მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
3 შვილის დედის თვითმკვლელობამდე მიყვანისთვის, მისი მეუღლე ციხეში 4 წელს გაატარებს - ბაკურ სორდია სასამართლომ დამნაშავედ სცნო
21:24 / 17-09-2020
სოფელ შამგონაში ცოლის თვითმკვლელობამდე მიყვანისთვის დაკავებული ბაკურ სორდია ქუთაისის სააპელაციო სასამართლომ დამნაშავედ სცნო. მსჯავრებულს 3 წლიანი სასჯელი კიდევ 1 წლით გაუხანგრძლივდა და ციხეში 4 წელს გაატარებს. Ambebi.ge აქტიურად აშუქებდა გახმაურებულ ტრაგედიას.
გარდაცვლილი ეკა მიქავას ოჯახის წევრები ბაკურ სორდიას კანონის მთელი სიმკაცრით გასამართლებას მოითხოვდნენ. გარდაცვლილი ოჯახის ინტერესების დამცველი ადვოკატი ელისო რუხაძე Ambebi.ge-სთან აცხადებს, რომ ქუთაისის სააპელაციო სასამართლომ ზუგდიდის რაიონული სასამართლოსგან განსხვავებით, სწორი გადაწყვეტილება მიიღო.
"გამოძიება დაწყებული იყო 115-ე მუხლით, რაც ითვალისწინებს თვითმკვლელობამდე მიყვანას. თუმცა ზუგდიდის რაიონულმა სასამართლომ რატომღაც გადაწყვიტა, რომ ეს არ იყო თვითმკვლელობამდე მიყვანის მუხლი და იყო 126-ე, ძალადობის მუხლი, რაც ნაკლებ სასჯელს ითვალისწინებს. ჩვენ არ ვეთანხმებოდით ფორმულირებას, რომ მან თავი მოიკლა თვითნებურად და ამ თვითმკვლელობას არანაირი კავშირი არ ჰქონდა უმძიმეს ძალადობასთან. წერილობით მივმართეთ ზუგდიდის პროკურატურას, რათა მათ გაესაჩივრებინათ ეს განაჩენი ქუთაისის სააპელაციო სასამართლოში. ეს არის ძალიან მნიშვნელოვანი, რადგან ამ მხრივ პრაქტიკა არის მწირი, ვინაიდან თვითმკვლელობამდე მიყვანის მუხლთან დაკავშირებული საქმეებზე ხშირად დგება გამამართლებელი განაჩენი ან სხვა მუხლით კვალიფიცირდება. ეს იყო საუკეთესო გადაწყვეტილება, რაც პრაქტიკის თვალსაზრისით იქნება ძალიან მნიშვნელოვანი", - აცხადებს "საფარის" იურისტი.
სამი შვილის დედა, 32 წლის ეკა მიქავა, მეზობლის ეზოში მდებარე ნაგებობაში 2019 წლის 28 დეკემბერს ჩამომხრჩვალი იპოვეს.
მომხდარიდან მალევე დანაშაულის ურთიერთსაპირისპირო ვერსიები გავრცელდა: გარდაცვლილის ძმა და მამა სუიციდს გამორიცხავდნენ და ამტკიცებდნენ, რომ ახალგაზრდა ქალი მეუღლემ ჯერ სასიკვდილოდ სცემა, შემდეგ კი მეზობლის ბოსელში ჩამოკიდა. ხოლო მეზობლები, თვითმკვლელობის ვერსიას არ გამორიცხავდნენ. მათი ნაამბობით, ეკა მიქავა ყვირილით თხოვდა დახმარებას მეზობლებს, ერთმა ურჩია ერთ-ერთ სახლში შეეფარებინა თავი და ბოლოს სწორედ იმ ეზოსკენ მიმავალი ნახეს ახალგაზრდა ქალი...
მომხდართან დაკავშირებით შს სამინისტრომ გამოძიება, სსკ-ის 115-ე (თვითმკვლელობამდე მიყვანა) და 126-ე (ოჯახური ძალადობა) მუხლებით დაიწყო. მომხდარიდან მეორე დღეს დააკავეს გარდაცვლილის მეუღლე - ბაკურ სორდია, რომელსაც ზუგდიდის რაიონულმა სასამართლომ 31 დეკემბერს პატიმრობა შეუფარდა.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოიცა ის მეზობლები იდგნენ და უყურებდნენ სეირს? და ხომ ნახეს კიდეც... რა იქნებოდა დახმარებოდნენ და გადაერჩინათ ასეთი ლამა,ი გოგო.....ან 4წელი რა არის? მეზობლებიც უნდა მიუსვა
რა უსამართლობაა - ადამიანის ასეთი გამწარებისა და თვითმკვლელობის იძულების გამო მხოლოდ 4 წელი უნდა დაისაჯოს ეს არაადამიანი?