირდა, რა სიმპტომები ჰქონდა და რა სისტემურ პრობლემებს წააწყდა ინფიცირების შემდეგ.
"ხუთშაბათს მქონდა კონტაქტი ერთ-ერთ ქალბატონთან, არც ხელი ჩამომირთმევია, არც გადამიკოცნია, უბრალოდ ერთ ოთახში მოგვიწია ყოფნა, რა თქმა უნდა, პირბადეებით, სადეზინფექციო საშუალებებით. იმ ქალბატონს იმ ღამით მისცა მაღალმა სიცხემ, მეორე დღეს გაიკეთა ტესტი და გვიან ღამით უკვე დაუდასტურდა კოვიდი.
ჩემთან არავის არ დაურეკავს, არც ერთ ეპიდემიოლოგს და საერთოდ არავის, გარდა ამ ქალბატონისა, მივხვდი, რომ უნდა გადავსულიყავი იზოლაციაში იმიტომ, რომ დამეცვა სხვა ადამიანები, ვიფიქრე, შეიძლება მე თვითონ ვყოფილიყავი უკვე დაინფიცირებულითქო. იზოლირებიდან მეხუთე დღემდე ვიყავი უსიმპტომო და უბრალოდ გამოვიძახე ლაბორატორია, რომ გამეკეთებინა ანალიზი სახლში.
საღამოს დამიდგინდა სუსტად დადებითი და ალბათ, ამ სტრესზე და ნერვიულობაზე მომცა სიცხე, 37.1 მქონდა, მეორე დღეს ვიყავი ძალიან კარგად, 36,6 მქონდა ტემპერატურა, გვიან ღამით გამიკეთეს PCR ტესტი და უკვე ნამდვილად დადასტურდა, რომ ვარ კოვიდინფიცირებული.
როგორც მივხვდი, ითვლება, რომ არ ვარ მძიმე პაციენტი, თავსაც არ ვგრძნობ მძიმედ, მაქვს მინიმალური სისუსტე, ცოტა დისკომფორტი, თუმცა ვერ გეტყვით, რომ ცუდად ვარ, ვერ დავდივარ და ფეხზე ვერ ვდგები", - ამბობს მომღერალი.
მისივე თქმით, კორონავირუსის დადასტურებიდან 18 საათის შემდეგ დაუკავშირდა ოჯახის ექიმი, ამ პერიოდის განმავლობაში კი მასთან არავის დაურეკავს:
"ამაზე ძალიან გავბრაზდი და გეტყვით რატომ - როდესაც ხარ ინფიცირებული, მგონია, რომ მომენტალურად უნდა რეკავდეს ექიმიც და ეპიდემიოლოგიც, იმიტომ, რომ 18 საათში ადამიანის ჯანმრთელობის მდგომარეობა შეიძლება ისე გართულდეს, რომ მივიდეთ ძალიან ცუდ შედეგამდე. მეორე თემა კიდევ ისაა, რომ ეპიდემიოლოგმა თუ არ გაარკვია, ვისთან მქონდა კონტაქტი, დავუშვათ ახლა მე რომ ბევრი კონტაქტი მყავდეს...18 საათის მერე რომ გაარკვევ კონტაქტებს...", - ამბობს ნოდიკო ტატიშვილი.
მომღერლის თქმით, ექიმმა ურჩია, რომ მიიღოს ბევრი სითხე და თუ ტემპერატურა 38-ს გადასცდება, დალიოს სიცხის დამწევი. ტატიშვილი ასევე საუბრობს იმის შესახებ, რომ ჯანდაცვის სამინისტრო სიტუაციას სათანადოდ ვერ აკონტროლებს.
"როდესაც ვუსმენ ხოლმე ჩვენს ჯანდაცვის მინისტრს, ის ძალიან მშვიდად საუბრობს, რომ ყველაფერს აკონტროლებს...როგორც აღმოჩნდა, ცოტა მეტად უნდა გააკონტროლოს სიტუაცია იმიტომ, რომ კოვიდ პაციენტთან 18 საათის მერე რომ რეკავს ექიმი და ეპიდემიოლოგი, მე მგონია, რომ ეს არის ძალიან დიდი შეცდომა. მინდა ვუთხრა მინისტრს, რომ თუ ამბობს ყველაფერს ვაკონტროლებო, ვერ აკონტროლებს, ალბათ", - ამბობს ტატიშვილი.
00:00 / 00:00
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნუ ბოდიალობ რაა...ყველას რომ დაეცვა წესი და რიგი, დღეს ესეთი სიტუაცია არ იქნებოდა...კოვიდი ხომ მორიგი ბლეფია, როგირც ფიქრობთ...ჰოდა შედეგიც სახეზეა...ნუ აბრალით ექიმებს, ზოგჯერ ტვინი მოსაცლეობამაც უნდა გაანძრიოს.
პ.ს. ეს როგორ გაბედეთ, და თვით ნოდიკო ტატიშვილს როგორ აწყენინეთ უყურადღებობით, ექიმებოოო..
შენ მიხუილის დედის "ძმაკაცი" ხარ კარგად გვახსოვს ამერიკაში რომ დაგაპაეზდკა აბა სხვას რას იტყვი... მაგრად ტეხავს ნაცობა