მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გიორგის თავის ქალა აქვს ჩამტვრეული..." - რა დეტალებზე საუბრობს ოჯახის ახლობელი და ვინ დარეკა შემთხვევის ადგილიდან 112-ში
21:28 / 23-06-2020
19 წლის გიორგი შაქარაშვილს დაზიანებების აქვს მიყენებული თავის არეში, თავის ქალა აქვს ჩამტვრეული. ამის შესახებ ტელეკომპანია "პალიტრანიუსის" გადაცემა "360 გრადუსში" შაქარაშვილის ოჯახის ახლობელმა ნიკა ჯაჭვაძემ განაცხადა.
თუმცა, როგორც ის ამბობს, ამ ეტაპზე დაზუსტებული არ არის, როგორ მიიღო გიორგიმ ეს დაზიანებები - რაიმეს ჩარტყმით თუ გადავარდნით.
"გუშინ გიორგი რომ გადმოვასვენეთ სახლში, მე პირდად ვერ შევძელი იქ ასვლა. ბიჭები ვინც იყვნენ ამბობენ, რომ თავის ქალა აქვს ჩამტვრეული და დაზიანებები აქვს მიყენებულიო. ოღონდ ეს თავის ქალის გატეხვა რაიმეს ჩარტყმას უკავშირდება, გადავარდნას თუ დაცემას, ეს ჯერ არ ვიცით.
რაც შეეხება ყურის არქონის ვერსიას, არ ვიცი ამაზე. ჩემთან გაიჟღერა იმანაც, დიდი ხანი რომ იყო წყალში, შეიძლება თევზებმა მიაყენეს დაზიანებებიო, მაგრამ ასე მთლიანი ყური... ერთი ვარიანტია, რომ შეიძლება ჯებირიდან გადახტა და იქ ხო არ დაიმტვრათქო, მაგრამ არის მეორე ვარიანტი, რომ ფიზიკური დაპირისპირების დროს რაიმე ჩაარტყეს" - აღნიშნა ნიკა ჯაჭვაძემ.
გარდაცვლილის ახლობელს აეჭვებს გადავარდნის ვერსია, რადგან როგორც ის ამბობს, ამ შემთხვევაშიც კი მდინარეში ვერ მოხვდებოდა. ჯაჭვაძის განმარტებით, ხიდიდან გადავარდნილ ადამიანს მდინარემდე ხეები, ბუჩქები და ნაგავი გააჩერებდა.
"ჩვენ ვიყავით ადგილზე მისული. ადამიანი რომ გადავარდეს იქიდან, უნდა დაგორდეს, რა დროსაც დაიმტვრევა. ყველაზე მთავარი - წყალთან ამ შემთხვევაში ვერც მიაღწევს, რადგან იქ ბუჩქები, ხეები და ნაგავია.. ეს ყველაფერი ადამიანს გააჩერებს. მეორე - როდესაც დაბლა ჩადიხარ, სადაც უკვე სწორდება ტერიტორია, 50 მეტი მაინც არის ფეხით სასიარულო. ანუ იქ ჩავადრნილი ადამიანი შუაღამეს გზას ვერ გაიკვალავს ისე, რომ მივიდეს მდინარესთან... ეს სისულელეა.
არც იმ ვერსიის მჯერა, რომ გასაქცევად მდინარის გადალახვა მოისურვა. ბავშვს პანიკურად ეშინოდა წყლის. აუზზე რომ წასულან მეგობრები, იქაც კი არ ჩამოდიოდა" - განაცხადა ნიკა ჯაჭვაძემ.
მან კიდევ ერთი მნიშვნელოვანი დეტალი გააჟღერა. როგორც გარდაცვლილის ოჯახის ახლობელი ამბობს, საქმეში შესაძლოა კიდევ ერთი მოწმე იყოს, რომელმაც 112-ში დარეკა.
"პირველადი ვერსიით, პირველივე დღეს რომ ჩავედით, ვინმე ფოტოგრაფს ახსენებდნენ, რომელიც თურმე ხიდის ქვეშ იმალებოდა. მერე იყო ვერსია, რომ ნანგრევებში იმალებოდა ეს ფოტოგრაფიო. საერთო ჯამში გამოვიტანეთ აზრი, რომ იქ მესამე ადამიანი ფიგურირებს და შეიძლება ეს ფოტოგრაფია, გურის და გიორგის გარდა ერთი მოწმე კიდევ. ბავშვების მონაყოლით, ეს ფოტოგრაფი ამბობს, პოლიციაში მე დავრეკეო.
შეიძლება ასეც იყო, მაგრამ გიორგის დედა ამბობს, ბავშვი რომ დაიკარგა და პოლიციაში მივედით, იქ არ უთქვამთ, რომ მანამდე ვინმემ დარეკა და საქმის კურსში ჩააყენაო" - აღნიშნა ჯაჭვაძემ.
19 წლის გიორგი შაქარაშვილს მაშველები და ახლობლები 19 ივნისიდან ეძებდნენ. ცნობილია, რომ ფეხბურთელი წვეულებაზე მცხეთაში იმყოფებოდა, სადაც ჩხუბი მოხდა. ამის შემდეგ დაიკარგა მისი კვალი. 20 ივნისს მიღებულ იქნა გადაწყვეტილება ზაჰესის დამბის გახსნისა და ჟინვალჰესის დამბის დაკეტვის შესახებ. 4-დღიანი უწყვეტი საძიებო სამუშაოების შედეგად, მყვინთავებმა შაქარაშვილის ცხედარი მდინარე არაგვში გუშინ იპოვეს.
მკითხველის კომენტარები /
34 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ ტრაგედიის ფონზე პოლიტიკა მძიმე თემაა, მაგრამ ეს ამბავი გადაიყოლებს მავანს, მსგავსი ბარდაგის დაშვება დანაშაულია, ეს არ უნდამომხდარიყო ჯანსაღ სიციუმში, კრიმინალს ნულოვანი ტოლერანტობა.
საქართველოს ხელისუფლების ძალოვანი უწყებები ყველაფერს გააკეთებენ დამნაშავეების გამოსავკენად !