5
მაისიდღის ზოგადი ასტროლოგიური პროგნოზი
ბავშვი ძალადობის მსხვერპლი იყო, მამა მასზე ფსიქოლოგიურად და ფიზიკურად ძალადობდა, - ამის შესახებ თერჯოლაში გარდაცვლილი მოზარდის ნათესავები აცხადებენ.
ისინი დამნაშავის უმკაცრესად დასჯას მოითხოვენ.
მათი თქმით, კაცი შვილებზე ფსიქოლოგიურად ძალადობდა, ბოლო ორი დღე კი 11 წლის მოზარდი ფიზიკური ძალადობის მსხვერპლი გახდა - ის მამას სახლში ჰყავდა ჩაკეტილი და გარეთ არ უშვებდა, რომ მომხდარზე არ ესაუბრა.
"საშინელი კაცი იყო. გოგოებზეც ძალადობდა. ბოლო ორი დღე ბიჭი ჰყავდა გამოკეტილი, გარეთ არ უშვებდა, რომ არ მოეყოლა, რა მოხდა. ორი დღის წინ დამირეკა, დეიდა, ცემას გადავურჩიო, ვუთხარი გამოდი-მეთქი და არა, რომ გამოვიდე, მერე თქვენც გეჩხუბებათო", -განაცხადა ბავშვის დეიდამ, ია ბოგვერაძემ.
კითხვაზე, თუკი იცოდნენ, ძალადობის შესახებ, რა მოიმოქმედეს და რატომ არ დაუძახეს პატრულს, ნათესავები აცხადებენ, რომ მათ მამაკაცთან კონფლიქტი ჰქონდათ და მის სახლში მისვლას ვერ ახერხებდნენ.
შეგახსენებთ, რომ შვილის თვითმკვლელობამდე მიყვანის ბრალდებით თერჯოლაში მამა დააკავეს. ნათესავებისგან განსხვავებით, მეზობლები აცხადებენ, რომ მამას 11 წლის შვილთან კარგი ურთიერთობა ჰქონდა და ძალადობის შესახებ არ სმენიათ.
ყველამ ყველაფერი იცის, ყველაფერს ხედავს, დანაშაული რომ მოხდება, მერე ყველა სახეს იხოკავს და ცრემლებს ღვრის..პოლიციის გამოძახება ხომ ,,გრეხია"", ჰოდა კი დაამთავრა სიცოცხლე თვითმკვლელობით 11 წლის ბავშვმა, პოლიციას არ გამოუძახეს და ცემაში მოკლეს ანგელოზივით ბიჭი..... რაოოო, სხვისი ჭირი ღობეს ჩხირი, ხალხოოო?????
მეც ეს კითხვა მიჩნდება – ქალბატონმა დეიდამ რატომ არ მიმართა პატრულს ძალადობის ფაქტზე, როცა ირკვევა, რომ საქმის კურსში იყო?