16
აპრილიდღის ზოგადი ასტროლოგიური პროგნოზი
რუსეთის სასამართლომ დამნაშავედ სცნო კარელიის "მემორიალის" ხელმძღვანელი, ისტორიკოსი იური დმიტრიევი. ის 3 წლითა და 6 თვით პატიმრობას კოლონიაში მოიხდის. მის წინააღმდეგ კამპანია 2016 წელს დაიწყო. თავდაპირველად დმიტრიევს არასრულწლოვანზე, კონკრეტულად კი გერზე სექსუალური ძალადობა, მოზარდებისთვის პორნოგრაფიული ხასიათის ფოტოების გადაღება და ცეცხლსასროლი იარაღის შენახვა ედებოდა ბრალად, რისთვისაც პროკურატურა დმიტრიევისთვის კოლონიაში 15-წლიან პატიმრობას ითხოვდა, მაგრამ ბოლო სასამართლო დახურულ სხდომაზე, მას იარაღის შენახვის ბრალდება მოუხსნეს.
რუსულ საზოგადოებაში ისტორიკოსის მიმართ აზრი გაყოფილია. დმიტრიევის მხარეს იდგა როგორც ადგილობრივი, ასევე სხვა უცხოური მედია, სხვადასხვა ქვეყნიდან 170-ზე მეტი საზოგადო მოღვაწე, პოლიტიკოსი, ბლოგერი...
მათ შორის იყვნენ ადმიანები, რომლებიც კრემლის პროპაგანდისგან განსხვავებული მსოფლმხედველობით არიან ცნობილი. მაგალითად, სვეტლანა ალექსიევიჩი (მსოფლიოში ცნობილი წიგნების: "ჩერნობილის ლოცვა", "ცინკის ბიჭების", "ომს არ აქვს ქალის სახე" ავტორი), ლია ახიჯაკოვა, გრიგორ ჩხარტიშვილი, დმიტრი ბიკოვი, ბორის გრებეშნიკოვი და სხვები.
rbc.ru-ს ცნობით, მოყვარულმა ისტორიკოსმა, 1990-იან წლებში, სტალინის მმართველობის პერიოდში საიდუმლო პოლიციის "ენკავედეს" მიერ დახოცილი პოლიტიკური პატიმრების სამარხი იპოვა, რომელსაც დიქტატორის დროს რუსეთში, კარელიაში, სანდარმოხის ტყეში მიუჩინეს ადგილი.
"როდესაც ამის შესახებ ისტორიკოსმა განაცხადა, გარკვეული ძალები, რომლებიც ნაციონალისტური იდეებით არიან ცნობილი, მას "საეჭვო პირების" მიერ დაფინანსებულ მეზღაპრეს უწოდებდნენ, რომელიც "ანტირუსულ პროპაგანდას" ემსახურება. თუმცა, დიდი წინააღდეგობის მიუხედავად, მან სტალინის რეპრესიულ რეჟიმზე რამდენიმე წიგნიც გამოსცა"- წერს რუსული მედია, რომლის ცნობითაც, გაყალბებულ სამხილებზე დაყრდნობით შეთხზული ბრალდებები რუსეთში არასასურველი პირების დასაკნინებლად, გასაჩუმებლად და მოსაშორებლად ხელისუფლების მიერ აპრობირებული მეთოდია.
"სხვა თუ არაფერი, მე ვიცნობ იურის, რომელიც თავადაც ბავშვთა სახლის აღზრდილი იყო და მისი ცხოვრების ბედნიერ დასაწყისად მიიჩნევდა იმ დროს, როდესაც ის იშვილეს... ბავშვი, რომელზე ძალადობასაც მას აბრალებენ, მან და მისმა ყოფილმა მეუღლემ თანაცხოვრებისას იშვილეს. სამწუხაროა, რომ მისი მეუღლე ხელისუფლების ბინძურ თამაშებში ჩაერთო და წლებია, ბავშვს იყენებს..." - წერს მისი მეგობარი და მხარდამჭერი ალიკა სმეხოვა.
"პუტინის ხელისუფლებისთვის ის მისაღები პერსონა ვერ იქნება, რადგან ეს არის ადამიანი, რომლის სახლშიც მუდმივად ირეოდნენ ჟურნალისტები, რეჟისორები, უფლებადამცველები, მით უფრო, რომ ის ყოველთვის ღიად საუბრობდა საბჭოთა კავშირზე, პუტინის რეჟიმზე, უკრაინის ომზე" - წერს novayagazeta.ru.
გამოცემის ცნობით, ფინეთის საზღვართან ახლოს, მოყვარული ისტორიკოსის მიერ მიგნებულ სამარხებში, დაახლოებით 7 000 ათასი ადამიანის ნეშტია აღმოჩენილი, რომლებიც იქ რეჟიმის დროს, სხვადასხვა წლებში დახვრიტეს. მათი ზუსტი რაოდენობა უცნობია.
"ფაქტის გადასაფარად და დმიტრიევის მიერ მოპოვებული მასალების მნიშვნელობის შესაცვლელად, 2016 წელს, პირველად ისტორიაში, ადგილზე ჩავიდა კარელიის ადმინისტრაცია, რომელთა მხრიდან გაკეთდა განცხადებები, რომლის მთავარი პათოსი იყო, როგორმე რუსეთის წარსულის უდანაშაულობა წარმოეჩინათ.
თუმცა, დახოცილი ადამიანების გვამებს გვერდი ვერ აუარეს და სანდარმოხის ტყეში მომხდარში, საბჭოთა საიდუმლო პოლიციის გარდა, უცხოელებიც "ჩართეს", ანუ მხოლოდ ჩვენების მიერ კი არ არის დახოცილი, მეორე მსოფლიო ომის დროს, ფინეთის არმიაც უმოწყალოდ უსწორდებოდა საბჭოთა ჯარისკაცებსო..." - წერს novayagazeta.ru.
კრემლის მიერ არაკონტროლირებადი რუსული მედიის ცნობით, რუსეთის ხელისუფლება ვერ გამოსულა სტალინისა და საბჭოთა კავშირის "სიდიადიდან". სტალინის პერსონის მიმართ სიმპათიები იზრდება ახალგაზრდების იმ ნაწილში, რომლებიც თავს "ნაციონალისტებს" უწოდებენ.
"ჯერ კიდევ საბჭოთა კავშირის დროს ვცდილობდი,1940-იან წლებში "დახვრეტილებზე" მეტი ინფორმაცია მომეპოვებინა. თუმცა, დიდი იმედი არ მქონდა, რომ ჩემს ბრძოლას შედეგი ექნებოდა, რადგან ჩვენი ხელისუფლება, მაშინდელი რეჟიმი საერთოდ ყველა კვალის წაშლას ცდილობდა, თითქოს 70 000 ადამიანი არც არსებობდა" - ამბობს ანა იაროვაია გამოცმასთან საუბარში, რომლის ოჯახის წევრიც, სწორედ იმ წლებში დახვრიტა "ენკავედემ", სამხედრო ოფიცრებს, სასულიერო პირებსა და ინტელიგენტებს შორის.
ისტორიკოს დმიტრიევის მიერ დაწყებული მუშაობა იმდენად რეზონანსული იყო, რომ 2017 წელს, როდესაც ადგილობრივი მართლმსაჯულება მის საქმეში დანაშაულების ჩამონათვალს ყოველდღიურად ცვლიდა, ვლადიმირ პუტინმა პოლიტიკური რეპრესიების დროს დაღუპულთა პატივსაცემად მოსკოვში "მწუხარების კედელი" გახსნა.
ცნობისთვის, "ენკავედე" (საბჭოთა კავშირის შინაგან საქმეთა სამინიტროს სახალხო კომისარიატი) საიდუმლო პოლიცია, შემდეგ КГБ-დ, იგივე სახელმწიფო უშიშროების კომიტეტად გადაკეთდა, რომლის მოსწავლეა ვლადიმირ პუტინი და იმ გზას ღირსეულად აგრძელებს.
რის 3 წლით და 6 თვით?! დახვრეტა ამ ნაბ---ზა--- რ ლიბერალ პედოფილს, შეთავსებით "ისტორიკოსს"! ვინც ამას ესარჩლება იმათ სიას რომ გადავხედე იმწუთას დავრწმუნდი რომ დამნაშავეა! ისინი ხომ თავისი სამშობლოს მოძულე, უცხოეთიდან მტრული ძალების მიერ დაფინანსებული მე-5 კოლონის ყველაზე თვალსაჩინო წარმომადგენლები არიან!!! ახლა ეს ამბავი რუსოფილობაში არ ჩამითვალოთ. მე ამ "ისტორიკოსზე" ვლაპარაკობ, მისთვის ის რუსეთი სამშობლოა, იმ ბიკოვისა და სხვა ჩამოთვლილი ნაძირალებისთვისაც, მაგრამ ნაცვლად იმისა რომ დაიცვან სამშობლოს პრესტიჟი და პატივი სცენ თავიანთი ქვეყნის წარსულს, პირიქით მტრობენ და ყველანაირად ხელს უწყობენ სამშობლოს დაკნინებას!
საიდან ასკვნით რომ სტალინის დროინდელია, იქნებ გორბაჩოვის,ტროცკის, ეჟოვის,ხრუშას, და საერთოდ გერმანელი ფაშიზმის დროინდელია. ნაძირლებო