მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"განათლებულ ხალხს კორონასი გჯერათო? დაგვცინოდნენ, პირბადით რომ დავდიოდით" - საქართველოს მეზობელი ქვეყნები, სადაც ინფიცირებულთა რიცხვი რეკორდებს ხსნის
09:10 / 12-09-2020
სომხეთი "COVID-19"-ის გავრცელების კუთხით, სამხრეთ კავკასიის რეგიონში ლიდერობს. 11 სექტემბრის მონაცემებით, სომხეთში ახალი კორონავირუსით დაღუპული პაციენტების რაოდენობამ 909-ს მიაღწია. ერთ დღე-ღამეში, ინფიცირების 200 შემთხვევა გამოვლინდა.
ჯონს ჰოპკინსის უნივერსიტეტის ცნობით, 6 სექტემბრის მონაცემებით, მას აზერბაიჯანი ასწრებდა, იქ ერთ დღე-ღამეში დაინფიცირებულთა რაოდენობა 350-ს, დაღუპულთა რაოდენობა კი 550-ს აჭარბებდა. თუმცა, არსებობს ეჭვი, რომ აზერბაიჯანის მედია იქ არსებულ ეპიდვითარებაზე სრულ ინფორმაციას არ ავრცელებს.
მთლიანობაში, სომხეთში ინფიცირებულთა რაოდენობა 4550-ზე მეტია, აზერბაიჯანში კი, 37 340-ზე მეტი...
გამწვავებული ეპიდვითარების გამო, სომხეთში საკარანტინო ვადა 2021 წლის 11 იანვრამდე გაგრძელდა. ქვეყანაში აკრძალილია სახმელთო საზღვრიდან შესვლა, დიპლომატების, მათი ოჯახების, სასულიერო პირებისა და სხვა მცირე გამონაკალისის გარდა. აკრძალვა არ მოქმედებს საერთაშორისო გადაზიდვებზე მომუშავე მძღოლებზე.
AMBEBI.GE შეეცადა გაერკვია, როგორია ეპიდვითარება და საზოგადოებრივი განწყობა საქართველოს მეზობელ ქვეყნებში, სადაც კოვიდი-ინფიცირებულთა რაოდენობა ახალ-ახალ რეკორდებს ხსნის...
ჰასმიკ აბრამიანი, სომხეთის მოქალაქე:
- აზერბაიჯანში არ ვიცი, რა ხდება და არც მაინტერესებს, თუმცა, სტატისტიკა ვიცი, რომ ჩვენზე 10 000-ით ნაკლები შემთხვევაა. სომხეთში, ამაზე უარესი დღეებიც გვქონდა, ახლა მაჩვენებელი შედარებით შემცირდა და იმედიც გაგვიჩნდა, რომ მეორე ეტაპიც გადავლახეთ... თუმცა, პირველ და მეორე ეტაპებს შორის ინტერვალი ფაქტობრივად არც გვქონია...
ჩვენს ფონზე, საქართველო ჯერ კიდევ ძალზე ღირსეულად გამოიყურება. იმედია, მასშტაბური ზრდა არ იქნება, თუმცა, ის ყველაფერი, რაც ახლა საქართველოში ხდება, გავლილი გვაქვს. ჩვენი ექიმები ზამთრისთვის კიდევ ერთ ეტაპზე საუბრობენ და ეს ჩვენი ძალზე დასუსტებული ქვეყნისთვის, ძალიან დიდი დარტყმა იქნება. ექიმები გვაიმედებენ, რომ იმ დროისთვის უკვე იმუნიტეტი გვექნება.
- როგორ ფიქრობთ, რამ გამოიწვია ვირუსის ასეთი მასშტაბური გავრცელება?
- ბევრმა რამემ, არც ისე გამართულმა ჯანდაცვის სისტემამ, ყველაზე მეტად დამოკიდებულებამ, რომ "მე ვირუსის არსებობის არ მჯერა...". ეს კატეგორია სომხეთში, სადაც რუსული პროპაგანდა ძალზე ძლიერია, იმაზე მეტი აღმოჩნდა, ვიდრე წარმოვიდგენდი. მე და ჩემი მეუღლე ქუჩაში პირბადეებით რომ გამოვდიოდით, დაგვცინოდნენ, ზოგი ზურგსუკან, ზოგიც - ხმამაღლა, პირდაპირ გვეუბნებოდნენ, განათლებული ხალხი ხართ, ამ ზღაპრების როგორ გჯერათო...
ბოლო ხანებში შეწყდა ასეთი თავდასხმები და ცინიზმი, ახლა პირიქით არის, თუ პირბადის გარეშე დაგინახავენ, მაშინვე თავს გესხმიან, უსაფრთხოების წესები დაიცავითო. თუმცა, რაღა დროსია. ალბათ სწორედ იმიტომ, რომ თავად არ სჯეროდათ და არც ფრთხილობდნენ, უამრავი ასეთი ადამიანი დაინფიცირდა.
საბედნიეროდ, ბევრმა გადალახა და შემდეგ თავს გვარიდებდა. ასევე იყო შემთხვევები, როდესაც ოჯახის ერთი წევრი დაინფიცირდა და სხვებს არაფერი დამართნიათ, ან დავირუსდნენ, მაგრამ უსიმპტომოდ მიმდინარეობდა, მაგრამ არაფრად მიიჩნიეს, თვითიზოლაციის წესებს არ იცავდნენ და გარშემოც გაავრცელეს...
ჩვენი ქალაქის ერთ-ერთ სკოლაში კორონავირუსი 14 მოსწავლეს დაუდგინდა. დიდი ალბათობით მასწავლებლებისგან გადაედოთ. თუმცა, ამბობენ, რომ 15 სექტემბერს სასწავლო პროცესი მაინც დაიწყება... დღემდე არიან ისეთები, ვისაც ამ უმძიმესი რეალობის მიუხედავად, ვირუსის არსებობის მაინც არ სჯერათ.
რობერტ გრიგორიანი:
- ჩემი მეგობარი ერთ-ერთი კლინიკის მთავარი ექიმია და თავადაც გაოგნებული იყო პაციენტების სიჯიუტით. შუახნის მამაკაცი შემოიყვანეს კორონავირუსის დიაგნოზით, საკმაოდ მძიმე ფორმებით, 4 დღე რეანიმაციაში იყო, თუმცა, მაინც არ სჯეროდა, რომ კორონა ჰქონდა, ალბათ გავცივდი და გამიმწვავდაო... ასეთები არაერთი ჰყოლია, არ აღიარებენ არც დასკვნას, არც მკურნალობის პროცესებს, აღარც შედეგებს. არ ვიცი, ასე არწმუნებენ ამაში, მაგრამ იქიდან გამოსულები აცხადებენ, უბრალო გაციება მქონდა, ესენი ხომ ყველაფერს კორონას უწოდებენო...
აზერბაიჯანში უჭირთ იმის დაჯერება, რომ ადგილობრივი ხელისუფლება სტატისტიკას მალავს, თუმცა, იმას არ უარყოფენ, რომ იქ სომხეთთან შედარებით გამართული ჯანდაცვის სისტემაა და დაინფიცირებულიც ნაკლები უნდა ყოფილიყო...
მარატ აბაზოვი:
- სტატისტიკა მზარდია, რადგან ადგილობრივ ნაწილს უჭირს იმის დაჯერება, რომ კოვიდსაფრთხე რეალურია, უსაფრთხოების ნორმებს არ იცავენ, ან მხოლოდ მოჩვენებითად იცავენ, მხოლოდ მაშინ, როდესაც ჯარიმა ემუქრებათ... დადიან დიდი ხნის წინ შეძენილი პირბადით, ჩუმად აწყობენ მასობრივ შეკრებებს, მუდმივად არღვევენ რეგულაციებს, არ იცავენ თვითიზოლაციას.
აქ მხოლოდ იმათ არ ვგულისხმობ, ვისაც საერთოდ არ სჯერა, მათაც, ვისაც სჯერა, მაგრამ ჰგონია, რომ თავად არ დაემართება. არადა, უმრავი ასეთი შემთხვევაა, დაინფიცირდნენ, მაგრამ ეს ძალიან ცოტასთვის არის სიგნალი. ურჩევნიათ, თუნდაც შემოსავალი არ დაკარგონ. ასეთი პირობებში კი, ვირუსის მართვა ძნელია და თუ უახლოეს ჟამებში სანქციები არ გამკაცრდა, ვითარება მუდმივად არასტაბილური იქნება.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რაში გვაინტერესებს სომხეთში რა ხდება ან სომხების აზრი?
ო რა არიან ?არ ეშინიათ იმიტომ რომ 22მილიონი საზღვარგარეთაა და მიდიიიიი