მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გაჩნდა ახალი წყარო - გარდაბნის კლასტერი" - რას უკავშირებენ ექიმები კორონავირუსის შემთხვევების მატებას და რას ამბობენ ინფიცირებულთა წყაროებზე
12:06 / 22-07-2020
დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, კორონავირუსით ინფიცირებულთა 24 ახალი შემთხვევიდან უმრავლესობის წყარო ცნობილია. როგორც მან „ინტერპრესნიუსს“ განუცხადა, ინფიცირებულთა ეს რაოდენობა განგაშისა და პანიკის საფუძველს არ იძლევა, რადგან ამ ეტაპზე სიტუაცია მართვადია.
მან მოსახლეობას მოუწოდა, დაიცვან და გაითვალისწინონ ის აუცილებელი რეკომენდაციები, რასაც სპეციალისტები გასცემენ.
“წყაროების უმრავლესობა ცნობილია - 10 შემთხვევა არის გარდაბნის მუნიციპალიტეტის „გაჩიანის კლასტერიდან“, ხუთი არის დადასტურებულ შემთხვევასთან კონტაქტი, ასევე ცნობილია ყველას წყარო. 7 არის იმპორტირებული შემთხვევა, აქედან 5 სატვირთო ავტომობილის მძღოლია. ორ შემთხვევასთან დაკავშირებით ჯერჯერობით ჩაღრმავებული ეპიდემიოლოგიური კვლევა მიმდინარეობს. შესაბამისად, 24 შემთხვევიდან 22-ის წყარო ცნობილია“, - აცხადებს გამყრელიძე.
მისი თქმით, კორონავირუსით ინფიცირების 24 ახალი შემთხვევა განგაშისა და პანიკის საფუძველს არ იძლევა. როგორც გამყრელიძე განმარტავს, მთავარია, რომ ვირუსი ადრეულ ეტაპზე გამოვლინდეს და სიტუაცია იმართებოდეს.
„განგაშისა და პანიკის საფუძველს ნამდვილად არ იძლევა, რადგან 24 ახალი შემთხვევა არ არის იმდენი, რომ ვერ იმართებოდეს, მაგრამ საყურადღებოა. სამწუხაროდ, ქვეყანაში მოდუნდა მოსახლეობის ყურადღება და იმ რეკომენდაციების დაცვა, რომელსაც ჯანდაცვის სექტორი იძლევა. ამიტომ ყველა ფრთხილად უნდა ვიყოთ, რადგან ინფექცია არ გამქრალა, ჩვენთან ერთად არის. ვირუსს ვმართავთ, მაგრამ ყველა წესის დაცვაა საჭირო: პირბადის ტარება, სოციალური დისტანცირება, საზოგადოებრივი თავშეყრის ადგილებისთვის თავის არიდება, პირადი ჰიგიენის ნორმების დაცვა. ეს ყველაფერი აუცილებელია და დიდხანს საჭირო იქნება. 15, 20, 30 შემთხვევა არ გახლავთ ის რაოდენობა, რომელიც არ იმართება. ეს მოსალოდნელი იყო, რადგან რეგულაციების შემსუბუქება როდესაც იწყება, ყველა ქვეყანაში იგივე მოხდა, გარკვეულწილად ახალ ინფიცირებულთა ზრდა შეინიშნება. მთავარია, ინფიცირებულთა ზრდა კონტროლს ემორჩილებოდეს. აუცილებელია, თითოეულ ადამიანს ადრეულ ეტაპზე ვავლენდეთ, ვუზრუნველყოფდეთ მათ მკურნალობას, რათა ინფექციის შემდგომი გავრცელება არ მოხდეს. მთავარია, სიტუაციას ვმართავდეთ. ეს რიცხვები საგანგაშო და სახიფათო არ არის, მაგრამ საყურადღებოა“,- აცხადებს გამყრელიძე.
მისი განმარტებით, კორონავირუსის გავრცელების პრევენციის მიზნით გარდაბნის მუნიციპალიტეტში ზომები უკვე გამკაცრდა და გააქტიურდა მოსახლეობის თერმოსკრინინგი.
„გარდაბნის მუნიციპალიტეტში ზომები გუშინ გამკარცდა. სამ სოფელში მიმდინარეობს ინტენსიური თერმოსკრინინგი. ასევე, გუშინ უკვე დაახლოებით 350-მდე მოსახლე გამოიკვლიეს დამატებით. დღეს, ხვალ და ზეგ გაფართოებული კვლევები მიმდინარეობს, რომ გაჩიანის დასახლების მცხოვრებნი გამოვიკვლიოთ. კიდევ ერთხელ უნდა მოვუწოდოთ მათ, რომ აუცილებელია გამოკლევა. კვლევებზე მათი დაყოლიება რთულია. აუცილებელია, ექიმების მოწოდებას დაემორჩილონ და გამოვიკვლიოთ. გამოკვლევის ეტაპზე 10 ინფიცირებული უკვე გამოვლინდა. სწრაფად მოხდა მათი იზოლირება და სამკურნალო დაწესებულებაში გადაყვანა. რაც სწრაფად გამოვავლენთ, უფრო მალე ჩავახშობთ ამ ეპიდ აფეთქებას, რაც გაჩიანის დასახლებაში გვაქვს“, - აცხადებს გამყრელიძე.
არ მგონია, რომ არსებული სიტუაცია ძალიან გაფუჭდეს, - ამის შესახებ ინფექციური საავადმყოფოს კლინიკურმა დირექტორმა, მარინა ეზუგბაიამ ჟურნალისტებს განუცხადა.
მისი თქმით, ქვეყანაში ახალი, „გარდაბნის კლასტერია“ და შემთხვევების მატება მოსალოდნელი იყო.
„ჩვენი პიკური პერიოდები ყოველთვის დაკავშირებული იყო ერთ დიდ კლასტერთან. ახლაც ასეთი სიტუაციაა. მინდა, რომ ამ სიტუაციას არ გასცილდეს. ახლა გვყავს გარდაბნის რაიონის კლასტერი. ოთხი სოფელია, მცხოვრებთა რაოდენობა 7 ათასზე მეტია. შემთხვევების მატება, ალბათ, მოსალოდნელი იყო, რადგან გაჩნდა ახალი წყარო. ამ მუნიციპალიტეტის კვლევა გაგრძელდება და თუ დაწესებულ რეგულაციებს მოსახლეობა შეასრულებს, არ მგონია, რომ გასცილდეს ამ ახალ კლასტერს“, - განაცხადა ეზუგბაიამ.
ცნობისთვის, საქართველოში კორონავირუსის 24 ახალი შემთხვევა გამოვლინდა და ჯამში, ინფიცირებულთა რაოდენობა 1073-მდე გაიზარდა. რაც შეეხება გამოჯანმრთელებულებს, მათი რიცხვი 4-ით გაიზარდა და 907-ს შეადგენს. კორონავირუსის შედეგად ქვეყანაში 16 პაციენტი გარდაიცვალა.
მკითხველის კომენტარები /
24 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს გარდაბანი რა გახდა ამისთანა. ჩაკეტეთ და ეგაა
ჯერ იყო მარნეი მერე ბოლნისი ეხლა გარდაბანო. მინდა ვთხოვო აზერბაიჯანულ მოსახლეობას. თუ შეიძლება უფრო მეტათ დავიცვათ ჰიგიენა ხელების ხშირი ბანვა. ვირუსის პირველი მტერია.