მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მეღვინეობა ხარებას" ღვინის სამყარო თერჯოლაში - 8 000-წლიანი ტრადიციული მეღვინეობისა და 21-ე საუკუნის შეხვედრის ადგილი
16:07 / 03-06-2020
იმერეთში, „მეღვინეობა ხარებას“ თერჯოლის ღვინის მარანში ერთმანეთს 8 000-წლიანი ტრადიციული მეღვინეობა და 21-ე საუკუნის მიღწევები ხვდება. სწორედ ამ მარანში მზადდება 50-მდე სახეობის ღვინო, რომელიც შემდეგ მსოფლიოს 20-ზე მეტ ქვეყანაში იგზავნება. თერჯოლის ღვინის მარანი იმითაცაა გამორჩეული, რომ სწორედ აქ ხორციელდება იშვიათი ქართული ჯიშების გაშენება, დანერგვა და შემდეგ წარმოებაში შემოტანა, რაც უიშვიათესი და ხშირად თითქმის დაკარგული ქართული აბორიგენული ჯიშების აღორძინებისა და გაცოცხლების მიზნით კეთდება.
"მეღვინეობა ხარება" დღეს ღვინის ინდუსტრიის ერთ-ერთი ლიდერია, შესაბამისად დავინტერესდით, მათ წინაშე არსებული გამოწვევებით, რაც მიმდინარე მოვლენებმა განაპირობა და რაც ზოგადად ღვინის ინდუსტრიისთვისაც უმნიშვნელოვანესია, რათა შენარჩუნდეს ქართულ ღვინოზე მოთხოვნის ზრდის დინამიკა. ამ და სხვა საინტერესო საკითხებზე "მეღვინეობა ხარებას“ თერჯოლაში ვესტუმრეთ.
ხარებას ღვინო ქართული და ევროპული მეთოდებით, როგორც დასავლეთ, ისე - აღმოსავლეთ საქართველოში იწარმოება. კომპანიის საკუთრებაში კი დღეისათვის 1 500 ჰექტარი მიწაა, სადაც უნიკალური ქართული და ევროპული ვაზის ჯიშებია გაშენებული.
"მეღვინეობა ხარებას“ მთავარი მეღვინე და საერთაშორისო გაყიდვების ხელმძღვანელი, ვლადიმერ კუბლაშვილი გვესაუბრება:
"ხარებას საკოლექციო ნაკვეთში აბორიგენული ქართული ჯიშებია გაშენებული, ვამაყობთ ჩვენი იშვიათი ქართული ვაზის ჯიშებით. გამოვარჩევდი კრახუნას, ციცქას, ქისს კახეთიდან. სწორედ ჩვენ დავიწყეთ მივიწყებული ქართული ვაზის ჯიშების გაშენება და ეს იმდენად პოპულარული გახდა, რომ სხვა კომპანიებმაც აგვიბეს მხარი.
დღესდღეობით, თითქმის მივიწყებული, გადაშენებული ქართული ვაზის ჯიშებისგან უკვე ვქმნით პროდუქტს, რომელიც არა მხოლოდ საქართველოს მომხმარებელს შეუძლია დააგემოვნოს, არამედ, ექსპორტზეც გაგვაქვს“, - ამბობს კუბლაშვილი.
"მეღვინეობა ხარებას" საწარმოო პროცესი აბსოლუტურად გათანაბრებულია მსოფლიოს წამყვანი ქვეყნების წარმოების სტანდარტებთან, მეტიც, ქართული ტრადიციული მეთოდიკისა და ტექნოლოგიების სანახავად მსოფლიოს სხვადასხვა ქვეყნებიდანაც ხშირად სტუმრობენ „მეღვინეობა ხარებას“, რათა ქართული ღვინის კომპანიის საწარმოო პროცესის მრავალფეროვან მეთოდოლოგიას გაეცნონ და სპეციალისტებს შორის გამოცდილებების ურთიერთგაზიარება მოხდეს.
შესაბამისად, საქართველოში „მეღვინეობა ხარებას“ მარანი ერთ-ერთ ყველაზე თანამედროვე აპარატურითაა აღჭურვილი და პროფესიონალი კადრებითაა დაკომპლექტებული:
"ხარებას მეღვინეების ცოდნა, თანამედროვე ტექნიკური მხარდაჭერა და კომპანიის ნოუ-ჰაუ განაპირობებს იმ სინერგიას, რითაც იქმნება საერთაშორისოდ აღიარებული, მაღალხარისხოვანი პროდუქტი, რომელსაც ბოლო ათწლეულის განმავლობაში 200-ზე მეტი მსოფლიო დონის ჯილდო და აღიარება აქვს მოპოვებული" - აცხადებს ბატონი ვლადიმერ კუბლაშვილი.
თერჯოლის მარანში ღვინის ნამდვილი სამყარო იშლება - აქ ღვინის წარმოება რამდენიმე მეთოდით მიმდინარეობს და "მეღვინეობა ხარებას“ პროდუქციის განსაკუთრებულობა და უმაღლესი ხარისხიც, სწორედ მის მიერ შემუშავებულ და აპრობირებულ ღვინის დაყენების მრავალფეროვან მეთოდოლოგიაშია. ამას კი ემატება ვაზის განსაკუთრებული მოვლისა და შემდეგ თითოეული ღვინისათვის ყურძნის სელექციური შერჩევის პროცესი, რაც დიდ საწარმოო სირთულეებთანაა დაკავშირებული, თუმცა პროდუქციის უნიკალურ და უმაღლეს ხარისხს განაპირობებს.
მაგალითისათვის, კომპანიის პრემიუმ კლასის ღვინოები ფრანგულ მუხის კასრებში, 12 თვის განმავლობაში ძველდება. ღვინის ამ სახეობებისთვის "მეღვინეობა ხარებას" განსაკუთრებული საექსპორტო ბაზრები აქვს განსაზღვრული.
თერჯოლაში იწარმოება ასევე ერთ-ერთი გამორჩეული და ლიმიტირებული ოდენობის მონასტრის ღვინო, რომლის წარმოებისთვის „ხარება“ ქვევრში დაყენების უძველეს ტრადიციას მიმართავს - ქვევრში „ხარება“ 10-ზე მეტ სახეობის ღვინოს აწარმოებს, როგორც კახური, ისე - იმერული ჯიშებისგან.
აქვე, ღვინის დაყენება თანამედროვე ტექნოლოგიით, შთამბეჭდავი მასშტაბის ინფრასტრუქტურის დახმარებით ხდება - ამას კი საერთაშორისო, ე.წ. ევროპული წესი ეწოდება.
"მეღვინეობა ხარებას“ პროდუქცია ექსპორტზე 20-ზე მეტ ქვეყანაში გააქვს და საექსპორტო ბაზრების დივერსიფიცირებაზეც მუდმივად მუშაობს. იქიდან გამომდინარე, რომ ღვინის ექსპორტი, საქართველოს მთლიან საექსპორტო წილის დაახლოებით 10%-ს მოიცავს, ლოგიკურია რომ ჩვენს ქვეყანაში ღვინოს „ქვეყნის ელჩს“ უწოდებენ.
კომპანიის მარკეტინგის ხელმძღვანელის, ვლადიმერ ციმაკურიძის თქმით, კომპანიას კორონავირუსის პანდემიის პირობებში, შიდა ბაზარზე გაყიდვების გარკვეული დროით შეჩერება და ამ პერიოდში ექსპორტზე გაორმაგებული აქცენტირება და ძალისხმევა მოუწია:
"წლის დასაწყისიდან, მსოფლიოში მიმდინარე მოვლენების ფონზე, კომპანიის სამოქმედო სტრატეგიის გადახედვისა და ძალიან სწრაფი გადაწყვეტილებების მიღების აუცილებლობა დადგა. დავიწყეთ ფიქრი იმაზე, როგორ დავრჩენილიყავით კონტაქტზე ჩვენს მომხმარებელთან. თბილისისა და შემდეგ, მთლიანი საქართველოს მასშტაბით ავამუშავეთ ონლაინ პლატფორმები, რასაც ასევე დაემატა ჩვენს საექსპორტო ბაზრებზე პარტნიორების დახმარებით ონლაინ სავაჭრო პლატფორმების განვითარება და დისტანციური გაყიდვების ამუშავება.
ორმაგი ძალისხმევით მოგვიწია, გავაქტიურებულიყავით საექსპორტო ბაზრებზე და ის მარკეტინგული ღონისძიებები, რომელიც შესაძლებელი იყო, რომ კორონავირუსის პირობებში გვეწარმოებინა, ფაქტობრივად, სწორედ საექსპორტო ბაზრებისკენ მივმართეთ. ამას დაემატა ისიც, რომ ახალი ბაზრების მოძიება აქტიურ რეჟიმში დავიწყეთ და საგრძნობლად გავზარდეთ მარკეტინგული კომუნიკაციის მასშტაბები და ინტენსივობა გარე ბაზრებზე. შედეგად, მაინც შევინარჩუნეთ გაყიდვების ზრდის დინამიკა და ამასთან ერთად ახალი პერსპექტივებიც გაჩნდა კომპანიის სამომავლო გეგმების და სამოქმედო სტრატეგიის დასახვის კუთხით“, - აღნიშნავს ციმაკურიძე.
ამჟამად კომპანიის მთავარი სამზადისი ადგილობრივი და ტურისტული ნაკადების ხელახლა მიღებას უკავშირდება - „ხარება“ მომხმარებლებს განახლებული შეთავაზებებით, სიახლეებით და სერვისებით ხვდება.
"მეღვინეობა ხარებას“ დიდი სამომავლო გეგმები აქვს - ტურისტული ინფრასტრუქტურის განვითარების, პროდუქციის ასორტიმენტის ზრდის და საკუთარი სავაჭრო-სარეალიზაციო ლოკაციების გაფართოების მიმართულებით, რაც განპირობებულია კომპანიისა და ბრენდის კიდევ ერთი ძლიერი მარკეტინგული სტრატეგიული ჩანაფიქრით, რომ "მეღვინეობა ხარება" საკუთარი მრავალფეროვანი პროდუქციითა და უმაღლესი ხარისხით, ქვეყნის ფარგლებს გარეთ პოზიციონირებდეს, როგორც საქართველოს, მისი ტრადიციებისა და კულტურის ელჩი, ხოლო საკუთარ ქვეყანაში იყოს ნებისმიერი სტუმრისათვის ნომერ პირველი და საუკეთესო მასპინძელი და ღვინის მიმწოდებელი ბრენდი.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წარმატებები ქველმოქმედებით გამორჩეულ კომპანიას......
საოცრად დახვეწილია მათი ღვინოები. წარმატებები ამ ეროვნულ საქმეში!