მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ახალი პროექტი „ომებსა და ადამიანებზე“ - რომლის ფარგლებში 1 ოქტომბერს ჟურნალ გზასთან ერთად თომას კენილის „შინდლერის სია“ გამოვა
17:21 / 23-09-2020
“ის, ვინც ერთ სულს გადაარჩენს, გადაარჩენს მსოფლიოს“ - შეუძლებელია, სტივენ სპილბერგის „შინდლერის სია“ ნანახი გქონდეს და ეს ფრაზა არ გახსოვდეს. ფილმი მოგვითხრობსგერმანელი კათოლიკე ბიზნესმენის შესახებ, რომელიც ამავდროულად, ნაცისტურ პარტიაში ირიცხებოდა და ჰოლოკოსტისგან 1300 ებრაელის დახსნა შეძლო.
1993 წელს გადაღებულმა ამ ეპოქალურმა ფილმმა ემოციურად ასახა, რამდენად უსაზღვროა ადამიანის სისასტიკე და ამავროულად, ჰუმანურობა; როგორ არის შესაძლებელი, ერთმა ადამიანმა საკუთარი სტატუსი და სიცოცხლეც კი გაწიროს ათასობით უდანაშაულოს გადასარჩენად. ფილმს განსაკუთრებულ სიმძაფრეს სძენს ჯონ უილიამსის მუსიკა და შავ-თეთრი ფერები.
ეს გენიალური ფილმი სტივენ სპილბერგმა ავსტრალიელი მწერლის თომას კენილის რომანის მიხედვით გადაიღო. ფილმის სცენარი კი სტივენ ზეილიანს ეკუთვნის. რომანი „შინდლერის კიდობანი“ 1982 წელს გამოქვეყნდა და მაშინვე პოპულარული გახდა. ის მხატვრულად მოგვითხრობდა ოსკარ შინდლერის ჰუმანურ აქტს, მას შემდეგ, რაც საკუთარი თვალით ნახა როგორ ექცეოდა ნაცისტური რეჟიმი ებრალებს. შინდლერი საკუთარ საწარმოში 1300 ებრაელს ასაქმებს და ასე გადაარჩენს მათ სიცოცხლეს, თუმცა გადარჩენამდე გრძელი, სახიფათო, უფსკრულებითა და სისხლით სავსე გზა უნდა გაიაროს და ეცადოს, თავადაც მსხვერპლი არ გახდეს.
ყველაზე გულისამაჩუყებელი და სულისშემძვრელი კი ისაა, რომ ოსკარ შინდლერი რეალური პიროვნება იყო და მართლაც იხსნა პოლონეთში დასახლებული ებრაელები გაზის კამერებისგან.
ამერიკელი რეჟისორის სტივენ სპილბერგის ფილმის გამოსვლის შემდეგ, „შინდლერის კიდობანმა“ მსოფლიო მოიარა. როგორც 80-იან და 90-იან წლებში, ისე ახლაც, ნაცისტების მიერ ჩადენილი დანაშაულების და ზოგადად, ამ დიქტატორული სისტემის მიმართ ინტერესი არ ცხრება. დღესაც, გვაინტერესებს მოტივები, რატომ ექცეოდნენ ადამიანებს ასე, ჰქონდათ თუ არა გადარჩენის რაიმე შანსი რეპრესირებულებს, როგორი სახელმწიფო მოწყობა იყო ნაცისტურ გერმანიაში, როგორ ცხოვრობდნენ ადამიანები, ისჯებოდნენ თუ არა თავიანთი დანაშაულისთვის...
ამგვარი ინტერესი არ ცხრება საქართველოშიც, რომელმაც სულ რაღაც 19 წლის წინ დააღწია თავი „თავის დიქტატორულ რეჟიმს“ სახელად საბჭოთა კავშირი. საბჭოთა მოქალაქემ იმ 14 ქვეყნის გარდა, სადაც გადაადგილებისა და ინფორმაციის მიღების საშუალება ჰქონდა, გარე სამყაროს შესახებ ბევრი არაფერი იცოდა. შესაბამისად, უფროსი და უმცროსი თაობა ნაცისტური გერმანიის სისასტიკესა და დანაშაულებზე მხოლოდ ორი-სამი ათწლეულია, დეტალურად იგებს (ისევე, როგორც საბჭოთა კავშირზე).
ამით აიხსნება თომას კენილის რომანის კიდევ და კიდევ გამოცემა და მასზე მოთხოვნის მუდმივად არსებობა. მწერლის რომანი პირველად აშშ-ში „შინდლერის სიის“ სახელით გამოიცა და მას შემდეგ, მსოფლიოში ხშირად ამ სათაურით მოგზაურობს. ასეა საქართველოშიც - 1 ოქტომბერს წიგნების ახალ სერიაში „ომებსა და ადამიანებზე“ გამოვა „შინდლერის სია“, რომელიც ჟურნალ გზას სპეციალურ ფასად გაყვება.
წიგნის სპეციალური ფასი იქნება 8.00 ლარი, ჟურნალთან ერთად 10.00 ლარი. მკითხველს ეძლევა შესაძლებლობა წიგნი ჟურნალთან ერთად, ერთი კვირის განმავლობაში, ნახევარ ფასად შეიძინოს, ერთი კვირის შემდგომ - მისი ღირებულება წიგნის მაღაზიებში უკვე 16.00 ლარი იქნება.
სერია "ომებსა და ადამიანებზე" კლასიკური და თანამედროვე ლიტერატურის საუკეთესო ნიმუშებს გააცნობს მკითხველს. წიგნების ნაწილს, რომელსაც ეს სერია გააერთიანებს, მკითხველი უკვე იცნობს - მარკუს ზუზაკის „წიგნის ქურდი“, კრისტინ ჰანას „ბულბული“, ჰიზერ მორისის „აუშვიცის ტატუისტი“, ენტონი დოერის „ნათელი, რომელსაც ვერ ვხედავთ“ და სხვა წიგნები, რომლებმაც მსოფლიოს მრავალ ქვეყანაში უამრავი ადამიანის გული უკვე დაიპყრო. სიახლე იქნება რიდიან ბრუკის „ომის შედეგები“, არტურ გოლდენის „გეიშას დღიური“ და სხვა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
