"დიდი სტრესი ჰქონდა... აღიქვამდა, რომ ეს მის გამო მოხდა" - ნიკოლოზ გამყრელიძის თქმით, "გეფას" დირექტორს უკვე ორი თვეა COVID-19 უფიქსირდება
"გეფას" დირექტორი, რომელსაც კორონავირუსი ორი თვის წინ დაუდასტურდა, კვლავ ინფექციურ საავადმყოფოში მკურნალობს და "პისიარ ტესტზე" მისი პასუხი სუსტად დადებითი ამოდის.
ამის შესახებ დაავადებათა კონტროლის ეროვნული ცენტრის ხელმძღვანელის შვილმა ნიკოლოზ გამყრელიძემ განაცხადა, რომელიც სწორედ "გეფას" დირექტორისგან დაინფიცირდა.
"ძალიან განიცდიდა ისიც ამ ყველაფერს. როგორც ვიცი, მასთან ვირუსი უსიმპტომოდ მიმდინარეობს, უბრალოდ ტესტზე ამოდის სუსტად დადებით პასუხი, თითქმის ორი თვეა ასეა.
საკმაოდ დიდი სტრესი ჰქონდა, რადგან აღიქვამდა, რომ ეს მის გამო მოხდა. დანაშაულის განცდა ჰქონდა, თუმცა მანაც არ იცოდა, რომ ის იყო დაინფიცირებული" - აღნიშნა გამყრელიძემ "ტვ პირველის" ეთერში.
ცნობისთვის, ნიკოლოზ გამყრელიძეს კორონავირუსი 7 მარტს დაუდასტურდა. როგორც მოგვიანებით გაირკვა, ის "გეფას" დირექტორისგან დაინფიცირდა. გამყრელიძემ ინფექციური საავადმყოფო 26 დღიანი მკურნალობის შემდეგ დატოვა.
"პლანქველინი აუცილებლად დარჩება" - რა ცვლილებები იგეგმება საქართველოში კორონავირუსის მკურნალობის მეთოდებში
"მტკიცებულება არ არსებობს, რომ სტრესმა გამოიწვია მისი გამოჯანმრთელების გახანგრძლივება" - რას ამბობს მარინა ეზუგბაია "გეფას" დირექტორზე
