კახეთში კორონავირუსი ექიმს დაუფიქსირდა - ის ერთდროულად თბილისის რამდენიმე კლინიკაში მუშაობს

კახეთში კორონავირუსი ექიმს დაუფიქსირდა. ინფიცირებული ქალი ახმეტის მუნიციპალიტეტის სოფელ აწყურში სტუმრად იმყოფებოდა, რა დროსაც ვირუსის დამახასიათებელი სიმპტომები გამოუვლინდა.

ქალი პროფესიით ექიმია და ის ერთდროულად თბილისის რამდენიმე კლინიკაში მუშაობს.

ამ ეტაპზე მიმდინარეობს კონტაქტის შესწავლა. ადგილზე, სადაც ქალი იმყოფებოდა, ეპიდემიოლოგები მუშაობენ.

ადგილობრივ ხელისუფლებაში აცხადებენ, რომ ვირუსის გამო კახეთში დღეიდან კვლავ ამოქმედდება საკოორდინაციო შტაბი.