მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არ გამიგია, რომ თამარს თავი მოეწამლოს, ან ვენები გადაეჭრას და რომელიმე კლასელს ამდგავარი რამ ეთქვას" - ვის ჩვენებას ასაჯაროვებს ადვოკატი და რას ამბობს დეა კაპანაძეზე
18:50 / 06-09-2020
თამარ ბაჩალიაშვილის ოჯახის ადვოკატი - წარმოვადგენ ჩვენებებს, რომლებიც უკავშირდება შემთხვევის ადგილზე აღმოჩენილ ავტომობილს - მწყემსების ჩვენებებს, რომელიც არსებითად ცვლის სურათს
დეა კაპანაძის მიერ მიწოდებული ყველა ინფორმაცია, რომელიც დაკავშირებული იყო თამარის მხრიდან მანამდე არსებულ თვითმკვლელობის მცდელობასთან აღმოჩნდა სიცრუე, - ამის შესახებ თამარ ბაჩალიაშვილის ოჯახის ადვოკატმა, მიხეილ რამიშვილმა ბრიფინგზე განაცხადა.
რამიშვილმა იმ მოწმეების ჩვენებებიც გააჟღერა, რომლებიც თამარ ბაჩალიაშვილის მხრიდან სკოლაში თვითმკვლელობის მცდელობას უარყოფენ.
"ჩემს მიერ დაკითხულები არიან თამარის კლასელები, რომლებმაც შესაბამისი პასუხი გამცეს: „არცერთ კლასში, არცერთ დროს არ მახსოვს და არც მეგობრებისგან არ გამიგია, რომ თამარს თავი მოეწამლოს, ან ვენები გადაეჭრას და ჩემს რომელიმე კლასელს ამდგავარი რამ ეთქვას,“ - ეს არ არის ერთი ადამიანის ჩვენება, გურამ ჯერანაშვილის. აღნიშნულს ასევე ადასტურებს მოწმე დავით გოგლაძე. ამით კიდევ უფრო ნათლად ჩანს, რომ გამოძიება ამით ცდილობს თვითმკვლელობის ვერსია გაამყაროს დეა კაპანაძის ჩვენებით“, - აღნიშნა მიხეილ რამიშვილმა.
ადვოკატის განცხადებით, პერიოდულად სხვა ჩვენებებსაც წარმოადგენს, რომლებიც საქმის სურათს არსებითად შეცვლის.
"მე პერიოდულობით აუცილებლად წარმოვადგენ დანარჩენ ჩვენებებს რომლებიც უკავშირდება შემთხვევის ადგილზე აღმოჩენილ ავტომობილს, მწყემსების ჩვენებებს რომლებიც არსებითად ცვლის სურათს. კიდევ ერთხელ ვითხოვ პროკურატურისგან, რომ მაქსიმალურად დაჩქარებული ტემპით სატელიტიდან გადაღებული სურათები მოძიებული იყოს“, - განაცხადა მიხეილ რამიშვილმა.
რამიშვილი აცხადებს, რომ თამარ ბაჩალიაშვილის მეგობარი, დეა კაპანაძე ერთ-ერთ ჩვენებაში გამორიცხავდა, რომ თამარ ბაჩალიაშვილი უცხო ადამიანის თხოვნით ან დახმარების მიზნით უცნობ ტერიტორიაზე, თეთრიწყაროს რაიონში წასულიყო.
რამიშვილი თამარ ბაჩალეიშვილის ტელეფონისა და კომპიუტერის მონაცემების აღდგენას ითხოვს.
„მინდა შევეხო რამდენიმე ჩვენებას. ერთ-ერთი არის დეა კაპანაძის ჩვენება, რომელიც ძალიან დიდ კითხვის ნიშნებს აჩენს. ამ შემთხვევაში, ჩვენებებიდან გამოვყოფ რამდენიმე ფაქტს. ერთ-ერთია ის, რომ როცა დეა კაპანაძე დაკითხვაზე მივიდა, საერთოდ არ იყო არანაირ თვითმკვლელობის ფაქტებზე საუბარი. ერთი საინტერესო ფაქტია, კითხვაზე, როგორ შეიძლებოდა თამარი იქ აღმოჩენილიყო, დეამ შემდეგნაირი პასუხი გასცა, რომ თამარი რადგან იყო ძალიან გულჩვილი და ამავდროულად ძალიან მშიშარა ადამიანი, აქედან გამომდინარე, როგორც მისი მეგობარი, გამორიცხავდა, რომ ვიღაცის თხოვნით ან დახმარების მიზნით თამარი წასულიყო მისთვის უცნობ ტერიტორიაზე, ამ კონკრეტულ შემთხვევაში კი თეთრიწყაროს რაიონში, თუმცა, კატეგორიულად გამორიცხავდა, რომ ეს შეიძლებოდა ყოფილიყო მამაკაცი. ანუ, ამ შემთხვევაში დეა კაპანაძე არ გამორიცხავდა, რომ ეს შეიძლებოდა ყოფილიყო მხოლოდ და მხოლოდ მანდილოსანი და ძალიან ახლობელი. თვით მისი მეგობარიც კი ამტკიცებს, რომ გამორიცხული იყო, რომ შინაური ადამიანის მოქმედების გარეშე ვინმეს თამარი გაეყვანა სახლიდან“, - აცხადებს მიხეილ რამიშვილი.
ის ასევე კაპანაძის ჩვენებებში შეუსაბამობაზე ამახვილებს ყურადღებას.
„თავის ჩვენებაში აღნიშნა, რომ თამარის თვითმკვლელობის მცდელობასთან დაკავშირებით ინფორმაცია მიიღო ანა ჭანკვეტაძისგან, ეს გახლავთ თამარის კლასელი, ხოლო მეორე ჩვენებაში აღნიშნავს, რომ თვითმკვლელობის მცდელობის ფაქტის თაობაზე მან არა მისი მეგობრისგან, ანუ, თავისი და თამარი მეგობრისგან - ანა ჭანკვეტაძისგან, არამედ თვით თამარ ბაჩალიაშვილისგან შეიტყო და ეს მოხდა დაახლოებით სამი წლის უკან:
„ხსენებული საუბარი არ მახოვს, თუმცა, მახსოვს რომ თამარმა მომიყვა იმის შესახებ , რომ სკოლის პერიოდში ორჯერ ჰქონდა სუიციდის მცდელობა, ერთხელ მან დაიზიანა ვენები და იხსენებდა, რომ ძალიან რცხვენოდა თანაკლასელების და დაზიანებულ ხელებზე იფარებდა ქურთუკსა და გრძელმკლავიან მაისურებს, რომ ვინმეს არ შეემჩნია მისი დაზიანებები, ხოლო მეორედ დაახლოებით 14 წლის ასაკში, როცა მათ ოჯახში მის მშობლებს შორის მოხდა კონფლიქტი და საქმეში ჩაერთო პოლიცია. თამარს ხსენებული ოჯახური კონფლიქტის გამო დაულევია ძლიერ მოქმედი წამლები თავის მოკვლის მიზნით, რა დროსაც რამდენიმე დღის განმავლობაში იმყოფებოდა კომაში და მკურნალობდა იაშვილის სახელობის კლინიკაში.“
როცა პოლიციის და გამოძიების მხრიდან დაიწყო თვითმკვლელობის ვერსიის გამყარება და ამაზე მთელი ყურადღების მიქცევა, რომ ეს იყო აუცილებლად ჩადენილი თვითმკვლელობა, ეს ჩვენებებიც მხოლოდ და მხოლოდ აქეთ იყო ორიენტირებული“, - აცხადებს რამიშვილი.
ცნობისთვის, თამარ ბაჩალიაშვილი 18 ივლისს გაუჩინარდა. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.
მკითხველის კომენტარები /
21 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვინღა გაბედავს მაგის თქმას თამარის დედა მათაც სესხის აღებასა და შვილის გაქრობაში დაადანაშაულებს. გახდის საჯიჯგნად
ეს ადვოკატი არის სუსტი ან მიზანმიმართულად ახეთქებს აბდაუბდა აზრებს. ამ სტატიიდან ერთს მოვიტან. ბაჩალიაშვილის მშობლებმა იჩხუბეს და პოლიცია ჩაერია. ამბობს კაპანაძე ჩვენებაში. ადვოკატო აბდაუბდების ლაპარაკს გეთქვა,რომ ეს არის ტყუილი ჩხუბი და პოლიციის ჩარევა არ ყოფილა და პოლიციაშიც ვერ მოიძიებთ ამის შესახებ ინფორმაციას. ამით ადვოკატი ამხელდა კაპანაძის ტყუილებს. მაგრამ რა ხდება ისევ აბდაუბდებს უბრუნდება რამიშვილი. რა გამოდის კაპანაძე არ ტყუის? ამ ადვოკატის ასეთი""შეცდომები" ბევრია. მეტი მუშაობა ადვოკატო, თუ გინდა რამე დამაჯერო შენს პროფესიონალიზმში და კეთილსინდისიერება ში.