"დედაჩემთან დარეკა, დედიკო თუ მამიკომ ყვირილი დაიწყო მილიციას გამოუძახე და მიშველეო" - რას ჰყვება გარდაცვლილი 11 წლის ბავშვის და
თერჯოლაში გარდაცვლილი 11 წლის მოზარდის და, რომელიც დედასთან ერთად საბერძნეთში იმყოფება, იმ დღეებს იხსენებს, როდესაც მისმა ძმამ თავი მოიკლა.
ნათია აბჟანდაძის თქმით, არასრულწლოვანმა უცხოეთში მყოფ დედას დაურეკა და დახმარება სთხოვა.
"ჩემი ძმა იყო ჩემს დასთან ასული, მამაჩემი და ბიძაჩემი ასულან და წამოუყვანიათ. ჩემმა ძმამ დაგვირეკა, დედიკო სახლში ვარო, კარგად ვარ, არ ინერვიულო. ახლა გაგითიშავთო და ცოტა ხანს ვითამაშებო.
მერე მამაჩემს დაუწყია ყვირილი, ჩემს ძმას შეშინებია. ამის შემდეგ მამაჩემმა ჩვენთან დარეკა და დედაჩემს ეუბნებოდა, ფულს ხო გამომიგზავნიო. დედაჩემმა თვის ბოლოს ვიღებო და საიდან გამოგიგზავნო ახლაო. შემდეგ დაუწყია სახლში ჩხუბი. ჩემს ძმას შეშინებია და ბიძაჩემთან ასულა.
იქიდან დარეკა ჩვენთან, დედიკო ბიძასთან ვარ, მამიკო ყვიროდა შემეშინდა და გავიქეციო. ბიძიას კარი დაკეტილი აქვს და მამა აქ ვერ მოვაო. მერე თურმე გადასულა მამაჩემი.
შემდეგ ისევ დარეკა დედაჩემთან ჩემმა ძმამ, დედიკო სახლში ვარ თუ მამიკომ ყვირილი დაიწყო მილიციას გამოუძახე და მიშველეო" - ჰყვება "ტვ პირველთან" საუბრისას ნათია აბჟანდაძე.
თერჯოლის მუნიციპალიტეტში მოზარდი გარდაცვლილი 23 აგვისტოს იპოვეს. დაკავებულია გარდაცვლილის მამა.
გამოძიება თვითმკვლელობამდე მიყვანის მუხლით დაიწყო.
"დათო მართავს დალეწილ ორგანიზმს, სადამდეც შეუძლია" - ექიმს, რომელსაც "კომენდანტის საათის" გაუქმებისთანავე ავტომობილი დაეჯახა, დახმარება ესაჭროება
საქართველოს საგარეო უწყება თერჯოლაში გარდაცვლილი 11 წლის მოზარდის დედას საბერძნეთიდან ჩამოსვლაში დაეხმარება
