უკრაინელი რეპერის ცხედარი ცოლმა დაანაწევრა და მაცივარში შეინახა - რუსეთში მომხდარი შემზარავი ტრაგედიის დეტალები

ენდი ქართრაითის სახელით ცნობილი უკრაინელი რეპერი, სანტკ-პეტერბურგში საკუთარ სახლში გარდაცვლილი იპოვეს. სახლი სამართალდამცველებმა ანონიმური ზარის შედეგად შეამოწმეს და იქ ადამიანის დანაწევრებული ცხედარი ნახეს, რომელიც ცნობილი 30 წლის რეპერი აღმოჩნდა.

რუსული მედიის ცნობით, საქმეზე რეპერის ცოლი, 36 წლის მარინე კოხალია დაკავებული, რომელიც ამბობს, რომ მისი ქმარი ოთხი დღის წინ ნარკოტიკების ზედოზირების შედეგად გარდაიცვალა.

ქალის თქმით, არ სურდა, რომ რეპერის გულშემატკივრებს ამის შესახებ გაეგოთ, სწორედ ამიტომ გადაწყვიტა, რომ გარდაცვლილის სხეული დაენაწევრებინა და მისი ნაწილები შეენახა. მარინე კოხალმა სხეულის დანაწევრებული ნაწილები პოლიეთილენის პარკებში გადაანაწილა და მაცივარში შეინახა.

სამართალდამცველთა თქმით, წყვილს ორი წლის შვილი ჰყავს და ქალმა ყველაფერი ბავშვის თანდასწრებით გააკეთა. ყველაფერს უყურებდა ასევე ქალის დედაც, რომელიც შვილს მომხდარის შემდეგ სახლის დალაგებაში დაეხმარა.

რეპერის ნამდვილი სახელი და გვარი ალექსანდრე იუშკო იყო. Komsomolskaya Pravda-ს ცნობით, რეპერის სხეულის ნაწილებში ექსპერტიზამ ნარკოტიკის კვალი ვერ იპოვა, თუმცა ეს ოფიციალური ინფორმაცია არ არის.