"მიდი, ჯაფარ, ძმაო..ვინ დაგიშალა?" - კახა კალაძის კომენტარი ზურაბ ჯაფარიძეს, რომელიც თბილისის მერს ფეხბურთის საყურებლად მუშტაიდში იწვევს
დიდუბე ჩუღურეთის რაიონის მაჟორიტარობის კანდიდატმა ზურაბ ჯაფარიძემ თბილისის მერს, კახა კალაძეს "ფეისბუქ ლაივის“ საშუალებით მიმართა. ჯაფარიძემ მერს 8 ოქტომბერს მუშტაიდის ბაღში შეკრების გამართვის ნებართვა სთხოვა, სადაც ის მოქალაქეებთან ერთად საქართველო-ბელარუსის საფეხბურთო მატჩის ყურებას გეგმავს.
"გირჩის“ ლიდერის პოსტს "ფეისბუქზევე“ გამოეხმაურა კალაძე და მას კომენტარებში ასე უპასუხა:
"მიდი, ჯაფარ, ძმაო. მთავარია კანონი და რეგულაციები და ვინ დაგიშალა? ისე, კერძო მმართველობაშია გადაცემული ადრე“, - წერს კალაძე.
აღნიშნულის შემდეგ, ზურა ჯაფარიძემ კიდევ ერთი პოსტი გამოაქვეყნა, სადაც კიდევ ერთხელ მიმართა თბილისის მერს. ჯაფარიძე კალაძეს კომენტარისთვის მადლობას უხდის და წერს, რომ მერიას ოფიციალური წერილით მიმართეს. ამასთნ, ის მერს მუშტაიდში საქართველოსა და ბელარუსის საფეხბურთო მატჩის საყურებლადაც ეპატიჟება.
"კიდევ ერთხელ მადლობა გუშინდელი კომენტარისთვის. მაგრამ ეჭვი მაქვს ბაღის ადმინისტრაცია ფბ კომენტარის სქრინს არ მიიღებს საკმარის მტკიცებულებად.
ამიტომ, ოფიციალური წერილით მოგმართეთ დღეს დილით და იქნებ ოფიციალურად დამიდასტუროთ დღესვე რომ მუშტაიდის ადმინისტრაციას არანაირი პრობლემა არ შეექმნება თუ მე ხვალ იქ გავმართავ წინასაარჩევო შეხვედრას და პარალალურად ეკრანზე გავუშვებ საქართველო-ბელორუსის ერ. ნაკრებების საფეხბურთო მატჩს, რადგან ადამიანთა თავშეყრა ღია სივრცეში დაშვებულია წინასაარჩევნო კამპანიის ფარგლებში.
პასუხი ძალიან მეჩქარება, რათა დავიწყო ლოჯისტიკური საკითხების მოგვარება.
მადლობა წინასწარ და აქვე გეპატიჟებით მატჩის საყურებლად. ხვალ მუშტაიდში შეგვიძლია ცოტა ხნით გავმიჯნოთ სპორტი და შიდა პოლიტიკა“, - წერს ჯაფარიძე.
ბერუკა ივანიშვილი ერთი წლის გახდა - როგორ აღნიშნეს ბიძინა ივანიშვილის შვილიშვილის დაბადების დღე (ფოტოები)
"ყვავილოვანი" ფსიქოთერაპია და ფსიქოლოგი, რომელსაც ყვავილების ულამაზესი ბაღი აქვს - "ისინი ცოცხალი არსებებია, ბევრი ეფერება, ელაპარაკება, როგორც სულიერს"
