"თითქოს ძველი ჭრილობა გამეხსნა.." - რას წერს გელა დაიაური შატილის გზაზე მომხდარ ტრაგედიაზე, რასაც 17 ადამიანი ემსხვერპლა
შატილის გზაზე მომხდარ ავტოავარიას, რომელსაც 17 ადამიანი ემსხვერპლა, სამი კი უმძიმეს მდგომარეობაშია, მუსიკოსი გელა დაიაური ეხმაურება:
"ვერც სიტყვით და ვერც საუბრით გადმოვცემ იმ სულიერ სიმძიმეს, რაც მომხდარმა ტრაგედიამ გამოიწვია ჩემში, თითქოს ძველი ჭრილობა გამეხსნა... სამძიმარს ვუცხადებ გარდაცვილთა ოჯახებს და ვუთანაგრძნობ", - წერს დაიაური "ფეისბუქის" პირად გვერდზე.
შეგახსენებთ, 2010 წლის 22 ივლისს მთელი საქართველო შეძრა და დაამწუხრა მუცოს ხეობაში დატრიალებულმა ტრაგედიამ - "ჯიპის" მარკის ავტომობილი, სადაც 10 ადამიანი იჯდა, გზიდან გადავარდა, ავტოკატასტროფამ 7 ადამიანის, მათ შორის - 3 მცირეწლოვანი ბავშვის სიცოცხლე იმსხვერპლა. დაიღუპნენ გელა დაიაურის მეუღლე, ნიჭიერი მომღერალი და პოეტი თეონა ქუმსიაშვილი და მისი ორი ვაჟი - დემეტრე და ჯარჯი, თეონას და - ნათია, გელა დაიაურის მეჯვარე ბერდია არაბული, მისი მეუღლე სოფო ღოღობერიძე და მათი ვაჟი - მამუკა. საუბედუროდ, დემეტრე დაიაური და მამუკა არაბული ადიდებულმა მდინარე არღუნმა გაიტაცა, ვერ იპოვნეს. თვითონ გელა დაიაური, თეონას ძმა თორნიკე ქუმსიაშვილი და დაიაურებისა და არაბულების მეგობარი თეონა ჭინჭარაული გადარჩნენ.
ლაგოდეხის ნაკრძალში ადგილობრივმა 30 წლის მამაკაცმა ლატვიელი ტურისტი გააუპატიურა
"რა ვქნათ, ცოცხალი ადამიანები ვართ, ლაღი ერი ვართ, იტალიელებს და ესპანელებს ვგავართ" - თენგიზ ცერცვაძე ქორწილში მყოფის დაინფიცირებაზე
