მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სჯობს, ყველა დაცხრეს - ძიება, რომელიც დაიწყო, არ შეცვლის გარეჯის საკითხს" - მეუფე იაკობი
22:57 / 15-10-2020
"უბრალოდ, თუ ადამიანი ხმას ამოიღებს იმისთვის, რომ დაიცვას თავისი მამული, შეიძლება ამ საშინელ პერიოდში - ამ არჩევნების პერიოდში მტერიც გამოხვიდე", - ამის შესახებ დღეს, ბოდბელმა მთავარეპისკოპოსმა მეუფე იაკობმა თბილისში წმიდათა დიდმოწამეთა, არგვეთის მთავართა დავით და კონსტანტინე მხეიძეთა სახელობის ტაძრის კურთხევის შემდეგ ქადაგებისას განაცხადა.
"ეკლესიისგან რა უნდათ? ჩვენ ყველა იმ ძალასთან ვითანამშრომლებთ, ვისაც საქართველოსთვის და ჩვენი ხალხისთვის სიკეთე უნდა. გარეჯი ჩვენი ქვეყნის სისხლით დაწერილი ისტორიაა, ექვსი ათასი ბერის ადგილსამყოფელია. გვიკიჟინებენ, რომ ეკლესია, თურმე, არ აკეთებს იმას, რასაც უნდა აკეთებდეს. თითოეული ბერი, მერწმუნეთ, რომ ღვთის სიყვარულით და ჩვენი ერის სიყვარულით არის აღვსებული და არ ვართ ისეთი ადამიანები, რომლებმაც შეიძლება რამე დავთმოთ.
ატყდა ერთი ვაი-ვიში: რატომ გააკეთეს, რატომ დაიჭირეს... ჯერ ერთი, ეკლესიას არავინ დაუჭერია - ეკლესიის შიგნითაც არ გვაქვს სასამართლო სისტემა. უბრალოდ, თუ ადამიანი ხმას ამოიღებს იმისთვის, რომ დაიცვას თავისი მამული, შეიძლება ამ საშინელ პერიოდში - არჩევნების პერიოდში, მტერიც გამოხვიდე. ყველა მხარე გაგწირავს. არ უნდათ ეკლესიის ძლიერება. ამიტომ ამაში ხელი არავის უნდა შევუწყოთ. სჯობს, ყველა დაცხრეს. ძიება, რომელიც დაიწყო, ეს არ შეცვლის გარეჯის საკითხს. აზერბაიჯანელებმა მეგობრობა იციან და საუბარიც იციან. მოვა დრო და ისე დავილაპარაკებთ, რომ ჩვენთვისაც - ქართველებისთვისაც სასიკეთოდ დასრულდება და ისინიც კმაყოფილები დარჩებიან“ , - აღნიშნა მეუფე იაკობმა.
ბოდბელი მთავარეპისკოპოსი წმინდა სინოდის წევრებსაც მიმართავს და შეახსენებს, რომ ღვთისმსახურები არიან და პასუხს აგებენ ღმერთის და არა პოლიტიკოსების წინაშე.
"მეუფეებს ბევრჯერ მოვუწოდე: ვხედავ საითაც მივდივართ, საითაც მივექანებით. თითოეული პოლიტიკოსი ცდილობს, ხელი მოგკიდოს და თავისკენ წაგიყვანოს, მაგრამ უნდა ვიცოდეთ, რომ ჩვენ ვართ ღვთისმსახურები. ცოდვილები ვართ თუ რაც ვართ, უნდა ვიცოდეთ, რომ ღმერთთან ვართ პასუხისმგებლები და არა პოლიტიკოსებთან. რამდენი წელია ეკლესიას აგინებენ და ბევრისგან არ მომისმენია შიგნით, გამოსულიყვნენ და ეკლესია დაეცვათ, პატრიარქის ღირსება დაეცვათ. ჩვენი სახელები უნდა ჩაიწეროს ცხოვრების წიგნში და არა ტელევიზიებში და ჟურნალ-გაზეთებში. ამიტომ ვიყოთ სამართლიანები, ნუ შეგვეშინდება ისეთ რამეზე ვესაუბროთ ხალხს, რომ დაძაბულობა მოვხსნათ. საქართველო განვითარდება მაშინ, როდესაც ერთმანეთის დაჭმას მოვეშვებით და ერთმანეთს და საქართველოს შევიყვარებთ. არ ღირს არცერთი სკამი - არც ერში, არც ეკლესიაში, თუ ერი არ იქნება კარგად“, - აღნიშნა მეუფე იაკობმა.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პირველად მოვისმინე ამ კაცის საღი კომენტარი
ძიება გარეჯის საკითხს არ შეცვლის, თუმცა რუკა, რომელიც გამოჩნდა, შესაძლოა გამოვიყენოთ და ჩვენთვის სასიკეთო შედეგს მივაღწიოთ. ძიების საქმე დამნაშავის, შემკვეთის და შემსრულებლის დადგენაა. კარტოგრაფების საქმე მოძიებული რუკის მიხედვით საზღვრების დადგენაა, ხოლო პოლიტიკოსების საქმე, რა თქმა უნდა, დიპლომატიური ხერხებით, განახლებული საზღვრების დაკანონებაა.