მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორია ცხოვრება ესტონეთის "კორონას კუნძულზე" - "ჩვენ დახმარება გვჭირდება"
11:59 / 15-04-2020
ესტონეთში, კუნძულ სარემას ადგილობრივებმა "კორონას კუნძული“ შეარქვეს, რადგანაც ის ქვეყანაში ვირუსის გავრცელების თვალსაზრისით, ყველაზე ცხელი წერტილია და კარანტინის ყველაზე მკაცრი ზომები მოქმედებს.
როგორც BBC-ის მიერ მომზადებულ სიუჟეტშია აღნიშნული, კუნძულზე 33 000 ადამიანი ცხოვრობს და სპეციალისტები ვარაუდობენ, რომ მათგან ნახევარზე მეტი დაინფიცირდება. ამ დროისთვის ესტონეთში COVID-19-ის 1 373 შემთხვევაა აღწერილი და შემთხვევათა ნახევარზე მეტი კუნძულ სარემაზე მოდის.
ყველაფერი იმით დაიწყო, რომ სარემაში 4 მარტს მილანიდან ფრენბურთის გუნდი ჩავიდა, სადაც ადგილობრივ გუნდთან, გულშემატკივრების თანდასწრებით, ორი მატჩი გამართეს. 11 მარტს კი კუნძულზე კორონავირუსის პირველი შემთხვევები გამოვლინდა.
სარემაში მხოლოდ ერთი საავადმყოფოა, სადაც 147 საწოლია. ადგილობრივი ექიმი, ედვარდ ლანი BBC-სთან ამბობს, რომ კუნძულზე სიტუაცია ძალიან სერიოზულია. 20 აპრილისთვის ის ინფიცირებულთა რაოდენობის კიდევ უფრო გაზრდას ელოდება.
"დახმარება გვჭირდება. ჩვენს კლინიკაში 147 საწოლია და ეს არ არის საკმარისი“ - ამბობს ლანი. აღსანიშნავია, რომ ინფიცირებულები აქამდე ესტონეთის სხვადასხვა კლინიკებში ვერტმფრენებით გადაჰყავდათ. კუნძულზე კარანტინის მკაცრი წესები მოქმედებს, განსაკუთრებული შემთხვევების გარდა, ამ ადგილის დატოვება აკრძალულია, ასევე აკრძალულია, კუნძულზე შესვლაც.
აღსანიშნავია ვირუსის დროს ადგილობრივების მიერ გამოჩენილი ბრძოლისუნარიანობა. კუნძულის მაცხოვრებლები BBC-სთან ამბობენ, რომ ისინი შექმნილ სიტუაციასთან სწრაფად ადაპტირდნენ და გადარჩენის გზა იპოვეს. მაგალითად, ადგილობრივი სიუზან რეინჰოლმი, ოფისში გაყიდვების მენეჯერად მუშაობდა, ეპიდემიის გამო კი, ის ახლა კურიერად მუშაობს და პროდუქტები კარდაკარ დააქვს. ამბობს, რომ ითვალისწინებს უსაფრთხოების ყველა რეკომენდაციას.
რა თქმა უნდა, კორონავირუსის გამო ბევრი ბიზნესი დაიხურა და ბევრი ადამიანი უსამსახუროდ დარჩა, მაგრამ მათმა დიდმა ნაწილმა სწრაფად იპოვა გამოსავალი - ადამიანები ადაპტირდნენ ცვლილებებთან.
"ჩემი თმის სტილისტი ახლა ადგილობრივ ხორცის საწარმოში მუშაობს. სახლში უსაქმოდ არავინ ზის და არ ფიქრობენ - "ვნახოთ, რას მოგვიტანს ხვალინდელი დღე. ადამიანები მოქმედებენ“, - ამბობს ერთ-ერთი ადგილობრივი.
კუნძულის კრიზის ცენტრის წარმომადგენელი ანა ვარესი ამბობს, რომ რთულია იმის თქმა, თუ რატომ გავრცელდა ასე სწრაფად ვირუსი კუნძულზე.
"ფრენბურთის ორი მატჩი გაიმართა იტალიურ გუნდთან, მატჩზე ათასზე მეტი ადგილობრივი იყო შეკრებილი, ასევე ის ადამიანები, რომლებიც იტალიურ გუნდს იტალიიდან ახლდნენ“, - ამბობს ვარესი.
ადგილობრივი ოფიციალური პირები მეორე თავყრილობაზეც საუბრობენ, რომელიც შამპანურის ფესტივალს უკავშირდება და ამბობენ, რომ შესაძლოა ვირუსის სწრაფად გავრცელება ამას უკავშირდებოდეს.
ბოლო ინფორმაციით, ესტონეთში COVID-19-ით ინფიცირებულთაგან 31 პაციენტი გარდაიცვალა, ხოლო 115 პაციენტი გამოჯანმრთელდა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მშვიდობა მსოფლიოს