მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ღამით ათობით მანქანა ეზიდება ხეებს" - ძამას ხეობაში, ყინწვისის მონასტერთან ახლოს, ტყეს ჩეხავენ
09:20 / 03-06-2020
ძამას ხეობაში, ყინწვისის მონასტერთან ახლოს, ტყეს ჩეხავენ. ამის შესახებ AMBEBI.GE-ს ადგილობრივებმა მიაწოდეს ინფორმაცია. მათი თქმით, ხეობის მრავალფეროვნებით გამორჩეული ტყე, სავარაუდოდ, უკანონოდ იჩეხება. წყარო, რომელმაც ანონიმურად დარჩენა ისურვა, გვიყვება, რომ ღამის საათებში, ტყიდან მოჭრილი ხეები მანქანებს ყოველდღიურად გააქვთ.
- ძალიან დიდი ხანია ეს ხდება ძამას ხეობაში. დარწმუნებული ვარ, უკანონოდ ჩეხავენ ამ ულამაზეს ხეობას. რომ ჩამოხვიდეთ და ნახოთ, მაშინვე მოგხვდებათ თვალში შეთხლებული ტყის მასივი. ვიცი, რომ გარკვეულ ტერიტორიაზე ლიცენზია არის გაცემული, მაგრამ შეუძლებელია ამ ოდენობის ხეებზე იყოს გაცემული ნებართვა.
წარმოიდგინეთ, ყოველდღიურად, თანაც ღამის საათებში ათეულობით მანქანა ეზიდება ტყიდან ხეებს. როგორც იცით, ხეობაში მთლიანად ეკლესია-მონასტრებია გაშენებული. ადგილობრივი მოსახლეობა თითქმის არ არის, მხოლოდ რამდენიმე ოჯახია შემორჩენილი. შესაბამისად ეს ტყეები და საძოვრები ძირითადად ბერებს ეკუთვნით. ახლა კიდევ რომ მიიერთებენ ახალი რეგულაციით 20 ჰექტარს, სულ მაგათ საკუთრებაში გადავა მთელი ტერიტორია. ამით იმის თქმა მინდა, რომ შეუძლებელია მათ არ ჰქონდეთ ინფორმაცია ამ ფაქტთან დაკავშირებით. მათი ნებართვის გარეშე ამას ვერავინ გააკეთებს" - გვიყვება რესპოდენტი.
ინფორმაციის გადამოწმების მიზნით დავუკავშირდით შესაბამის სახელმწიფო უწყებებს. ქარელის მუნიციპალიტეტში გვითხრეს, რომ ამ შემთხვევასთან დაკავშირებით ინფორმაცია ვერ ექნებათ, რადგან ასეთი ფაქტები ადგილობრივ ხელისუფლებას არ ეხება. იგივე განგვიცხადეს სატყეო საააგენტოს შიდა ქართლის სამსახურშიც.
ფაქტის შესახებ ინფორმაციას არც გარემოს დაცვის ზედამხედველობის დეპარტამენტში ფლობენ. თუმცა როგორც უწყებაში გვითხრეს, საკითხის შესწავლას დაუყონებლივ დაიწყებენ.
უწყების ბიომრავალფეროვნების კონტროლის სამსახურის ხელმძღავენლმა მაია ჩხობაძემ AMBEBI.GE-სთან საუბარში აღნიშნა, რომ ძამას ხეობაში ხე-ტყის უკანონო ჭრის ფაქტები აქამდეც გამოვლენილა, თუმცა ამ კონკრეტულ შემთხვევაში შესაძლოა საქმე უკანონობასთან არ გვქონდეს, რადგან ხეობის გარკვეულ ტერიტორიაზე ტყის ჭრის ლიცენზიებია გაცემული.
"ძამას ხეობაში ეროვნული სატყეო სააგენტოს მიერ გამოყოფილია სპეციალური ადგილები, გაცემულია ლიცენზიები და ხდება ხე-ტყის დამზადება ადგილობრივი მცხოვრებლების სოციალური ინტერესების გათვალისწინებით. თუმცა, ამ კონკრეტულ შემთხვევაში შესასწავლია, რასთან გვაქვს საქმე.
გარემოს დაცვის ზედამხედველობის სასამხური ორი მიმართულებით ახორციელებს მონიტორინგს: დაგეგმილი შემოწმებები და მონიტორინგი უწყვეტ რეჟიმში, ყოველდღიური 24-საათიანი პატრულირებით. ასევე მოქმედებს ცხელი ხაზი - 153, რაც არის მთავარი ბერკეტი იმისა, რომ ჩვენმა უწყებამ შეიტყოს სავარაუდო კანონდარღვევის შესახებ. არცერთი ზარი რეაგირების გარეშე არ რჩება. ჩვენი ჯგუფები ყველა შემოსულ ინფორმაციას ამოწმებენ და სწავლობენ.
ამ კონკრეტულ შემთხვევაშიც რაც ძამას ხეობას ეხება, მოხდება ფაქტის შესწავლა და სამართალდარღვევის შემთხვევაში გატარდება შესაბამისი სანქციები. რაც ითვალისწინებს როგორც ფულად ჯარიმას, ასევე სისხლის სამართლის პასუხისმგებლობას, გარემოზე მიყენებული ზარალის ოდენობის მიხედვით. ჩვენ გვქონია ხე-ტყის უკანონო ჭრის ფაქტები ძამას ხეობაში, ასეთი ფაქტები აქამდე გამოვლენილა, მაგრამ ეს კონკრეტული შემთხვევა შესასწავლია" - ამბობს მაია ჩხობაძე.
AMBEBI.GE დაუკავშირდა ქარელის სამების საკათედრო ტაძრის წინამძღვარსა და გიორგი მთაწმინდელის სახელობის გიმნაზიის ხელმძღვანელს მამა სტეფანეს (გიორგი კორინთელი). სასულიერო პირის განმარტებით, ბერებს საეჭვო არაფერი შეუნიშნავთ:
"რამე რომ საეჭვო და ყურადღებამისაქცევი ყოფილიყო, ნამდვილად არ გამოგვეპარებოდა. გვეცოდინებოდა უკვე. ჩვენ ისეთი სახელმწიფო გვაქვს, რომ ასეთ უკანონობას ვერავინ გაბედავს. არანაირი საეჭვო ავტომობილები არ იქნება დარწმუნებული ვარ. ტყეების უკანონო ჭრას არ მივესალმები, მაგრამ ამ კონკრეტულ ფაქტზე არაფერი გვსმენია" - განაცხადა გიორგი კორინთელმა.
გარემოს დაცვის ზედამხედველობობის დეპარტამენტის მიერ AMBEBI.GE-სთვის მოწოდებული ინფორმაციის მიხედვით 2020 წლის დასაწყისიდან დღემდე საქართველოს მთელ ტერიტორიაზე ხე-ტყის უკანონო ჭრის 680 შემთხვევაა გამოვლენილი, აქედან 67 შემთხვევა შიდა ქართლში. რაც შეეხება ხე-ტყის უკანონო ტრანსპორტირებას, მიმდინარე წლის განმავლობაში ასეთი სულ 563 ფაქტი დაფიქსირდა.
მკითხველის კომენტარები /
32 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვიდეოკადრის აღება სირთულეა?
ეჰ, აბა ტყეებს ეკლესია-მონასტრებს იმიტომ ვაძლევთ, უკეთ რომ მოუარონო