მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩემი მრავალწლიანი ქრონიკული ბრონქიტი სვანეთის ჰაერმა 5 დღეში განკურნა" - რას წერს ცნობილი ექიმი, რომელიც მესტიაში კარანტინში იმყოფება
19:26 / 15-08-2020
რეპროდუქციული მედიცინის და უშვილობის ცენტრის ექიმი, მანანა მგალობლიშვილი სვანეთში კარანტინში იმყოფება. ამის შესახებ ის სოციალურ ქსელში წერს.
"ეპიდემიოლოგიური მდგომარეობის მკვეთრი გაუარესების გამო, სრულიად მოულოდნელად აღმოვჩნდი სვანეთში 14 დღიან კარანტინში. ბევრი ჩემი პაციენტი, ახლობელი, ნაცნობი თუ უცნობი მწერს და მირეკავს, მეკითხებიან რამე ხომ არ მჭირდება, მთავაზობენ დახმარებას და ა. შ.
დიდი მადლობა ყველას, თბილი მოკითხვისთვის და ყურადღებისთვის, მინდა გითხრათ, რომ ვიმყოფები საუკეთესო სასტუმროში, საუკეთესო პირობებით და არაჩვეულებრივი პერსონალით, რომელიც ისე ზრუნავს ჩემზე და ისეთ კომფორტს მიქმნის, რომ არც კი ვიცი, რა შეიძლება ვინატრო ამაზე მეტი...
მე ხომ საკუთარ თავს არასდროს მივცემდი იმის ფუფუნებას, რომ ასეთი ხანგრძლივი დროით მოვწყვეტოდი სამსახურს და ყოველდღიურ რუტინას. არადა ყოველთვის ვიცოდი, რომ ერთი კარგი ხანგრძლივი დასვენება ნამდვილად მჭირდებოდა, თუნდაც ის რად ღირს, რომ ჩემი მრავალწლიანი ქრონიკული ბრონქიტი, რომელსაც არანაირი მედიკამენტი არ შველოდა, სვანეთის ჰაერმა სულ რაღაც 5 დღეში სრულად განკურნა. ვზივარ ახლა ჩემს მყუდრო ოთახში და ვფიქრობ - ნეტა რა მაკლია კიდევ სრულ ბედნიერებამდე?
სვანეთის ულამაზესი ხედები ჩემი ოთახიდან, მთების, ჩანჩქერების, ბალახებისა და ყვავილების თავბრუდამხვევი არომატით გაჟღენთილი ჰაერი, ამქვეყნიური საზრუნავებისგან ჩამოშორებული და შინაგანი თავისუფლების შეგრძნებით დამტკბარი... დიდი მადლობა ყველას, ყველას, ვინც ასეთი საოცარი მოგზაურობა და შემდეგ კი ისეთი იძულებითი კარანტინი მომიწყო, რომ ვფიქრობ, ჩემი ცხოვრების ეს მონაკვეთი ერთერთ ყველაზე ბედნიერ და დაუვიწყარ პერიოდად იქცევა" - წერს მანანა მგალობლიშვილი.
ცნობისთვის, უწყებათაშორისი საკოორდინაციო საბჭოს 10 აგვისტოს გადაწყვეტილების საფუძველზე, მაღალი ეპიდემიოლოგიური რისკის გამო შეიზღუდა შესვლა-გამოსვლა მესტიის მუნიციპალიტეტში: დაბა მესტიის, ბეჩოს, ეცერის, იდლიანის, იფარის, კალას, ლატალის, ლახამულის, ლენჯერის, მულახის, ნაკრას, უშგულის, ფარის, ცხუმარის, წვირმის, ჭუბერის და ხაიშის ადმინისტრაციულ ერთეულებში.
ადგილზე მიმდინარეობს ღრმა ეპიდკვლევა. არსებული ინფორმაციით, სვანეთში კორონავირუსით აფეთქების მიზეზი თბილისიდან ჩასული ორსული ქალბატონი გახდა.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ყველაფერი იმის ბრალია რომ ყოველწლიულად ძალიან ბევრი ადამიანი იღებდა ვალს და შვებულებას ატარებდა სხვა ქვეყანაში, როდესაც საქართველოს ულამაზესი ადგილები მხოლოდ სურათებში შეიძლება ქონოდათ ნანახი
ქრონიკული მრავალწლიანი ბრონქიტისაგან, რომელსაც თურმე არანაირი წამალი არ შველოდა,სვანეთის ჰაერით 5 დღეში სრულიად განკურნებულა ქალი, რომელიც პროფესიით ექიმია!!!